A Esmorga Blogue.- A Associaçom Cultural A Esmorga som 70 pessoas que dedicam o seu tempo de lazer à dinamizaçom cultural na comarca de Ourense e que possuem o Centro Social, de dous andares, na rua Cabeça de Maceda n~20, desde finais do ano 2004.

Realizamos cursos de formaçom (pandeireta, dança, massagens, língua...), palestras (de memória histórica, incêndios, Suso Vaamonde e diferentes problemáticas da Galiza), participamos em festas tradicionais (entrudo, magustos, Maios, Sam Joám...), fazemos projecçom de filmes em língua galega, exposições de fotografia, pintura.

Também se organizou umha actividade de gram interesse cultural como foi o «Festival Cafés da Palavra». Além disso, após a abertura do Centro Social têm-se gestado novos projectos: teatro (Esmorganas), roteirismo de alta montanha (Augas Limpas), de debate sobre a luita da emancipaçom das mulheres (Faladeiras), de rebeldia e activismo juvenil (Genreira) e de defesa e difusom da língua (Comissom de Língua da Esmorga).

Somos uma proposta cultural livre porque a construímos sem o condicionamento, controlo e subsídios dumha Câmara Municipal costumada a manipular, asfixiar e servir-se das associações vicinais, das entidades culturais e juvenis da cidade de Ourense.

Somos umha proposta ampla, sana e plural, protagonizada por juventude alegre e insubmissa, que nom aguarda que as instituições oficiais lhe dem todo feito, que age por si mesma sem tutorias, comprometida com a língua, a cultura, a natureza e as causas populares do País onde vive: a Galiza.

Somos pessoas que se negam a ser sujeitos passivos e que construiu e protagniza o seu próprio Centro Social, eis a razom polo que a Câmara Municipal e Aurélio Gomes Vilar querem fechar o nosso espaço cultural baixo pretextos legais que nom se aplicam ás associações submissas ou lacaias do caciquismo local.

Nós, pola nossa parte, alegramo-nos de que o nosso humilde trabalho ponha tam nervosa e brabucona a direita caciquil desta comarca, pois com a ameaça de precintar o Centro Social A Esmorga cumpre-se o dito popular: Eles Ladram, entom, Nós Cavalgamos.