O próximo dia 22 de dezembro a organizaçom ecologista "Verdegaia" organiza no local da EPG umha palestra sobre a "Exploraçom irracional dos recursos pesqueiros". A palestra começará às 20:30 horas e continuará com um debate aberto a todas as pessoas asistentes. Lembramos que estas palestras organizadas por "Verdegaia" celebram-se mensalmente no local da EPG.

As companheiras e os companheiros de GZ-Vídeos vam dar um novo impulso ao seu projecto. Nas próximas semanas instalarám-se no local da Escola Popular Galega com a intençom de pôr em andamento um sistema de empréstimo do seu valioso fondo documental. Este sistema de empréstimo funcionará de maneira presencial, no local da EPG, e na rede. Nas próximas datas informaremos mais polo miúdo desta boa iniciativa e dos projectos relacionados com a mesma.

O Grupo de Estudos do Mádia Leva e a Escola Popular Galega vam fechando este seu primeiro trimestre, dedicado a estudar os diagnósticos que se fam sobre a crise capitalista. Dedicou-se o mês de Outubro a rever alguns clássicos do marxismo e o próprio Marx; continuou-se em Novembro estudando a "teoria do colapso" segundo o debate dos anos 30, através dum documento de Giacomo Marramao. E remata-se o ano (e o trimestre) com um longo texto de Jorge Benstein, "Rostos da crise".

Este conhecido analista da esquerda internacional (e colaborador em muitos meios latinoamericanos e lusófonos) amplia o conceito "crise", para defender a tese do colapso da civilizaçom burguesa em muitas ordes: na económica, mas também a militar, a tecnológica, a política, a cultural ou a ambiental.

A sessom de debate decorrerá na noite do 11 de Dezembro, depois da ceia habitual. Trás o debate, o Grupo de Estudos e a EPG preparám um caderninho formativo com as conclusons deste trimestre, para favorecer o debate no ámbito nacional.

Quem se quiger apontar a esta última sessom do trimestre terá que fazê-lo na lista aberta no centro social. Tamém aqui poderá recolher os textos, disponíveis desde o dia 2 de Dezembro.

A área de sociologia da Escola Popular Galega organiza no CS A Fouce de Bertamiráns um curso de dous dias que leva por título "LINGUA E SOCIEDADE NA GALIZA". Os objectivos do curso som a formaçom geral, básica e introdutôria no conhecimento da situaçom da língua galega na atualidade desde um posto de vista sociolingüístico e as chaves analíticas para a sua compressom.

O curso e gratuito. O praço para se anotar para quem tenha intençom de participar nas comidas é na Sexta-féira ao meiodia enviando um correio a

Full story »

Neste dias estamos a levar adiante o trabalho de registro e catalogaçom dos volumes que conformarám inicialmente a Biblioteca Popular da EPG. O ponto de partida da mesma é a biblioteca do CS Revolta que está composta por mais de 1200 volumes. Entre os livros e revistas que poderás atopar na biblioteca atopam-se valiosas colecçons e monografias sobre pensamento e teoria política marxista, nacionalismo e independentismo galego, movimentos políticos e sociais, biografias e memórias, economia política, feminismo e género, literatura galega, literatura infantil, antropologia de Galiza, dicionários e gramáticas de galego e português
...

Entre algumha das joias às que podes acceder destacamos um exemplar original em língua francesa da primeira e reducidíssima ediçom do magnífico ensaio do geografo francés A.Bouhier "La Galice, essai geographique d'analyse et d'interpretation d'un vieux complexe agrarie".

A biblioteca funcionará com horários de empréstimo e consulta em sala três vezes por semana.