A Gentalha do Pichel.- Por segundo ano consecutivo e por iniciativa da recém criada Coordenadora de Centros Sociais, no Domingo 15 de Maio às 13h00, partirá da Alameda de Compostela umha mobilizaçom sob a legenda Na Galiza Vamos Viver em Galego, e com a reivindicaçom explícita de um Plano de Normalizaçom Lingüística real que as entidades convocantes resumem num decálogo de medidas básicas.
Decálogo 1.- Estabelecimento do ensino monolíngüe em galego.
2.- Criaçom de escolas de galego para adultos.
3.- Galeguizaçom íntegra das instituiçons e administraçom públicas.
4.- Legislaçom para a galeguizaçom integral das entidades privadas.
5.- Reconhecimento da unidade lingüística e cultural galego-portuguesa.
6.- Reformulaçom da RTVG como verdadeiro meio galeguizador.
7.- Exigência efectiva da língua galega para o desempenho de cargos públicos.
8.- Impulso do tecido associativo em língua galega.
9.- Programas para a defesa e promoçom da língua galega nas comarcas sob administraçom asturiana e castelhano-leonesa.
10.- Fomento das relaçons com os países da Lusofonia.
A manifestaçom percorrerá as ruas de Compostela para concluir na Praça de Maçarelos onde se dará leitura a um manifesto assinado por estas14 entidades procedentes das mais diversas procedências geográficas da Galiza:
AGAL (Galiza), Alto Minho (Lugo), Artábria (Trasancos), Atreu (Corunha), A Esmorga (Ourense), A Fouce de Ouro (Bertamiráns), Fala Ceive (Berzo), Galeguiza (Condado), A Gentalha do Pichel, C.S. Henriqueta Outeiro (Compostela), Revira (Ponte Vedra), Revolta (Vigo), SCD Condado e A.C. Treme a Terra (Pontedeume).
Aliás, a convocatória conta com a colaboraçom do periódico galego de informaçom crítica Novas da Galiza.
=> Fazer Download do Cartaz em PDF
[Tamanho 235 Kb.]
Escrito ?s 06:00:00 nas castegorias: Velha Esmorga, Actividades
|
|