Actividades

06-09-2009

Para além dos cursos e seminários, a EPG organiza actividades formativas e divulgativas diversas: palestras, projecçons, roteiros formativos, lançamento de livros ... Estas actividades desenvolvem-se na sede da EPG ou nos locais das entidades e associaçons com que colaboramos.

Próximas actividades:

Actividade de inauguraçom do curso ?Problemáticas medioambientais actuais na Galiza?

Apresentaçom da Universidade Rural Galega.

23 de 0utubro às 20:30 horas no CS A Revolta (Rua Real, 32). Vigo

Que é a Escola Popular Galega?

06-09-2009

A Escola Popular Galega quer ser um instrumento à disposiçom da comunidade nacional galega para exercermos a soberania educativa a partir de um ensino solidário e crítico, orientado à transmissom de saberes e valores vinculados à experiência comunitária galega. Um projecto educativo alternativo, que tem por objecto dotar a comunidade galega dos instrumentos para a difusom e o intercâmbio do conhecimento censurado e excluído do ensino formal.

A Escola Popular Galega é um projecto de auto-educaçom comunitária, aberto portanto à participaçom e propostas de todas e todos nós. Nós somos ao mesmo tempo o sujeito e o objecto da escola popular, o nosso envolvimento é a condiçom necessária para assentar as bases dumha educaçom galega, de vocaçom prática e ligada à realidade do país.

Porquê?

06-09-2009

A demanda dum ensino galego e de qualidade é umha constante na tradiçom soberanista do nosso país. A subordinaçom política, económica e social da Galiza converteu o ensino público numha arma desgaleguizadora e alienante ao serviço de interesses alheios que favorecêrom ao mesmo tempo o desmantelamento e abandono do ensino público. Este processo propiciou o desenvolvimento de resistências e luitas do nosso povo em defesa dum ensino público e galego.

Esta experiência acumulada de luitas e resistência deriva da necessidade objectiva que a nossa naçom tem de se dotar de instrumentos próprios com que exercer a sua soberania em funçom do seu desejo de supervivência.

A Escola Popular Galega quer ser um instrumento à disposiçom da comunidade nacional galega para exercermos a soberania educativa a partir de um ensino solidário e crítico, orientado à transmissom de saberes e valores vinculados à experiência comunitária galega. Por que nom precisamos nem Espanha nem o capitalismo, para exercer desde já a nossa soberania educativa e formativa. Mais, insistimos, nom como fetiche, senom como meio necessário para asegurarmos futuro à nossa naçom.

A constituiçom dum ensino nacional é umha condiçom ineludível para a construçom dumha sociedade galega soberana, é a nós que corresponde fazer o caminho , a Escola Popular Galega é apenas um passo nessa direcçom que precisa da participaçom e implicaçom das galegas e galegos que aspiramos a umha educaçom própria.

Para quê?

06-09-2009

A Escola Popular Galega é um projecto educativo alternativo, que tem por objecto dotar a comunidade galega dos instrumentos para a difusom e o intercâmbio do conhecimento censurado e excluído do ensino formal, estabelecendo assim três linhas prioritárias de trabalho:

  • Estudo da nossa realidade histórica, social, económica, ambiental e adquisiçom de competência linguística.
  • Formaçom prática em conhecimentos e saberes adquiridos por transmisom social e/ou geracional que ficam à margem do sistema educativo regrado.
  • Criaçom de serviços que respondam às necessidades sociais: integraçom linguística dos imigrantes, alfabetizaçom de adultos, criaçom de espaços e compilaçom de recursos para a educaçom das crianças em galego, em valores anti-capitalistas, nom patriarcais, comunitários e ambientalistas.

<< 1 ... 15 16 17 18 19 20 21 22 23 24 25 >>

Podes contactar-nos em:

escolapopularnacional [arroba]gmail[ponto]com

Escola Popular Galega, Rua Real nº 12 rés-do-chao, C.P. 36202 Vigo.

Escola Popular Galega, Apartado 794, C.P. 36202, Vigo

Busca

  Feeds XML

powered by b2evolution