Está obsesionado comigo e eu nom sou candidato, nom me apresento, nem sequer sou mulher porque entom entenderia que me tivesse ganas, se tem obsessom por mim tenho que dizer que é maricom.

Estas fôrom as declaraçons do líder espiritual do PP ourensano José Luís Baltar sobre o conselheiro do Meio ambiente num comício eleitoral.
Parece ser que a veda se abriu para a homofobia na sociedade galega: júris populares absolvem assassinos... de maricons, políticos de “nome” utilizam este apelativo junto de desvergonhado e miserável.
O homófobo Partido Popular tirou a máscara para mostrar a sua verdadeira face, a cavernícola e violenta que nos denigra e discrimina.

Do Colectivo Gay de Compostela queremos dizer ao senhor Baltar que som precisamente políticas como as do seu partido, ancoradas nas saudades de um passado ranço e totalitário ,em que além de maricons éramos “vagos y maleantes”, as quais precisamente nos convertem em miseráveis.

As pessoas LGBT galegas nom imos deixar que o rolo do ódio ao diferente passe sobre nós desta maneira, nem que se nos denigre no jogo sujo da política.
Dentro da pluralidade ideológica que existe no nosso movimento podemos tomar a clara determinaçom de fazer um chamamento às lésbicas, gays, bissexuais e trans galegas e galegos a nom votaren em quem nos insulta. Nom dar o nosso voto a quem nos considera desvergonhadas e desvergonhados , a quem em 15 anos de governo ignorou a nossa própria existência.
Porque somos maricons e orgulhosos de sê-lo. Nom imos permitir que estes ecos do passado degradem a nossa luita, que nom é outra que a do respeito mútuo e a igualdade, independentemente da nossa orientaçom sexual ou identidade de género.
Paremos o pensamento cavernícola. Sem trégua contra a homofobia.

Imagens da performance pola despatologizaçom da transexualidade na Festa do Dezassete da Gentalha do Pichel.

17 de Maio Dia das Letras Galegas, Dia Mundial da Luita contra a Lesbigaytransfobia
Neste dia, em que comemoramos o dia das nossas letras, das letras da nossa língua, da língua do nosso país. Neste dia de alarde identitário e militáncia activa contra o assimilacionismo cultural, trazemos umha outra comemoraçom, este é o Dia Mundial da Luita contra a homo-transfobia.

Leia mais »

A família bem, ghrasias. de Natália Devesa
Foto ganhadora do I Concurso de Fotografia lgbt Aturuxo

A exposiçom permanecerá aberta do 28 de Junho até o 28 de Julho de 2007. Poderá ser visitada de segundas a quintas de 8:00 a 20:30 horas e nas sextas de 8:00 a 15:00 horas.
Com umha selecçom destas fotos e textos de poetas farám-se 25 cartazes que serám expostos do 3 ao 10 de Julho num circuito de 25 outdoors das ruas de Compostela.

Leia mais »

ATURUXO, Federaçom Galega de Asociaçons LGBT, convida-vos a compartirdes connosco, no sábado 7 de Julho, a celebraçom do dia do Orgulho LGBT Galego em Santiago de Compostela. Este ano dedicado à bissexualidade.

Os actos começarám às 14:00 com o Maripicnic na Carvalheira de Santa Susana (na Alameda), no qual se prevê que haverá um concurso de tortilha e corrida de tacons, ademais de jogos diversos.

As 20:00 sairá a manifestaçom unitária do passeio da Alameda, ao finalizar da mesma procederá-se à leitura do manifesto. Como fim e pondo o ponto festivo a já tradicional festa-concerto na Praça da Quintã, que começará às 22:00 e conta este ano com as actuaçons de The Homens+ Projecto Mourente, espectáculo drag e de dança e com um concerto de Nancys Rubias, tudo com Lucía Aldao como apresentadora.

Informaçom das bandas aqui!!!

Leia mais »

BOGA (Mulheres Lésbicas e Bissexuais da Galiza) e CGC (Colectivo Gay de Compostela) apresentam o seu novo blogue.

Com este espaço na internet prentendemos oferecer umha informaçom actualizada sobre a nossa actividade, assim como de qualquer questom de interesse para a comunidade Lésbica, Gay, Bissexual e Transgénero de Compostela e Galiza.

Agradecemos a cessom deste espaço ao Portal Galego da Língua e animamos-vos a participar com as vossas sugestons e comentários.

Muito obrigad@s!