A asistência a Compostela no 25 de julho foi para umha infinidade de nacionalistas de todas as geraçons o baptismo político no movimento nacionalista galego. Aqueles moços e moças que se achegavam com curiosidade para participar nas manifestaçons patrióticas descobrerom, em muitos casos, umha outra cara da naçom galega que criam oculta.

Por isso, desde a EPG, em colaboraçom com o Centro Social Revolta, queremos aprofundar na história e no significado do dia da pátria galega através da experiência pessoal de militantes nacionalistas. Para isto convidamos a dous veteranos militantes independentistas que disertarám sobre o dia nacional da Galiza desde o prisma da sua própria experiència.

As pessoas convidadas a palestra som Xosé L. Gonçaĺez Blasco "Foz" - militante nacionalista desde a década de sesenta- e Xam Lôpes -militante independentista desde os anos da transiçom-. A palestra celebrará-se o 21 de julho (quarta feira) às 20:30 no local da EPG (Rua Real,12, Vigo).

Com a chegada da calor, cumprimos umha das nossas promessas iniciais: a EPG começa a desenvolver os seus cursos de educaçom física.

Durante os meses de Julho e Agosto, na cidade de Lugo, organizamos um curso intensivo de 'Introduçom à defesa pessoal'. O docente será José Manuel Nunes, faixa preta de Wu Shu e oficial de organizaçom desportiva. Darám-se noçons básicas de autodefesa, especialmente interessantes para mulheres que quigerem abordar umha situaçom especialmente difícil, como as muitas que se produzem por causa da violência machista.

Com o objectivo de que as pessoas adquiram umhas noçons que lhe permitam umha solvência mínima, o curso durará dous meses e terá duas aulas cada semana. Aproveitaremos as grandes condiçons dos arredores de Lugo, com zonas naturais mui bem conservadas, para adestrar ao ar livre.

As pessoas interessadas em participar devem encaminhar um correio para nunes.tojo@hotmail.com, antes do domingo 10 de Julho.

A Escola Popular Galega continua com a difussom das suas actividades polos distintos centros sociais do país. Desta vez organizamos umha palestra em colaboraçom com o Centro Social Arrincadeira de Ribadavia. A palestra a celebrar na capital do Ribeiro tem como temática a celebraçom do Dia da Pátria Galega.

Abordaremos a evoluçom histórica desta data desde a sua instituiçom polas Irmandades da Fala em 1920 e o significado que a mesma teve no capital simbólico do movimento nacional galego. A palestra será impartida por Antóm Santos, historiador e membro da EPG. Os datos da palestra som os seguintes:

Dia da Pátria Galega. História e significado do dia nacional da Galiza.

15 de julho, às 20h.30 no CS Arrincadeira de Ribadavia - O Ribeiro

Em colaboraçom com o portal soberanista galizalivre.org, vimos de editar umha recompilaçom de artigos de Santiago Alba Rico, traduzidos ao galego por Beatriz Peres Bieites.

As pessoas interessadas em obter este livro (dez euros de preço mais gastos de envio) devem fazer a sua encomenda a escolapopularnacional@gmail.com.

Já temos data para o primeiro encontro de professorado soberanista. Será o vindouro 17 de Maio, aproveitando a assistência ao Dia das Letras em Compostela, a partir das 18h00 no CS A Fouce (Ames).

Pretendemos reunir profissionais do ensino (público ou privado) de todos os níveis numha primeira reuniom de toma de contacto. A intençom é avaliar a possibilidade de intervençons coordenadas nesta área: intercámbio de material pedagógico, ferramentas normalizadoras, conteúdos a partilhar, possibilidade dum currículum nacional.

As pessoas interessadas em assistir devem enviar um correio para escolapopularnacional@gmail.com