O curso sobre imigraçom trásláda-se ao local do CS ATreu debido a que a Asoc. de Vecinhos de Monte Alto nos negou a última hora de onte a utilizaçom do seu local logo de asegurarnos reiteradas veces que poderiamos realizalo nas suas instalaçons.

Agardamos que o resto do tecido asociativo tenha em conta a informalidade e a falta de respeito polo trabalho do nosso colectivo por parte desta asociaçom.

O programa e o curso nom se modifica na sua estructura e fica como estava previsto.

Este sábado 24 de Abril organiza-se desde a área de sociologia da Escola Popular Galega um curso sobre o fenómeno imigratório na Galiza. Celebrara-se a partires das 10:30h da manhá no local do CS Atreu R/San José na Crunha. Eis o programa:

Ø 10:30h. As características do processo imigratório: O caso galego. Iria Vazquez Silva. (Experta em sociologia das migraçons e na situaçom da mulher imigrante na Galiza).

Ø 12h. Trabalho e imigraçom na Galiza. Laura Bugalho (Sindicalista da CIG trabalhadora no âmbito relacionado co trabalho e imigraçom).

Ø 16h. Realidade sociolingüística en Galiza e imigración. (Tagen Ata. Língua e comunicación e Bernardo Penabade, impulsor do proxecto de planificación lingüística do Concello de Burela)

Ø 17h. Identidade nacional galega e imigración (Coletivos de imigrantes da Cidade da Crunha, CS Sem um cam, Asemblea polos dereitos das persoas migrantes de A Coruña, etc).

Informar-vos tambem que após as palestras da manhá haverá um jantar, ao que vos podedes apontar no correio escolapopularsociologia@gmail.com ou no telefone 647 289 006.

Qual é a natureza da crise que padecemos? Em que nos ajuda o marxismo a compreendê-la? Estamos ante umha crise cíclica ou ante um colapso terminal? Tencionaremos responder estas e outras perguntas na vindoura sexta feira 23, a partir das 17h00, no centro social A Fouce.

O seminário será coordenado por Júlio Teixeiro, do centro social Mádia leva.

A Confederaçom Geral do Trabalho (CGT) organiça para o 27 de abril (terça feira) às 20h.00, umha palestra sobre a História do 1º de maio na Galiza. A palestra corre a cárrego de Isidro Román Lago, militante da CGT e historiador que tem centrado as suas investigaçons no societarismo e o movimento agrarista galego e no movimento obreiro na Galiza de pre-guerra.

A palestra enquadra-se no conjunto de actos da CGT com motivo da celebraçom da jornada do 1º de maio.

Verdegaia e a Asociación Galega de Horticultura Urbana organizam, o vindeiro venres 9 de abril ás 20:00, umha palestra sobre Horticultura Urbana no local da Escola Popular Galega (Vigo, Rúa Real nº 12).

"Colhe umha maceta, planta umha leituga, deixa que medre e cóme-a. A tua vida nom volverá ser igual". Este é o convide com o que Ramón Paz, o ponente da Asociación Galega de Horticultura Urbana, nos convida a formar parte dumha corrente en auge: o cultivo de hortas nas cidades, para o que só se precisa dum mínimo espaço e ganhas de mudar cara a um estilo de vida mais sostível. O que se busca é recuperar o modelo de produçom tradicional -achegando o rural á contorna urbana- e promover o auto-abastecimento de produtos sans e de qualidade. O obxectivo último: conscienciar à gente que vive nas cidades de que outra forma de vida é possível.

Ademais do cultivo en macetas, trabalhar as terras existentes nas urbes é umha outra das prioridades, já sejam da sua propriedade ou chegando a um acordo de cessom com as pessoas proprietárias. Mais alá das experiências individuais, a iniciativa persegue tecer umha rede de labregos e labregas urbanas, seguindo o modelo iniciado em Santiago com as hortas de Belvís pero com umha maior implicaçom detrás que garanta o éxito da iniciativa.