«Cafés da Palavra». 7, 8, 9 e 10 de Novembro em Ourense

«Cafés da Palavra». 7, 8, 9 e 10 de Novembro em Ourense

06-11-2005



Evento é organizado pola Associaçom «A Esmorga» e conta com a colaboraçom da «Livraria Torga», «Café-Bar Faíscas» e «Café-Cultural Auriense»

A Esmorga Blogue.- Planejamos este «Cafés da Palavra» de um jeito diferente; por umha parte, cumpre que na comarca de Ourense se celebre algumha actividade em que realmente a única protagonista seja a palavra, a melhor arma para defender todas as ideias e pensamentos nuns tempos nos quais falar em contracorrente (e mesmo pensar) pode trazer consequências a todos os níveis.

Por outra parte, também cumpre fazer ver às pessoas que nom tudo se pode julgar, que é preciso começar a rachar com os prejuízos que temos e que nom há outra maneira de fazê-lo que comunicando-nos, e quase sempre necessariamente, mediante a palavra.

Este festival, do qual esperamos desfrutar com continuidade anual, pretende ser um reflexo das pessoas que optam pola palavra como via de comunicaçom de ideias, de reivindicaçom, sentimentos, pareceres? e com a esperança posta em que todas e todos comecemos polo respeito à diferença e rachar os prejuízos pola falta de comunicaçom entre as pessoas.

O festival terá umha duraçom de 4 dias, (7, 8, 9 e 10 de Novembro), fazendo-o coincidir com as datas dos Magustos. Cada dia será num local diferente da cidade, propondo para este ano 2005 os seguintes: Café Faíscas, Livraria Torga, Café Cultural Auriense e A Esmorga Local Social.

Programa

7 de Novembro de 2005
19h00
Livraria Torga
Rua da Paz nº 12

Xerardo Méndez (Colón, República do Panamá, 1964)

É vogal territorial da «Asociación de Escritor@s en lingua Galega». Ten publicados "O cazador" (1991), "O abrente é un desatino" (1995) e o livro colectivo "Narradores de cine" (1996).

Manoel Fontemoura (Fonte Moura, Porqueira, 1964)

É director teatral dos grupos "Aneis", "Aneis mozos e "Aneis picariños". Vice-presidente da «Asociación Cultural Encrucillada do Limia». Tem publicado o livro "Poemas resgatados" e um livro com Miguel Marvoa, "Voces do Limia".

Afonso Rodríguez (Ourense)

Colabora em várias paginas de internet, blogs (Porta verde do sétimo andar) e na revista das Redes Escarlata "Espasmo". Tem umha web (www.expoplanetarium. net) dedicada à poesía visual, áudio, escrita etc. Tem publicado "Subir ao Faiado" em positivas.

Carlos Figueiras (Ourense, 1981)

Cursou Filologia Portuguesa. É sócio de AGAL e porta-voz do MDL. Participou em publicações galegas e portuguesas. 1° prémio no festival "Voces da Terra" e 1° prémio no festival "Camiño de Santiago".

8 de Novembro
21h00
Café-Bar Faíscas
Rua Lua n° 12

Xián Bobillo

Técnico de animaçom cultural e normalizaçom linguística em Alhariz. É dramaturgo e director teatral. Colaborou com Cordovani na compania "Arte Livre do Brasil".

Igor Lugris (Melide, reside no Berzo, 1971)

É membro do colectivo "Fala Ceibe" no Berzo. Tem publicados os livros "Mongolia" e "Quem nos defende a nós dos idiotas"(1997).

Camilo Franco (Ourense, 1963)

Leva as páginas de cultura de "La Voz de Galicia". É da plataforma Burla Negra e crítico teatral. Tem publicados "A luz do cénit e outros textos"(1988), "Em malos pasos"(1995) e "Por conto alleo".

9 de Novembro
21h00
A Esmorga Centro Social
Rua Cabeça de Maceda n° 20

Artur Alonso (México D.F., 1964)

É membro de AGAL. Colabora com revistas de solidariedade Internacionalista como "Outras Voces". Tem publicados poemas na revista AGÁLIA, bem como o poemário "Entre os teus olhos". Está a punto de editar "Umha meixela, depois a outra".

Sechu Sende (1972)

Membro da plataforma cidadá "Burla Negra" e de "Nunca Mais". Prémio de literatura "Blanco Amor" com o livro "Orixe"

Vítor Suárez (Sada, 1977)

Cursou Filologia Portuguesa. Prémio em secundário no concurso do Instituto Fco. Aguiar de Betanços. 1° prémio na segunda ediçom do concurso "Anxel Casal". 2° Prémio no festival "Voces da terra". Porta-voz da plataforma cidadá pola democracia em Sada.

10 de Novembro
20h00
Café-Cultural Auriense
Praça do Corregedor n° ll

Ugia Pedreira

Cantou com o grupo "Chouteira" e agora está faz parte de "Marful". É diretora do conservatório de música folque de Lalim. Fai letras para a "Nova Canción Galega". Tem um livro inédito.

Asun Arias (Valdeorras, 1953)

Foi da direcçom da «Mesa pola Normalizacin Linguiística» e coordenadora da campanha polo topónimo Ourense. Colaborou em programas de rádio em Onda Cero "A voz do tempo"e "A fala viva" e foi vice-presidenta da associaçom ecologista "Ridimoas". Tem publicado o livro "Muller de Vidro"

Luz Fandiño

Estivo na emigraçom. Pertence ao colectivo "Redes Escarlata". Tem publicado o conto para nenos "Farangullina de neve" e "U-lo Prestige". Também tem publicados, junto com mais autores/as, vários poemas no livro "Xuro que nunca volverei a pasar fame. Poesía escarlata". Tem muita obra inédita.

=> Fazer Download do Programa em PDF
[Tamanho 1.92 Mb.]

Escrito ?s 06:00:00 nas castegorias: Velha Esmorga, Actividades
por csesmorga   , 800 palavras, 1113 visualizaçons     Chuza!

Sem comentários ainda

    A Esmorga somos cada vez mais pessoas que apostamos pelo activismo social e cultural comprometido com a realidade em que vivemos.

    Trabalhamos para promover a língua e a cultura galegas, a sensibilidade para com o meio ambiente e a solidariedade entre as pessoas e os povos.

    Torna-te esmorgan@

    O entusiasmo, o espírito positivo, o empenho e a diversão são as nossas ferramentas de trabalho para construir tijolo a tijolo um mundo mais justo e agradável para tod@s.

    A porta da Esmorga está aberta para qualquer pessoa que queira conhecer-nos ou mergulhar neste projecto.

    ASSOCIA-TE!Torna-te esmorgan@
    Inscrição on-line



    http://aesmorga.agal-gz.org

    aesmorga[arroba]agal-gz.org

    Facebook esmorgano Flickr esmorgano Calendário esmorgano
      Março 2024
      Seg Ter Qua Qui Sex Sab Dom
       << <   > >>
              1 2 3
      4 5 6 7 8 9 10
      11 12 13 14 15 16 17
      18 19 20 21 22 23 24
      25 26 27 28 29 30 31

      Busca

      powered by b2evolution free blog software