Desde a Cooperativa de Consumo Consciente de Árbore e a Asociación Ecoloxista Verdegaia, convidámos-vos a participar no Obradoiro de Teatro da Oprimida que terá lugar no dia 20 de Outubro das 17.30h ás 21.30h da tarde no local da Escola Popular Galega na rúa Real 12 da zona velha.

Que é o Teatro da Oprimida?

O Teatro da Oprimido começa nos anos 60 no Brasil impulsado principalmente polo dramaturgo, director e teórico de teatro Augusto Boal, nascido em Rio de Janeiro em 1931. Num contexto histórico de repressom política, Boal buscou sempre loitar contra todas as formas de opressom, desenvolvendo a sua luita a favor das exploradas e oprimidas a través dum teatro de fasquia política, libertaria e transformadora.
Trata-se dumha forma de Teatro, entre tantas outras, no entanto, diferéncia-se por asumir que todas somos actores e actrices e que o público debe ser o protagonista da acçom teatral, o que lhe outorga um carácter extremadamente inovador, criativo e, especialmente, democrático e participativo.

Cales som os obxectivos?

Com este obradoiro de introduçom ao Teatro da/o Oprimida/o pretende-se conhecer algúns conceptos básicos desta metodologia e experimentar algúns exercicios de desmecanizaçom do corpo e da mente. Poderemos explorar a criatividade e a imaginaçom como ferramenta de transformaçom social; partilhar e debater problemas sociais e opressons vividas, bem como as suas causas e consequências e potenciais soluçons; e desta forma aprofundar a capacidade de acçom colectiva e cooperativa e capacitar para umha cidadania transformadora.

Estrutura do Obradoiro:
1ª parte ? 30 minutos
· Boas-vindas e Apresentaçons das pessoas e da Oficina
· Exercícios Vitamina/Quebra-gelo e de Construçom de Grupo
2ª parte ? 1 hora 30 minutos
· O que é o Teatro do Oprimida: história, conceitos e práticas
· Exercícios de desmecanizaçom do corpo e mente
· Teatro Imaxen: experimentar algunhas técnicas
3ª parte ? 2 horas
· Teatro Fórum ? situaçoes de opressão: partilha e debate através das técnicas do Teatro Fórum
· Avaliaçom, Palavras Finais e Despedidas

As pessoas interesadas podem contactar no correio de vigo@verdegaia.org ou no telefono 661240605

Depois da etapa preparatória do verao, já temos pronto o programa formativo deste primeiro trimestre. Depois de dous cursos de experiência, privilegiamos umha nova focagem: organizamos umha cantidade menor de cursos, dando peso àqueles que foram melhor recebidos noutras ediçons, e brindando-nos sempre a organizar aquelas sessons que os centros sociais nos solicitam. Velaí a oferta formativa deste outono, que possivelmente for enriquecida se chegam novas petiçons de coletivos sociais.

-Co-organizado com o Grupo de Estudos Mádia leva.
Cada quinze dias até Natal, a partir da sexta 30 de Setembro, 21h00.
'Aproximaçom a alguns aspectos da história da Galiza'. A diferença de outros anos, a docência será coletiva: cada umha das pessoas assistentes prepararám leituras previamente acordadas, que logo serám postas em comum. O mês de outubro será adicado à pré-história, e especialmente ao debate do celtismo.

-Quarta feira 16 de novembro, Associaçom de Vizinh@s de Esteiro (Ferrol) , 20h00.
Apresentaçom do livro 'Palavras sem maiúsculas. Experiências militantes na Galiza'(1970-2005), VVAA. A cargo dum dos autores.

-Sábado 19 de novembro, centro social Revira (Ponte Vedra), 10h00: 'Marxismo e movimento galego. Pensamento e experiências históricas'. A cargo de membros da EPG.

-Quarta feira 14 de dezembro, CS Mádia leva, 20h00:
'Alternativa revolucionária ou escapismo? O decrescimento a debate'. Com representantes da EPG e do coletivo decrescentista 'Véspera de Nada' (por confirmar).

A EPG aproveitou o nosso dia grande para achegar ao público interessado duas novas propostas de pensamento e acçom, editadas no já clássico formato com que sairam do prelo outras obras recentes.
Nesta ocasiom, vários membros da EPG redigírom o livro 'Arredismo e tradiçom. O campesinado galego face a modernizaçom'. A obra, de intençom divulgativa, pretende oferecer à militáncia, sobretodo mais nova, um retrato da sociedade tradicional galega e do seu enfrentamento secular com o poder estatal, intervindo de cheio no debate sobre o futuro rural.
De autoria coletiva é a obra 'Palavras sem maiúsculas. Experiências militantes na Galiza (1970-2005)', que reune um total de treze tertúlias mantidas polo Grupo de Estudos 'A Fouce' com mais dumha dúzia de ativistas de distintas épocas. Polas conversas desfila a história contemporánea do nosso país contada por militantes obreiros, feministas, estudantis, repressaliados, ocupas, músicos combativos, siareiros ou antimilitaristas.
A acolhida de ambas obras nos postos de material do Dia da Pátria foi mais que boa, nomeadamente no caso do livro 'Palavras sem maiúsculas'.
Quem quiger conseguir estes livros antes de começarmos, no curso vindouro, um ciclo de apresentaçons, pode fazer as suas encomendas a escolapopularnacional@gmail.com.

Em colaboraçom com o centro social ourensano, a EPG organiza umha nova sessom de história do movimento galego, a cargo dum membro da nossa entidade. Será na vindoura sexta feira 15 de julho, a partir das 20h00 do serám. Os e as companheiras do centro social organizam umha merenda de convívio para depois da atividade.

Será na vindoura sexta feira dia 1, a partir das 21h30, em colaboraçom com o Grupo de Estudos do Mádia leva, no centro social do mesmo nome. Imos fechando o curso com mais reflexons sobre a crise capitalista em andamento, tema estrela das nossas últimas sessons.
A projeçom acompanhará-se dumha ceia no próprio centro social.