A Escola Popular Galega é um projecto de auto-educaçom comunitária, aberto portanto à participaçom e propostas de todas e todos nós. Nós somos ao mesmo tempo o sujeito e o objecto da escola popular, o nosso envolvimento é a condiçom necessária para assentar as bases dumha educaçom galega, de vocaçom prática e ligada à realidade do país. Um projecto aberto também às comunidades foráneas que assentadas no nosso país procuram a integraçom na nossa realidade com intençom de contribuir para o enriquecimento do nosso país, fazendo dele também a sua Terra.
A Escola Popular Galega tenciona funcionar como umha rede de recursos formativos e educativos espalhada por todo o país. A partir das necesidades formativas detectadas e das propostas que nos acheguem, elaborar-se-á um programa formativo-educativo com múltiplos cursos, obradoiros e seminários.