Na próxima terça feira 24 de novembro temos umha palestra organizada por Verdegaia sobre "Espécies invasoras na Galiza". A palestra decorrerá a partires das 20:30 horas no local da Escola Poular Galega e está aberta a todo o público.

Com o intuito de enriquecer as bibliotecas dos movimentos populares galegos, vimos de editar o caderno "Aproximaçom a alguns aspectos da história da Galiza", com contributos de Ernesto Vázquez Souza, Duarte Abade Loxo, Carlos Velasco Souto. Uxio Breogám Diegues e Xurxo Martínez. Cada comunicaçom aborda um aspecto da história do país, desde a conformaçom do velho reino da Galiza aos movimentos populares mais recentes.

As pessoas interessadas podem consegui-lo, polo preço solidário de 2 euros, solicitando um exemplar a escolapopularhistoria@gmail.com.

No próximo mês a Área de História editará um novo exemplar, atingindo outras dimensons da nossa história, com textos de Eliseo Fernández, Xavier Paços e Júlio Teixeiro. O movimento obreiro recente, a ditadura franquista e a evoluçom do projecto nacional galego até hoje, serám os temas analisados nesta nova brochura.

Nesta sexta feira dia 13, no local do centro social, a Escola Popular e o Grupo de Estudos do Mádia Leva continuam o debate sobre a crise capitalista em andamento. Como todas as sextas feiras, a cea-tertúlia começará às 21:00h.

Depois dum primeiro bloco, dedicado à natureza das crises segundo o marxismo, passa-se a um segundo bloco: o debate surgido no movimento obreiro sobre a "teoria do colapso", que tivo o seu momento álgido nas primeiras décadas do século XX.

Para isto, manejará-se um texto de Giacomo Marramao, professor de filosofia política em Itália, e umha das figuras senlheiras do pensamento de esquerdas daquele país nos anos setenta. O documento intitula-se "Teoria da crise e problema da constituiçom" (publicada em Telos, no inverno de 1975).

As pessoas interessadas podem apontar-se no centro social ao longo desta semana.

Na sexta feira 30 de Outubro, e a partir das 21:00h, o Grupo de Estudos do Mádia Leva e a Área de Movimentos Sociais da EPG reiniciam o trabalho teórico sobre a crise capitalista.

Trás a ceia, abordará-se de novo o debate do primeiro bloco de textos que fôrom disponiblizados. Assi, logo de conhecermos um pouco mais polo miúdo alguns trechos d'O Capital e dos Grundisse de Marx, passamos a estudar outros desenvolvimentos da teoria crítica. Os textos para o debate desta jornada som fragmentos da obra (Re)introdución ao marxismo (F. Marzoa, 1980), e os artigos "Quanto custa o mundo?" e "O mito da produtividade. Desenvolvimento tecnológico, racionalizaçom e desemprego" (R. Kurz, 2008 e 1996, respectivamente).

Esclarecidos estes aspectos, e dentro de outros quinze dias, abordaremos outro bloco de textos, volcados especificamente a esta crise que padecemos.

Lembrar a toda a gente que as pessoas interessadas devem inscrever-se no CS Mádia Leva para concretizar assi a entrega dos textos e as vagas para a ceia.

O pasado sábado 24 de outubro celebrou-se na sede nacional da EPG a primeira das jornadas do curso de Problemáticas medioambientais na Galiza com boa asistência de público (15-20 pessoas). Na noite anterior apresentou-se no CS Revolta o projecto da Universidade Rural Galega. Neste sábado 31 de outubro decorrerá a segunda jornada com o seguinte horário:

10:30-12:00 Mobilidade, transporte e infraestruturas de transporte. Begoña Carrera.
12:30-14:00 O médio rural e agrario. Lindia Senra.
16:30-18:00 Problemáticas ambientais, económicas e sociais no sector pesqueiro. Santiago Palas.
18:00-19:30 Infraestruturas no litoral. O Plano Acuícola. Manoel Santos.