Numeroso público pulou ao ritmo d@s XERocK

A Esmorga Blogue.- Umha tarde calorosa de Ourense recebia @s XERocK no Sábado, 19 de Maio, e ainda mais calorosa seria a bem-vinda das mais de 50 pessoas presentes na sua actuaçom. O nosso Centro Social foi mais «social» do que nunca: apelou à reivindicaçom, à diversom, à boa música e às melhores das festas de fim-de-semana.

O local foi o ponto de encontro do público ourensano com a capacidade artística destas pessoas vindas do Centro Sam Xerome Emiliani da Guarda, às quais queremos enviar o nosso agradecimento pola colaboraçom para que esta aventura esmorgana fosse um sucesso.

Continua:

Vanessa, Generoso, Vítor, Feliciano, Borja e Álvaro apresentaram as músicas do seu primeiro disco: IntegrAcción. Esgotaram o seu repertório e ofreceram 2 bises a petiçom do público, que nom queria deixar de bailar, botar e viver aquele bom ambiente que criaram. Mesmo assistimos a uns minutos de percussom improvisados que fez estremecer (literalmente) o público e o local esmorgano.

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

A única lástima é que os XERocK nom estavam ao completo, faltava um dos integrantes, o Carlos. Desde aqui enviamos-lhe umha aperta e emprazamo-lo para o concerto do próximo ano, onde esperamos apresentem o seu segundo trabalho.

Como final da crónica queremos recolher as palavras que fecham o disco dos XERocK, resumindo à perfeiçom o espírito desta actividade programada polo Centro Social A Esmorga:

«Esta música é a nossa ferramenta; umha arma que nom mata, que nos faz sentir mais vivos. Em cada umha das nossas pequenas sinfonias há umha grande história detrás; por vezes de desamor, outras vezes de incomprensom... E, no entanto, todas elas som no fundo umha gota de esperança.

Isto é mais que umha sincera aposta pola integraçom das pessoas com discapacidade, é umha janela que abrimos ao mundo para mostrar um talento muitas vezes infravalorado. Quando começou XERocK desconheciamos até onde poderia levar esta aventura, mas, depois de todo o caminho andado, descobrimos que cada página que passamos é um novo e apaixonante capítulo de um livro que nom queres deixar de ler. Cada ensaio, cada concerto é umha nova dose de energia para seguir adiante, contra vento e maré.»

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

Foto-reportagem da Actuaçom d@s XERocK na Esmorga

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

Vídeos d@s XERocK na Esmorga

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

[youtube]pJSChpe8v8Y[/youtube]



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

[youtube]QVB6uUpflTA[/youtube]



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

[youtube]G6ZwHrxjHhI[/youtube]



* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

=> Dica: Para descarregar vídeos do YouTube e do Google Video visita Video Downloader.