PGL.- Esquerda Nacionalista-Mocidade organiza no próximo Sábado 22 de Abril, em Ourense, umha palestra dentro da campanha intitulada Un Estatuto de Nación cara á República Galega. As Claves da Galiza Irredenta.
O acto terá lugar no Centro Social A Esmorga por volta das 20:00 h. e contará com a participaçom de Carlos Xesús Varela Aenlle agente de desenvolvimento local, etnógrafo, geógrafo e académico correspondente da RAG desde 2004 representando a comarca do Eu-Návia. Ao final do acto haverá petiscos para todos os assistentes
O primeiro acto público desta campanha tivo lugar o passado 13 de Março na Casa do Livro de Vigo. No mesmo participárom Camilo Nogueira, ex-eurodeputado do BNG que participou na comissom que elaborou o actual Estatuto de Autonomia de Galiza e Xosé Henrique Costas, Catedrático de Filologia Galega, estudoso da realidade lingüística no Berzo e nas terras eunaviegas.
Desde EN-Mocidade indicam que «uns dos objectivos fundamentais desta campanha é debulhar os aspectos principais que caracterizam às comarcas galegas exteriores aos limites da Comunidade Autónoma Galega» assim como «o encaixe que estas tenhem nos sucessivos estatutos de Galiza e o que desejamos deverám ter no novo estatuto que se vai começar a debater e elaborar em breve».
Escrito ?s 06:00:00 nas castegorias: Velha Esmorga, Actividades
|
|