Palestra em Ribadavia sobre o Dia da Pátria Galega

02-07-2010

A Escola Popular Galega continua com a difussom das suas actividades polos distintos centros sociais do país. Desta vez organizamos umha palestra em colaboraçom com o Centro Social Arrincadeira de Ribadavia. A palestra a celebrar na capital do Ribeiro tem como temática a celebraçom do Dia da Pátria Galega.

Abordaremos a evoluçom histórica desta data desde a sua instituiçom polas Irmandades da Fala em 1920 e o significado que a mesma teve no capital simbólico do movimento nacional galego. A palestra será impartida por Antóm Santos, historiador e membro da EPG. Os datos da palestra som os seguintes:

Dia da Pátria Galega. História e significado do dia nacional da Galiza.

15 de julho, às 20h.30 no CS Arrincadeira de Ribadavia - O Ribeiro

Co-editamos "Todas as guerras", livro de Santiago Alba Rico

19-05-2010

Em colaboraçom com o portal soberanista galizalivre.org, vimos de editar umha recompilaçom de artigos de Santiago Alba Rico, traduzidos ao galego por Beatriz Peres Bieites.

As pessoas interessadas em obter este livro (dez euros de preço mais gastos de envio) devem fazer a sua encomenda a escolapopularnacional@gmail.com.

Encontro de professorado soberanista celebrará-se no CS A Fouce o 17 de Maio

13-05-2010

Já temos data para o primeiro encontro de professorado soberanista. Será o vindouro 17 de Maio, aproveitando a assistência ao Dia das Letras em Compostela, a partir das 18h00 no CS A Fouce (Ames).

Pretendemos reunir profissionais do ensino (público ou privado) de todos os níveis numha primeira reuniom de toma de contacto. A intençom é avaliar a possibilidade de intervençons coordenadas nesta área: intercámbio de material pedagógico, ferramentas normalizadoras, conteúdos a partilhar, possibilidade dum currículum nacional.

As pessoas interessadas em assistir devem enviar um correio para escolapopularnacional@gmail.com

Começa o útimo trimestre de estudo das alternativas à crise no CS Mádia leva

02-05-2010

Depois de duas semanas de férias, e em colaboraçom com o Grupo de Estudos do Mádia leva, retomamos o estudo sobre a crise capitalista em andamento.

Dedicámos o primeiro trimestre a conhecer as teorias marxistas da crise, e o debate sobre a "teoria do colapso"; no segundo, aproximamo-nos às diferentes escolas práticas e teóricas que formulam alternativas ao capitalismo; agora, e a partir da sexta feira 7 de Maio, debulharemos práticas concretas que já estám activando-se na Galiza e no mundo.

Na vindoura sexta feira apresentarám-se diferentes alternativas que, no terreno do cooperativismo, estám a funcionar na América Latina.

No dia 21 de Maio, apresentarám-se projectos de educaçom galega e auto-gestionária.

A jornada do 5 de Junho estará centrada nas alternativas ao capitalismo no terreno do combate à fome, na defesa da nutriçom e da saúde.

Iremos informando periodicamente das sessons que se celebrarem. Todas começam às 21h00 e dam começo depois dumha ceia-convívio.

Curso da área de sociologia: Movimento obreiro e câmbio social

29-04-2010

Sábado 8 de Maio no Ateneo Ferrolán (Rua Magdalena, 202-204), em Ferrol.

11h. O movimento obreiro na comarca de Ferrol. Eliseo Fernández (historiador).

12h. Mulher e mundo laboral. Maria Martinez Iglesias. (Socióloga experta em sociologia do trabalho e sociologia do gênero).

16h. As características do sindicalismo galego. Bernardo Máiz Vázquez (historiador).

17h. Experiência militante: O sindicalismo hoje em dia na Galiza. Xam Lopes (Sindicalista da CIG).

Todos os cursos som gratuitos e contarám cum jantar de confraternizaçom às 14h num local perto do lugar onde se celebraram as jornadas formativas. Agradece-se a inscriçom para calcular o número de pessoas que ficaremos ao jantar enviado um correio a escolapopularsociologia@gmail.com ou telefonando ao 649 536 270.

<< 1 ... 7 8 9 10 11 12 13 14 15 16 17 ... 25 >>

Podes contactar-nos em:

escolapopularnacional [arroba]gmail[ponto]com

Escola Popular Galega, Rua Real nº 12 rés-do-chao, C.P. 36202 Vigo.

Escola Popular Galega, Apartado 794, C.P. 36202, Vigo

Busca

  Feeds XML

powered by b2evolution