Depois do grande sucesso da palestra de Carlos Taibo sobre o decrescimento, esta sexta feira (17 de dezembro), às 20h:00, contaremos com a presença de Lidia Senra, integrante do Sindicato Labrego Galego, que falará sobre as consequências das disposiçons normativas recolhidas na Lei do Solo e nas Directrices de Ordenaçom do Território no médio rural e agrário galego.

Lidia Senra foi secretária geral do SLG e representante desta organizaçom na Via Campensinha (organizaçom agrária internacional), e hoje ostenta a representaçom da Área de Mulher do sindicato. A sua dilatada experiência e trajectória fai de Lidia Senra umha das voces mais autorizadas sobre a questom da degradaçom sistemática do médio rural e agrário galego como espaço produtivo e de povoamento sustentáveis..

Com a colaboraçom das e dos companheiros do CS Revira, em Ponte Vedra, dedicaremos o serám da vindoura sexta feira a estudar a história do nacionalismo galego. A área de história da EPG prepara um pequeno seminário que repassará os feitos e processos acaecidos desde 1846 até os nossos dias.

A sessom começará às 21h30 do serám no próprio Centro Social, e será ministrada por um membro da Escola, que disponibilizará os materiais elaborados sobre este tema.

Como adiantamos em datas anteriores, na próxima quinta feira (9 de dezembro)às 20h:00 decorrerá no local da Escola Popular Galega (Rúa Real, 12), a apresentaçom do livro e palestra de Carlos Taibo "Decrescimento, crise e capitalismo". Finalmente, nom poderemos contar com a presença de Manoel Santos (Galiza Nom Se Vende).

Por outra parte, na sexta feira (17 de dezembro), também às 20h:00, contaremos com a presença de Lidia Senra, integrante do Sindicato Labrego Galego, que falará sobre as consequências das disposiçons normativas recolhidas na Lei do Solo e nas Directrices de Ordenaçom do Território no médio rural e agrario galego.

Estas palestras enquadram-se nun conjunto mais amplo de cursos e palestras que a EPG programou para este curso sobre a crise económica e ambiental na Galiza.

Na vindoura sexta 10 de Dezembro, fechamos as actividades deste trimestre, em colaboraçom com o Grupo de Estudos do Mádia leva.

Depois de analisarmos -com alguns protagonistas dos feitos- as luitas antimilitarista, obreira e labrega, e depois de conhecermos a experiência dos nacionalistas na emigraçom, damos um espaço à solidariedade antirepressiva.

Com nós estará Marcos Regueira, um comunista corunhês que botou sete anos em cadeias francesas e espanholas, polo simples 'delito' de ser militante do ilegal PCEr. Acusado na França de 'associaçom de malfeitores', foi extraditado a Espanha, onde estivo preso três anos sem nengumha condena concreta.

Falará-nos da sua experiência no movimento associativo corunhês na década de 90, do seu passo polas maos dos repressores franceses, e da sua experiência solidária em cadeias espanholas.

A sessom começará às 21hh00 com umha ceia que custa 3 euros. Os benefícios destinam-se às actividades do Grupo de Estudos e a EPG.

Mais um ano, em colaboraçom com a associaçom Foucelhas, a EPG volve a profundizar nalguns dos capítulos de mais interesse da história do nosso país.

Será o vindouro 4 de Dezembro, na casa da Cultura de Ordes, a partir das 11h30 da manhá.

Começaremos a jornada com um dos nossos colaboradores habituais: Duarte Abade, medievalista que explicará a passagem da Gallaecia romana ao Reino Suevo, o primeiro estado da Europa medieval após a queda do Império.

Em sessom de tarde, desde as 16h00, Júlio Teixeiro, do Grupo de Estudos Mádia leva, fará um repasso das relaçons entre o marxismo e a libertaçom nacional na nossa Terra, arrancando nos anos 60 e chegando até a actualidade.

A seguir, apresentamos um tema relativamente novidoso no campo historiográfico: as tentativas falidas de parte da burguesia galega por organizar forças políticas nacionalistas dumha perspectiva direitista e reaccionária. Tiago Peres, contemporaneísta que vem de realizar um trabalho sobre Gómez Franqueira, Coaliçom Galega e o grupo COREN, apresentará a questom.

Entre as sessons da manhá e da tarde celebraremos um jantar organizado pola associaçom Foucelhas.

As pessoas interessadas em apontar-se devem fazê-lo encaminhando correio a escolapopularhistoria@gmail.com.