PGL.- Nesta sexta-feira, 10 de Dezembro, a Associaçom Cultural A Esmorga de Ourense abrirá o seu local em Ourense, uma nova iniciativa que procura a criaçom de espaços sociais para a normalizaçom da língua e a cultura galegas.
O evento, que contará com música ao vivo, está marcado para as 20:00 no local ubicado na rua Cabeça de Maceda 20, no bairro de Sam Francisco e mesmo a lado da zona histórica da cidade das Burgas.
Comunicado Da inciativa de um pequeno, mas com muita ilusom, grupo de pessoas integradas em diversos colectivos da cidade e gente sem qualquer compromisso anterior, surge a ideia da Esmorga, como estratégia normalizadora que já se está a experimentar com sucesso noutras comarcas do pais.
Com o Local Social pretendemos criar um espaço galego e aberto para Ourense. A Esmorga pretende ser um ponto de encontro na cidade ao redor do idioma e da cultura nacionais. Um espaço no que poder viver em galego e no que pessoas que trabalham em direfentes âmbitos da cultura nacional possam entrar em contacto. Mas nom apenas isso, pretende, além disto, ser um espaço disponível para as actividades de quantos colectivos, organizações ou pessoas partilhem estes princípios.
O local dispõe de duas zonas. No baixo um café-bar que vai permanecer aberto de Terça-feira a Domingo de 18 a 24 horas, e um sótão que se pode utilizar para juntanças, palestras, cursos, obradoiros e que permanecerá a livre disposiçom de quem o quiger utilizar.
A Esmorga é umha associaçom independente a respeito de qualquer um colectivo, organizaçom, partido político ou entidade de todo o tipo. O sustento económico do local reside nas quotas pagadas polas suas sócias e socios e polo benefício gerado polo seu café-bar.
Escrito ?s 06:00:00 nas castegorias: Velha Esmorga, Actividades
|
|