O próximo 9 de decembro (quinta feira) vai decorrer no local da EPG em Vigo a apresentaçom do livro ?Decrescimento, crise e capitalismo? autoria de Carlos Taibo, ensaísta e professor galego de Ciências Políticas para além de colaborador habitual da esquerda soberanista galega. A palestra de Carlos Taibo será precedida dumha intervençom de Manoel Santos (membro da plataforma Galiza Nom Se Vende) também sobre a temática do decrescimento como alternativa às políticas de gestiom da actual crise do sistema capitalista.

A apresentaçom começará às 20:00 horas e enquadra-se num ciclo de palestras organizadas pola EPG sobre a crise capitalista e a crise ambiental que estamos a viver na Galiza. Nos próximos dias informaremos doutras palestras programadas.

Em colaboraçom com o Grupo de Estudos do Mádia leva, continuamos a repassar algumhas das experiências militantes mais senlheiras da Galiza recente; depois de três sessons, dedicadas respectivamente ao antimilitarismo, o sindicalismo labrego e o sindicalismo obreiro na cidade de Lugo, damos passo nesta sexta feira a umha realidade adoito esquecida: a da emigraçom. Para isso, contamos com dous militantes que fixérom parte do nacionalismo popular nos anos 70, e depois vírom-se forçados a abandonar a Terra por razons laborais.

Trata-se de Inácio Nuevo, natural de Viveiro e emigrante no País Basco, e de Lois Losada, natural de Lugo e emigrante em Madrid. Ambos contarám os seus inícios no movimento galego e a realidade que topárom fora da Terra.

A sessom decorrerá no centro social Mádia leva na sexta feira 26, a partir das 21h30.

Será o vindouro sábado 20 de Novembro, no Centro Social "A Fouce", no Val da Amaía. A EPG pretende, com este curso, extender territorialmente as reflexons e os debates que, no passado ano, tivérom lugar no CS Mádia leva. O Grupo de Estudos desta localidade trabalhou um curso inteiro na compreensom da natureza da crise em andamento. De tal trabalho saiu o livro "Recessom ou colapso? A questom da crise nos Marxismos?", que já está a circular por vários centros sociais do país.

O seminário, dumha maneira breve e amena, abrirá-nos as portas à compreensom do pensamento marxista originário. Centrará-se nos seus conceitos chave, na sua utilidade para as luitas galegas no século XXI e, como nom, na natureza das convulsons económicas que estamos a viver.

A sessom será coordenada por Júlio Teixeiro, professor de Filosofia e membro do Grupo de Estudos do Mádia leva, que apresentará o tema para dar lugar ao debate. A cita é no CS A Fouce a partir das 16hh00. Depois da charla teremos umha ceia no próprio local, cujos ingressos irám para a Fouce, que nos cede amavelmente o espaço.

As pessoas interessadas em participar devem encaminhar um correio para escolapopularhistoria@gmail.com.

Como já vimos informando no nosso blogue, estamos a pôr a disposiçom dos movimentos populares do país vários livros sobre a questom nacional e social, com o intuito de que sirvam para a formaçom e o debate.

Ao longo do passado curso -e primeiro de vida da nossa Escola- tiramos do prelo três títulos: 'Todas as guerras. Escolma de artigos de Santiago Alba Rico'; 'A defesa da Terra e a dialéctica do progresso'; 'Recessom ou colapso. A questom da crise nos marxismos'. Os dous primeiros fôrom co-editados com o portal galizalivre e o último com o Grupo de Estudos Mádia leva.

No passado 9 de Outubro, graças ao Cineclube de Compostela, apresentamos 'A defesa da Terra' num colóquio sobre o agro galego, em companhia de Lídia Senra (SLG) e Xosé Manuel Beiras (BNG), na casa da cultura de Arçua. O documento, umha reflexom contra o desarrolhismo e os seus nefastos efeitos na esquerda, é de autoria colectiva e anónima. No vindouro dia 5 de Novembro, no CS Mádia leva, será apresentada a mesma obra para dar passo ao debate.

Por outra banda, no dia 20 de Novembro, no CS A Fouce, celebrará-se um seminário da EPG como o título 'De que serve o marxismo'. A base para a discussom acha-se no livro 'Recessom ou colapso...', que reflecte sobre as duas visons antagónicas sobre as crises que, desde Marx até a actualidade, atravessam o movimento obreiro.

Iremos informando pontualmente neste blogue sobre posteriores apresentaçons.

Lembramos que as pessoas interessadas na compra dos livros podem encaminhar um correio a escolapopularhistoria@gmail.com.

A organizaçom ambientalista Verdegaia continua com as suas palestras mensais sobre diversos temas medio-ambientais. Para esta segunda feira está programada umha nova palestra sobre a Lei de Costas que arestora tramita a Junta de Galiza. A tertúlia começa às 20:30 horas no local de Vigo da EPG (Rúa Real,12).