A Esmorga Blogue.- O passado sábado 10 de Junho decorreu em Ourense a manifestaçom em apoio ao nosso centro social. Por volta de 200 pessoas saimos à rua para lembrar ao Concelho que vamos continuar a luita na defesa dos Centros Sociais, e que A Esmorga nem cala nem fecha, por muito que eles intentem silenciar-nos e censurar-nos.

"Acompanhad@s" em todo momento por um carro da polícia municipal, supomos que pola nossa própria segurança, o pessoal de Ourense mas também gente vinda de todo o país fomos polas ruas da cidade com música, lemas contra a política "cultural" do Concelho e, como nom podia ser doutro jeito, a cor verde que já nos distingue.

Continua:

E depois, para acabar a jornada, começarom os concertos na sala Loops com a actuaçom de Guezos, Greska, Xigante Verde e Skárnio. Mas antes ainda tivemos tempo de assistir ao pregom das Festas na Praça Maior, onde despregamos umha faixa com o lema "A Esmorga: Nom Cala, Nom Fecha", embora se nos convidou, mais umha vez, a abandonar um espaço público. Também um urso, solidário com o nosso Centro Social, apareceu no cenário para reafirmar a nossa presença nestas festas que começam.

Desde aqui queremos agradecer a todas as pessoas que apoiarom a manifestaçom e aos grupos que nos emprestarom o seu tempo e as suas ganhas.

Também queremos lembrar-vos que esta semana as actividades continuam, por suposto nas ruas! Vemo-nos nelas!