Categoria: Sobre a E.P.G.

Novo ciclo de debates sobre a crise capitalista.

22-01-2013

Organizamos junto ao grupo de estudos do centro social Mádia Leva! de Lugo um novo ciclo de debates sobre a crise capitalista. Esta sexta-feira, dia 25 será a apresentaçom do ciclo começando às 21h30 no centro social lucense. (Rua Serra de Ancares, 18)
Neste ciclo continuaremos cos debates quinzenais em base a programaçom e textos escolhidos e estará dividido em dous blocos. O primeiro deles será "A crise do dinheiro" no primeiro trimestre de ano e o segundo "Em lembrança de Robert Kurz (1943-2012)" que ocupará o segundo trimestre. A relaçom entre ambas partes basea-se no facto de ser "a crítica do dinheiro" um dos temas característicos do projecto de "crítica do valor" representado por Kurz. Além disso,nesta segunda parte, fará-se um repasso sobre a repercussom do Kurz na Galiza.

A CRISE II (semestral)

Segundo Trimestre: Crise do dinheiro
Terceiro Trimestre: Em lembrança de Robert Kurz (1943-2012)

LIMIAR

1ª Sessom (25 Janeiro): Introduçom ao curso

• Grupo de Estudos Mádia Leva, Crítica do dinheiro: Revisitamos o tema da crise e homenageamos a Robert Kurz
• Escola Popular Galega, Recessom ou Colapso? A questom da crise nos Marxismos. Selecçom de excertos.

PRIMEIRO TRIMESTRE. A CRISE DO DINHEIRO

2ª Sessom (8 Fevereiro): O que é, hoje, o dinheiro? (i).
• Video 1: Money as debt. Filme produzido por Paul Grignon (2006)
• Texto 1: MARTENSON, C. The Crash Course (2008) Capítulos 6, 7 e 8
3ª Sessom (22 Fevereiro): O que é, hoje, o dinheiro? (ii)
• Texto 2: NICHOLS, D.M; GONCZY, A.M.L. Os modernos mecanismos do dinheiro. Federal Reserve Bank of Chicago.
• Documento 1: As circulares de Caixanova, sobre acçons preferenciais (preferentes), aparecidas na imprensa.
4ª Sessom (8 Março) : O dinheiro como forma do valor e como signo
• Texto 3: MARTÍNEZ MARZOA, F. «Sobre o Capítulo Primeiro de O Capital»; págs. 26-31. Em Ensaios Marxistas. Edicións du rueiro. Corunha, 1978.
• Texto 4: MARX, O capital. Livro Primeiro, Secçom Primeira, Capítulo II e Capítulo III.2.c)
5ª Sessom (22 Março): A crítica actual do dinheiro
• Texto 5: JAPPE, A. «O dinheiro está-se tornando obsoleto?» (2011)
6ª Sessom (5 Abril): O dinheiro e a crise da dívida
• Video 2: Compreender a dívida pública em poucos minutos.
• Texto 6: ORTLIEB, C.P. «Espiral descendente» (2012)

SEGUNDO TRIMESTRE. HOMENAGEM A ROBERT KURZ

7ª Sessom (19 Abril): Crise do dinheiro como crise do valor
• Texto 7: Entrevista a Robert Kurz para a revista on-line telepolis (2010)
8ª Sessom (3 Maio): Kurz na Galiza
• Texto 8: Excertos dos textos de Robert Kurz publicados no portal galizalivre.org (2008)
• Texto 9: Excertos do livro Manifesto contra o traballo, do Grupo Krisis, e traduzido por Alba Vinhas e Ángela Tajes.
9ª Sessom (31 Maio): Lembrança e debate sobre Kurz
• Texto 10: BÖTCHER, H. «Elógio a Robert Kurz» (2012)
• Palestra-debate (pendentes de confirmar os palestristas)

Cursos no C.S. Arredista.

20-11-2012

Informamos dos cursos que organiza a Escola Popular Galega em colaboraçom co CS Arredista de Compostela:
-AUTO-DEFESA PESSOAL PARA MULHERES
-GÊNERO E ATIVISMO SOCIAL
-CINEMA POLÍTICO
-INICIAÇOM A GAITA
-TAMBORIL
-INICIAÇOM À PANDEIRETA
Mais informaçom aquí

Segunda sessom dedicada à crise capitalista, com o debate de várias focagens do marxismo

29-10-2009

Na sexta feira 30 de Outubro, e a partir das 21:00h, o Grupo de Estudos do Mádia Leva e a Área de Movimentos Sociais da EPG reiniciam o trabalho teórico sobre a crise capitalista.

Trás a ceia, abordará-se de novo o debate do primeiro bloco de textos que fôrom disponiblizados. Assi, logo de conhecermos um pouco mais polo miúdo alguns trechos d'O Capital e dos Grundisse de Marx, passamos a estudar outros desenvolvimentos da teoria crítica. Os textos para o debate desta jornada som fragmentos da obra (Re)introdución ao marxismo (F. Marzoa, 1980), e os artigos "Quanto custa o mundo?" e "O mito da produtividade. Desenvolvimento tecnológico, racionalizaçom e desemprego" (R. Kurz, 2008 e 1996, respectivamente).

Esclarecidos estes aspectos, e dentro de outros quinze dias, abordaremos outro bloco de textos, volcados especificamente a esta crise que padecemos.

Lembrar a toda a gente que as pessoas interessadas devem inscrever-se no CS Mádia Leva para concretizar assi a entrega dos textos e as vagas para a ceia.

A segunda parte das jornadas de história da Galiza decorrerá em Ordes os dias 19 e 20 de dezembro

21-10-2009

Ainda pendentes de se confirmarem todos os professores, já podemos anunciar que a segunda parte das jornadas de história decorrerám na vila de Ordes, ao longo do fim de semana do 19 e 20 de dezembro. Terám lugar na Casa da Cultura, e em colaboraçom com a Associaçom Cultural Foucelhas.

Os temas a tratar serám o arredismo na emigraçom; os movimentos sociais na anteguerra; o franquismo na Galiza; o movimento obreiro durante a ditadura; e a história da causa galega desde a década de 60. Umha vez confirmados todos os professores, disponibilizaremos o título dos seminários e poremos a agenda definitiva. Como no curso anterior, editaremos um pequeno manual de apoio.

As pessoas interessadas em assistir devem de encaminhar um correio a escolapopularhistoria@gmail.com.

Satisfaçom com a primeira parte das jornadas de história celebradas em Ourense

21-10-2009

Decorreu na cidade de Ourense a primeira parte do seminário de História da Galiza, ministrado por Duarte Abade, Ernesto Vasques e Uxio Breogán Diegues. Com umha assistência satisfatória (mais de vinte alunos e alunas) e um animado debate, começava a andar esta área da nossa Escola Popular Galega. É de resenhar o apoio dessinteressado dos centros sociais da cidade, Esmorga e Sem um Cam, oferecendo os seus espaços e difundindo a propaganda.

Acompanhando este labor formativo, as achegas dos autores fôrom publicados num pequeno manual didáctico, intitulado "Aproximaçom a alguns aspectos da história da Galiza". Custa dous euros e podes consegui-lo enviando um correio para escolapopularhistoria@gmail.com.

Aginha disponibilizaremos horários e datas da segunda parte do curso.

1 2 3 4 >>

Podes contactar-nos em:

escolapopularnacional [arroba]gmail[ponto]com

Escola Popular Galega, Rua Real nº 12 rés-do-chao, C.P. 36202 Vigo.

Escola Popular Galega, Apartado 794, C.P. 36202, Vigo

Busca

Feeds XML

powered by b2evolution