A Escola Popular e o Grupo de Estudos do Mádia leva fecham o seu segundo trimestre de actividade. As duas sessons que fecham este bloco celebram-se na próxima sexta feira 25, e na vindoura sexta feira 9 de Abril.

Na primeira das sessons submeterá-se a debate um texto de Alain Badiou: "Se nom houver movimento, o único que existe é a orde". O filósofo francês é um dos representantes mais senlheiros da teoria da esquerda revolucionária desde a década de 60, e dedica os seus esforços mais recentes ao que chama "a reinvençom da política".

Quinze dias depois, serám debatidos dous textos: umha entrevista com Santiago Alba Rico e um ensaio de Gil de San Vicente: "Capitalismo em crise e internet vermelha".

As sessons começam às 21h00, com umha ceia de confraternizaçom que custa 3 euros. Os textos estám a dispor dos e das assistentes no centro social.

Quando num país como a Galiza existem ainda forças políticas e pessoas que, como os representantes do Partido Popular na câmara municipal d'A Corunha, se negam a condenar sem paliativos a barbárie que a ditadura franquista supuxo para o nosso povo, constitúe um deber ineludível ir resgantando feitos esquencidos daqueles tempos do fascismo e deitar luz sobre este período tam sinistro da nossa história contemporânea. A esta tarefa trata de contribuír modestamente a Escola Popular Galega com a organizaçom da jornada temática sobre o franquismo na Galiza.

?Olhadas sobre o franquismo na Galiza? é o título da jornada que a Área de História da EPG tem programada para o sábado 13 de março e nas que se darám cita expertos em diversos temas monográficos. O programa definitivo das jornadas é o seguinte:

10.30 O campesinhado galego no franquismo, entre a resistência e a adaptaçom.

Antom Santos é militante independentista e forma parte do projecto da EPG. É historiador e especialista no movimento agrarista e os seus médios de comunicaçom e em pensamento social agrário. Entre as suas investigaçons destacam as adicadas ao estudo das actitudes do campesinhado galego ante a ditadura franquista durante os anos da pós-guerra

12.00 O fulgor e as tebras. As bibliotecas na segunda república e a sua destruçom polo franquismo.

Francisco Xavier Redondo Abal é investigador e bibliotecário da USC. A sua tarefa investigadora centrou-se, entre outros temas, na guerrilha anti-franquista galega e no estudo das bibliotecas na Galiza de pre-guerra e a sua destruçom polo fascismo. Neste último tema desenvolve umha actividade muito meritória e quase pioneira.

16:30 Memória da modernizaçom. Vulnerabilidade e resistência.

JulioTeixeiro é militante independentista e profesor de filosofia. Colaborador da EPG e membro do Grupo de Estudos do centro social Mádia Leva de Lugo, achéga-nos umha olhada analítica do decorrer da causa nacional galega e do movimento nacionalista no contexto da modernizaçom experimentada polo nosso país.

18.00 A prensa galega no franquismo.

Gustavo Luca de Tena é umha das plumas mais reconhecidas, críticas e lúcidas do jornalismo galego das últimas décadas e também um dos máximos conhecedores da história da prensa galega durante o franquismo. Para além da sua labor como escritor, tradutor e investigador, como jornalista trabalhou, entre outros médios, em La Voz de Galicia, Pueblo Gallego, Hoja del Lunes e A Nosa Terra. No seu labor investigador destaca a biografia ?Fraga. Retrato de un fascista?.

Com motivo das jornadas haverá um jantar de confraternizaçom às 14.30 no CS A Revolta. Para anotar-te ao curso e ao jantar envia um correio com o teu nome e um número de telefóne ao seguinte endereço: escolapopularhistoria@gmail.com

Depois da última reuniom do nosso claustro, celebrada em 20 de Fevereiro, decidimos lançar umha nova iniciativa dirigida às e aos profissionais do ensino. Dado o interesse demonstrado por algumhas pessoas que trabalham neste campo laboral, abrirá-se umha linha de intervençom, modesta mas com visos de perdurar, focada ao ensino regrado.

Por tal motivo, a EPG prepara um encontro nacional dirigido a todo o professorado que, no país, se move em chaves soberanistas. Tratará-se de coordenar no possível a sua intervençom, com o intuito de paliar carências que o sistema educativo espanhol afunda: possibilidade de espalhar unidades didácticas e materiais, partilha de recursos lingüísticos e novas tecnologias em galego internacional, ou mesmo a materializaçom dum velho projecto: um currículum nacional galego que cubra as necessidades básicas do alunado.

Seja como for, serám as próprias pessoas assistentes as que decidam o alcanço da iniciativa. Estará aberta a todos os níveis do ensino, do primário ao universitário, e a todas as disciplinas. Publicitaremos quanto antes a data do encontro, que decorrerá na primavera deste 2010.

A EPG e o Grupo de Estudos do Mádia leva continuam a fazer pública a planificaçom dos seguintes blocos de debate. As sessons procuram, neste trimestre, conhecer com o máximo detalhe cada umha das alternativas à crise que proponhem as distintas escolas de esquerda.

Assi, na sexta feira 26, começando às 19h00, analisarám-se às críticas ao capitalismo espectacular e à invasom tecnológica. Os textos a debate serám:

Guy Debord: Fragmentos d'"A Sociedade do Espectáculo" (1967) e de "Comentários sobre a sociedade do espectáculo"(1988).

Miguel Amorós: "Comentários sobre a técnica e algumhas maneiras de combater o seu domínio"; "Os meus amigos russos e polacos".

Na seguinte sessom, volvendo ao horário das 21h00, debruçaremos em diferentes ópticas do marxismo do movimento obreiro, com os seguintes autores:

Gil de San Vicente: "Capitalismo em crise e internet vermelho"(2008)

Alain Badiou: "Se nom houver movimento, o único que existe é a orde"(2000)

Santiago Alba: Entrevista de Agosto de 2009 (traduzida por galizalivre).

Os textos estám a dipor das e dos assistentes no centro social.

Da Área Feminista da EPG informamos que o curso sobre "A influência dos médios de comunicaçom e a sociedade na psicologia e no corpo da mulher" promovido pola Área Feminista e programado para o sábado 27 de março, adia-se para o seguinte trimestre. Nos próximos dias a Área Feminista da EPG informará das datas de celebraçom do curso.