Depois de várias alteraçons (motivadas por coincidir parte do nosso seminário com o acto nacional em defesa da língua do dia 18) disponibilizamos o horário definitivo do seminário de história da Galiza. Os organizadores consideramos preferível adiar parte do seminário para podermos assistir aos actos polo idioma, reduzindo a sessom de formaçom a umha só jornada. As actividades ficam como segue:

Sábado 17 de Outubro, manhá, 11:00h. CS Esmorga.

"A conformaçom histórica do Reino da Galiza". Duarte Abade Lojo.

14:00h. Jantar no CS Esmorga, (8 euros por pessoa).

Tarde: 16:00-19:00h, CS Sem um Cam.

"Galiza como naçom minguante". Ernesto Vásquez Souza.
"Breve aproximaçom à história do nacionalismo de pre-guerra". Uxio-Breogám Diéguez.

A extensom de cada palestra e a tertúlia posterior regulará-se em funçom da vontade dos conferenciantes e do alunado, para melhor optimizar a jornada.
Lembramos também que as pessoas interessadas devem inscrever-se no correio escolapopularhistoria@gmail.com, ficando inscritas também no jantar se assi o desejarem.

Bota a andar umha nova área da EPG, neste caso dedicada ao estudo dos movimentos sociais e ao pensamento crítico. Dada a modéstia dos nossos meios, o trabalho desta área começa exclusivamente no ámbito local: graças à colaboraçom do Grupo de Estudos do CS Mádialeva!, activo desde o passado ano, a área inicia o seu trabalho.

O primeiro ciclo de actividades dedicará-se ao estudo da crise capitalista em andamento. Com a legenda "A crise e nós. Diagnóstico e resistências", repassarám-se as distintas análises que se estám a realizar sobre o hipotético colapso do capitalismo; posteriormente, debaterám-se criticamente as propostas que se erguem dos movimentos populares.

Com este objectivo, disponibilizará-se em pouco tempo umha escolma de textos redigidos na nossa língua, à que se poderá aceder no próprio Centro Social.

As sessons de formaçom serám quinzenais, e começarám no dia 16 deste mês, a partir das 21:00h. Os debates acompanharám-se dumha ceia de confraternizaçom.

No endereço de correio electrónico da Área de Crianças que aparesce nos cartazes editados pola EPG há um pequeno erro que está impendindo a correcta comunicaçom com as pessoas responsáveis de esta área. O endereço correcto é o seguinte: escolapopularcrianzas@gmail.com

O próximo domingo 4 de outubro começa o curso de "Criança com apego". Começaremos a partires das 17:00 h. com o obradoiro e mostras já expostas desde o dia anterior para ao longo da tarde fomentar a participaçom das/os assistentes num debate sobre a temática do curso. O debate contará com a participaçom de membros da associaçom Deleite e com a projecçom dum powerpoint de apresentaçom deste colectivo que servirá para dinamizar o debate.

Por causa da celebraçom da manifestaçom em defesa do nosso idioma convocada para o dia 18 de outubro em Compostela, as pessoas promotoras do curso de HISTORIA GERAL DA GALIZA decidirom adiar os dous seminários programados para esse mesmo dia 18 (domingo). As modificaçons no programa atingem unicamente aos seminários do dia 18 ficando como estava a programaçom do dia 17 de outubro (sábado). Será o próprio grupo de pessoas participantes no curso quem decida a hora, data e lugar dos seminários pendentes.