A área de História da EPG organiza um novo curso desta vez sobre o regionalismo e o nacionalismo conservador na Galiza de pós-guerra. O curso está programado para o 12 de março às 16:30 horas no CS Sem Um Cam de Ourense e será leccionado por Antóm Santos e Tiago Andelo, ambos historiadores com experiência e pratica investigadora sobre o regionalismo e o nacionalismo galego de tendência liberal-conservadora.

A primeira parte do curso será impartida por Antóm Santos e versará sobre o regionalismo franquista. Analizará as estrategias que seguirom os sobreviventes do sector conservador do Partido Galeguista (Álvaro Cunqueiro, Filgueira Valverde, etc.) que no pós-guerra buscarom acovilho e protecçom no seio do regime franquista.

A segunda parte do curso será impartida por Tiago Andelo quem disertará sobre o nacionalismo moderado e liberal-conservador na Galiza de pós-guerra. A sua análise e investigaçom céntra-se nas diferentes tentativas de erguer na Galiza umha alternativa nacionalista moderada e de centro-direita, traçando umha linha de continuidade que vai desde o sector conservador dos homes de Galaxia e de Ramóm Pinheiro até a refundaçom do Partido Galeguista em 1978 e o projecto pseudo-nacionalista da Coalición Galega liderado por Franqueira e apoiado na sua rede clientelar e caciquil.

Para anotar-se no curso há que enviar um correio de confirmaçom com nome e apelidos ao seguinte endereço: escolapopularhistoria@gmail.com

Este trámite é fundamental pois sem um número mínimo de pessoas o curso nom se fará

Na vindoura sexta dia 4, continuamos em cooperaçom com o Grupo de Estudos do CS Mádia leva a estudar as origens da crise na Galiza. Para isso está no prório centro social, a dispor das pessoas interessadas, umha nova escolma de textos. Som os seguintes:

-Fragmentos de 'Terra e progreso. Historia agraria da Galicia contemporánea', Xerais, Vigo, 2000, coordenado por Fernández Prieto.

-Fragmentos do texto de José Colino, 'Galicia y la P.A.C. Análisis de una actividad crítica: el sector lácteo'.

-Fragmentos dos 'Manuscritos' de Marx (1861-1863), concretamente o apartado intitulado 'A tecnologia do capital. Subsunçom formal e subsunçom real do processo de trabalho no processo de valorizaçom', traduzidos ao galego polo Grupo de Estudos.

A ceia tertúlia começará às 21h30, como todas as sextas. O preço é de 5 euros para trabalhadores e de 2 para paradas e estudantes.

A biblioteca popular da EPG amplia o seu horário de apertura ao público. Com caraćter geral abrirá todas as terças, quintas e sábados, de 19h:00 a 21:00 as terças e quintas e de 18h:30 a 21h:00 os sábados.

Os dias de apertura do mes de março serám os seguintes:

- As terças 1, 15, 22 e 29.
- As quintas 3, 10, 17 e 24.
- Sábados: 5, 12 e 19.

A terça 8 de março (martes de entroido) e o sábado 26 (Festa da Reconquista) a biblioteca nom abrirá.

A área de História da EPG organiza um novo curso desta vez sobre o regionalismo e o nacionalismo conservador na Galiza de pós-guerra. O curso está programado para o 12 de março às 16:30 horas no CS Sem Um Cam de Ourense e será leccionado por Antóm Santos e Tiago Andelo, ambos historiadores com experiência e pratica investigadora sobre o regionalismo e o nacionalismo galego de tendência liberal-conservadora.

A primeira parte do curso será impartida por Antóm Santos e versará sobre o regionalismo franquista. Analizará as estrategias que seguirom os sobreviventes do sector conservador do Partido Galeguista (Álvaro Cunqueiro, Filgueira Valverde, etc.) que no pós-guerra buscarom acovilho e protecçom no seio do regime franquista.

A segunda parte do curso será impartida por Tiago Andelo quem disertará sobre o nacionalismo moderado e liberal-conservador na Galiza de pós-guerra. A sua análise e investigaçom céntra-se nas diferentes tentativas de erguer na Galiza umha alternativa nacionalista moderada e de centro-direita, traçando umha linha de continuidade que vai desde o sector conservador dos homes de Galaxia e de Ramóm Pinheiro até a refundaçom do Partido Galeguista em 1978 e o projecto pseudo-nacionalista da Coalición Galega liderado por Franqueira e apoiado na sua rede clientelar e caciquil.

Para anotar-se no curso há que enviar um correio de confirmaçom com nome e apelidos ao seguinte endereço: escolapopularhistoria@gmail.com

Este trámite é fundamental pois sem um número mínimo de pessoas o curso nom se fará

O próximo sábado 26 de fevereiro decorrerá um novo curso da Área de História da EPG. Desta vez será no CS Arrincadeira de Ribadávia, a partir das 19h:30 e versará sobre a história do nacionalismo galego.

O curso será impartido por Antóm Santos, historiador e membro da EPG. Para participar debes anotar-te enviando um correio a escolapopularhistoria@gmail.com; este trámite é fundamental pois sem um número mínimo de pessoas o curso nom se fai.