Já temos horário definitivo para o curso de desenho gráfico e maquetaçom. Pola necessidade de partilharmos o centro social com outras iniciativas que também precisam do espaço, celebramos a nossa sessom a partir das 16h00, no centro social A Fouce de Bertamiráns.

Lembramos às pessoas interessadas que, de ser possível, devem levar um computador portátil, para fazer mais ágil a aula. Esta será ministrada por Miguel Garcia, profissional do desenho gráfico e maquetador habitual no nosso movimento.

Informamos aliás que as companheiras e companheiros do centro social organizam, para o serám desse mesmo dia, um concerto com Mini e Mero, ao que podem assistir as pessoas interessadas.

A historiografia galega tem adicado intensos esforços nos últimos anos para ir deitando luz sobre as tebras que cobrirom a Galiza nos longos anos da ditadura. Porém, se bem algumhas áreas da história da ditadura forom objecto de investigaçom por parte dos historiadores e das historiadoras (guerrilha anti-franquista, genocidio fascista,nacionalismo galego de pós-guerra, movimento obreiro no tardo-franquismo, etc.), muitos outros aspectos deste período histórico continuam reclamando umha urgente atençom.

Com este fim, a Área de História da EPG organiça um novo curso para o 13 de março em Vigo no que se abordarám quatro temáticas monográficas sobre o franquismo na Galiza. As temáticas e os ponentes som os seguintes:

- O campesinhado galego no franquismo, entre a resistência e a adaptaçom. Antom Santos.

- A prensa galega no franquismo. Gustavo Luca de Tena.

- O fulgor e as tebras. As bibliotecas na segunda república e a sua destruçom polo franquismo. Francisco Xavier Abal

- Memória da modernizaçom. Vulnerabilidade e resistência. Julio Teixeiro.

Para anotar-se nas jornadas há que enviar um correio ao seguinte endereço, indicando nome e número de telefóne de contacto:

escolapopularhistoria@gmail.com

Continuamos a difusom de algum dos aspectos esquecidos da nossa história, nesta ocasiom co-organizando seminários com os colectivos barbançaos Roi Soga e Aturuxo.

No sábado dia 13, na Casa da Cultura de Noia, abre-se a jornada às 11h00 da manhá, com os contemporaneístas Carlos Velasco e Uxio Breogán Diéguez. Falarám da experiência da IIª República e das origens do nacionalismo e do arredismo, respectivamente.

De tarde, a partir das 18h00 no mesmo lugar, o veterano militante galego Luís Gonçález Blasco "Foz", dará a sua palestra sobre a reorganizaçom nacionalista nos anos sessenta.

As jornadas continuam no dia seguinte, às 11h00 da manhá, no centro social Aturuxo de Boiro. Júlio Teixeiro apresentará a sua ponência sobre nacionalismo e modernizaçom, enquanto Duarte Abade fará o próprio com o seu trabalho sobre as origens do Reino da Galiza.

A assistência às jornadas será, como sempre, de graça, e as pessoas interessadas poderám conseguir lá os cadernos com os trabalhos de investigaçom que a EPG está a divulgar.

Para esta fim de semana está programado o começo de dous cursos. Na sexta feira 5 de fevereiro, às 19h:00, começa a primeira jornada do primeiro módulo do curso de Relaçons laborais, sindicalismo e movimento obreiro galego. Esta primeira jornada têm um conteudo muito prático sobre "Direitos, deveres e procedimento no âmbito laboral" e será impartido por Fernando Alfaia. Os temas do curso vam-se desenvolver todas as sextas feiras no mesmo horário até o 19 de março.

Para o sábado às 16:30 temos programado um curso básico de Introduçom ao gênero. O desenvolvimento do curso intercalará exposiçons teóricas com casos práticos e dinámicas participativas.

Para evitar a coincidência da programaçom da EPG com as mobilizaçons previstas para o 30 de janeiro em Vigo com motivo das detençons dos militantes independentistas vigueses Xurxo e Oscar, o curso de Introduçom ao género previsto para esse dia adia-se para o seguinte sábado 6 de fevereiro com o mesmo horário (16:30 a 19:30) e formato.