NOVAS ACTIVIDADES

28-09-2009

Acompanhando às jornadas de LINGUA E SOCIEDADE que se celebrarám em 27 e 28 de novembro no CS A Fouce de Bertamiráns, apresentamos o seguinte livro:

"A represión lingüística en Galiza no século XX" de Pilar Freitas Juvino.

28 de novembro às 18:30 h. no CS A Fouce. Bertamiráns-Ames.

ABRE AS SUAS PORTAS A ESCOLA POPULAR GALEGA

14-09-2009

Depois de muitos meses de trabalho, a Escola Popular Galega inaugura o 3 de outubro a sua sede nacional em Vigo.A inauguraçom começa às 18:00 horas. Situada no coraçom da cidade velha (Rua Real), a sede da EPG localiza-se no prédio no que se imprimiu a primeira obra do Rexurdimento "Cantares Gallegos".

Inscriçom nos cursos da EPG

06-09-2009

ABERTO PRAÇO DE INSCRIÇOM NOS CURSOS

Desde hoje 15 de setembro já está aberto o praço para a inscriçom nos cursos da EPG. Lembramos que os cursos som totalmente de balde e que nalgúns as vagas limitadas.

Para anotar-te num curso debes enviar um correio electrónico ao endereço correspondente à área do curso (p.ex. se desejas anotar-te no curso de Lingua e Sociedade na Galiza envia o correio a escolapopularsociologia@gmail.com). Indica o nome do curso, um endereço electrónico e um número de telefóne de contacto.

Os endereços das áreas som os seguintes:

Área Sociologia: escolapopularsociologia@gmail.com
Área Historia: escolapopularhistoria@gmail.com
Área Lingua: escolapopularlingua@gmail.com
Área Comunicaçom: escolapopularcomunicacion@gmail.com
Área Criança: escolapopularcrianzas@gmail.com
Área Trabalho e Relaçons Laborais: escolapopulartrabalho@gmail.com
Área Geografia, Ecologia e Medio Ambiente: escolapopulargeografia@gmail.com
Área Ensino Técnico: escolapopulartecnico@gmail.com

Cualquer outra informaçom dos cursos pendente de confirmaçom poderás atopa-la no seu momento no nosso blogue.

Colaboraçom

06-09-2009

Podes colaborar com o projecto de muitas formas:

  • Como docente: oferece-nos os teus conhecimentos e habilidades. Farás parte de umha base de dados de docentes e matérias e quando houver um grupo de pessoas à procura dessa formaçom, organizaremos o curso.
  • Como promotor/a e/ou dinamizador/a de grupos de autoformaçom: vós mesmas/os podedes autoorganizar-vos para aprender e ensinar. Os recursos da EPG estám à vossa disposiçom.
  • Como aluna/o. Os cursos som totalmente gratuitos.
  • Participando nos turnos para a abertura da sede, dinamizando a biblioteca e a videoteca, organizando actividades ...
  • Comprando e vendendo material da EPG.
  • Tornando-te sócia/o da EPG: deste jeito colaborarás economicamente com o projecto. Precisamos umha base económica e humana forte para garantir a viabilidade e continuidade do projecto. As quotas som de 36 e 18 euros anuais, quer dizer, 3 ou 1,5 euros mensais. Lembra que os nossos cursos e serviços som totalmente gratuitos e que nom cobramos por nengumha actividade, porém, existem umha série de gastos que há que enfrentar. Anexamos aqui o impresso que deves encher para te associar.

Sede

06-09-2009

Recuperando um lugar histórico para a língua e a cultura galega

A EPG conta com umha Sede Nacional em Vigo no coraçom da cidade velha (Rua Real, 12), ocupando o obradoiro em que se imprimiu ?Cantares Gallegos? em 1863. Esta Sede dispom dum espaço de 150 m2 em que se oferecerám os seguintes serviços:

  • Biblioteca Popular: a EPG custodia e dinamiza a biblioteca cedida em depósito polo Centro Social A Revolta. A biblioteca parte de umha colecçom formada por volta dos 1200 volumes e está especializada em livros em galego e de temática galega. Entre os fundos da biblioteca poderás encontrar valiosos exemplares de colecçons das mais diversas temáticas. Neste momento estamos trabalhando numha nova catalogaçom dos livros e nos próximos meses aguardamos que as pessoas sócias da EPG e do CS A Revolta poidam aceder através da internet ao índice de títulos. Aliás, nas próximas semanas estarám definidos os horários para o empréstimo, a consulta e a leitura.
  • Videoteca.
  • Arquivo dos movimentos políticos e sociais galegos: estamos trabalhando na compilaçom e catalogaçom de documentos e textos dos movimentos políticos e sociais galegos.
  • Hemeroteca: na nossa sede poderás tomar um café enquanto consultas a imprensa, revistas, vozeiros de colectivos e associaçons ...
  • Internet: a sede disporá de acesso gratuito à internet.
  • Sala para a celebraçom dos cursos, palestras, exposiçons ...

Aliás, a nossa sede alberga também o ?Espaço para a criança Folhas Novas? autogerido pola Associaçom galega de maes e pais Agarimar.

<< 1 ... 15 16 17 18 19 20 21 22 23 24 25 >>

Podes contactar-nos em:

escolapopularnacional [arroba]gmail[ponto]com

Escola Popular Galega, Rua Real nº 12 rés-do-chao, C.P. 36202 Vigo.

Escola Popular Galega, Apartado 794, C.P. 36202, Vigo

Busca

  Feeds XML

powered by b2evolution