Vista a boa acolhida que estám a ter os cadernos de história editados pola Escola (dos que já se esgotárom as primeiras ediçons), anunciamos no blogue o material do que dispomos. Trata-se de cadernos editados pola própria EPG, ou por colectivos amigos, como grupos de estudos que funcionam em algumhas localidades. A ideia é fornecer as bibliotecas dos centros sociais, os colectivos e @s militantes dum material manejável, barato, e que poda circular de mao em mao. Tedes que fazer as vossas encomendas a escolapopularhistoria@gmail.com.

VVAA: "Aproximaçom a alguns aspectos da história da Galiza (I)". Da autoria de Duarte Abad, Ernesto Vásquez Souza, Uxio Breogám Diegues, Carlos Velasco e Xurxo Martínez. Edita Escola Popular Galega. Preço solidário: 3 euros.

VVAA: "Aproximaçom a alguns aspectos da história da Galiza (II)". Da autoria de Eliseo Fernández, Xavier Sánchez e Júlio Teixeiro. Edita Escola Popular Galega. Esgotado (reediçom nas próximas semanas). Preço solidário: 3 euros.

James Howard Kunstler: "A longa emergência". Traduçom ao galego de fragmentos da conhecida obra deste pensador norteamericano, onde se abordam alguns efeitos da iminente crise energética e do colapso da civilizaçom industrial. Edita Grupo de Estudos A Fouce.
Preço solidário: 5 euros.

Conversa com Oriol Martí i Casas: "Temos que recuperar a tradiçom de fraternidade e ajuda mútua d@s comunistas do século XIX". Transcriçom do debate mantido polo médico e militante catalám com activistas galeg@s, onde se fala da militáncia, a crise, os efeitos da tortura ou a saúde mental. Edita Grupo de Estudos A Fouce. Preço solidário: 2 euros.

"Mandamentos do Directório Revolucionário Ibérico de Libertação". Manifesto da organizaçom armada galego-portuguesa, redigidos por José Velo Mosqueira. Edita Grupo de Estudos A Fouce. Preço solidário: 1 euro.

Miquel Amorós: "Crescimento e decrescimento". Introduçom ao debate sobre as propostas decrescimentistas e o ecologismo radical. Edita Grupo de Estudos A Fouce. Preço solidário: 1 euro.