Concelho de Ourense empenhado em impedir a actividade da Associaçom Cultural A Esmorga

Concelho de Ourense empenhado em impedir a actividade da Associaçom Cultural A Esmorga

24-05-2006

banner2

Na tarde de hoje, dia 24 de Maio, umha dotaçom de oito polícias municipais impediu a realizaçom do curso de pandeireta que semanalmente realiza a Associaçom Cultural A Esmorga

A Esmorga Blogue.- Desde que o Governo Municipal de Ourense precintou o Centro Social A Esmorga, a Associaçom resolveu continuar com as suas actividades habituais, realizando-as, a falta de local, na própria rua. Desta maneira, os distintos cursos que semanalmente se realizavam no Centro (actualmente um de galego, um de pandeireta e um de dança) passam a se realizar em diferentes praças da nossa cidade, sobre umha teia verde e tras umha faixa que, baixo o epígrafe de «A Esmorga Itinerante», explica a necessidade de fazer essa actividade na rua a causa do precinto do nosso local por parte do Governo do PP.

Mas quando, no dia de hoje, o curso de pendeireta estava a se realizar com normalidade na Praça Maior, um desdobramento policial de até 8 agentes municipais, um carro e umha carrinha, irrompérom com o objectivo de identificar as e os participantes no curso, impedir a sua realizaçom e requisar a «esmorga itinerante».

Ainda que a indignaçom geral e a pressom da gente que nesse momento estava nas terraças da praça impediu que a polícia identificasse as e os alunos e requisasse o material do curso, este tivo de ser paralisado ante a ameaça de interporem umha denuncia por desobediência.

Ante este facto, A Esmorga deseja:

1. Denunciar a atitude do Concelho de Ourense empenhado, através da Polícia Municipal, em proibir e reprimir a actividade cultural da Esmorga. O curso de pandeireta que oito homes armados forom abortar nom molestava ninguém mais que o Concelho, nom vulnerava nengumha lei nem ordenança municipal, e só podia fazer mal aos inimigos de que a mocidade empregue o seu tempo de lazer em aprender a nossa cultura através da música.

O Concelho de Ourense demonstra com esta atitude que polo qual age contra A Esmorga nom é (como pretende) por que o nosso local nom tenha 3,20 m de altura: para o PP a actividade sócio-cultural da Esmorga deve ser proibida ainda que se realize baixo a infinitude do próprio céu.

2. Agradecer a atitude da cidadania de Ourense que, como nom podia ser doutra maneira, se indignou ante este atropelo à nossa cultura e aos direitos democráticos mais elementares.

3. Confirmar que o Concelho nom vai acabar com o nosso labor sócio-cultural nem sequer através da polícia municipal. Que a actividade da Esmorga continuará, agora na rua, e em breve, novamente, no seu Centro Social.

Escrito ?s 22:48:22 nas castegorias: Velha Esmorga, Informaçons
por csesmorga   , 448 palavras, 372 visualizaçons     Chuza!

6 comentários

Comentário de: Luis Paradelo [Visitante]
Luis Paradelo

A miña soliariedade coa Esmorga. Esta represión do concello hai que aireala. Semella que unha vez mais queren que a rúa sexa súa.
Animo e contade conmigo.

25-05-2006 @ 14:30
Comentário de: ocorral [Membro]  
Corral

Bom…que se pode aguardar do PP, do Cabezas e do Baltar. Miseria e saqueio, logo é preciso a “burramia", morte a cultura! é o seu berro.

25-05-2006 @ 20:07
Comentário de: Kiux_Gz [Visitante]
Kiux_Gz

Forza Esmorga. Coa actuazon da policia na praza o outro día a xente das terrazas viu a cacicada que hai, que mesmo semella a de fai 40 anos. A todos os cochos lles chega o seu San Martinho e logo han rodar Cabezas…

Saúdos para Anton e Iago dun Companheiro

26-05-2006 @ 15:17
Comentário de: Tawil [Visitante]
Tawil

Ânimo!

27-05-2006 @ 13:31
Comentário de: Liberdade [Visitante]
Liberdade

Ver para crer. Forzas da orde contra unha clase de pandeireta. ¡Súmome á pandeirada sideral!

30-05-2006 @ 10:30
Comentário de: Beltram [Visitante]
Beltram

Isto esta chupado. Da mao de Celsita Bodas y Comuniones, ao Cabeças e ao Aurelio nom lhes vai quedar mais remedio ca rendirse. :-D

31-05-2006 @ 17:28
    A Esmorga somos cada vez mais pessoas que apostamos pelo activismo social e cultural comprometido com a realidade em que vivemos.

    Trabalhamos para promover a língua e a cultura galegas, a sensibilidade para com o meio ambiente e a solidariedade entre as pessoas e os povos.

    Torna-te esmorgan@

    O entusiasmo, o espírito positivo, o empenho e a diversão são as nossas ferramentas de trabalho para construir tijolo a tijolo um mundo mais justo e agradável para tod@s.

    A porta da Esmorga está aberta para qualquer pessoa que queira conhecer-nos ou mergulhar neste projecto.

    ASSOCIA-TE!Torna-te esmorgan@
    Inscrição on-line



    http://aesmorga.agal-gz.org

    aesmorga[arroba]agal-gz.org

    Facebook esmorgano Flickr esmorgano Calendário esmorgano
      Dezembro 2022
      Seg Ter Qua Qui Sex Sab Dom
       << <   > >>
            1 2 3 4
      5 6 7 8 9 10 11
      12 13 14 15 16 17 18
      19 20 21 22 23 24 25
      26 27 28 29 30 31  

      Busca

      blog engine