Comunicado Público da Esmorga sobre o Festival da Língua «Em Movimento» 2007

Comunicado Público da Esmorga sobre o Festival da Língua «Em Movimento» 2007

05-06-2007



Foi debatido e aprovado na última assembleia realizada em passado domingo, 3 de Junho de 2007

A Esmorga Blogue.- A Assembleia da Esmorga, consciente da polémica suscitada polo II Festival da Língua, decide fazer pública a sua valoraçom do mesmo, fazendo-a chegar a todos os colectivos e pessoas individuais a quem puder interessar.

O resultado do Festival em quanto à participaçom de público e liquidez económica foi satisfatório. A concorrência a quase todas as actividades programadas (ruada, curtas, recitado, concertos...) e satisfaçom dos assistentes percebeu-se como positiva.

No entanto, o trabalho organizativo do festival e a implicaçom dos distintos colectivos, entendemos que foi muito desigual e que A Esmorga como principal impulsor deveria ter assumido um papel mais aglutinador. Serva esta reflexom como autocrítica e propósito para que nom aconteça no III Festival (que desejamos se celebre no próximo ano e com maior sucesso ainda que neste em qualquer outro ponto do pais).

A ubicaçom do Festival na cidade de Ourense pude criar rejeitamento em alguns colectivos que propunham umha vila, mas da Esmorga achamos em falta nesta cidade celebraçons deste tipo (?e doutros tipos também?), geralmente centralizadas por zonas compostelanas ou costeiras.

A respeito da colaboraçom das instituiçons públicas dizer que:

=> Valoramos de forma muito positiva a mudança de atitude da Câmara Municipal (o facto de passarem da persecuçom ao reconhecimento é uma mostra palpável da maior força que actualmente tem o projecto dos centros sociais em Ourense).

=> A Casa da Juventude e a Universidade de Vigo disponibilizarom um espaço idóneo para a ubicaçom do festival e colaborarom estreitamente na difusom da actividade entre a comunidade universitária, a juventude e toda a cidadania ourensana. Achamos este trabalho digno de agradecer e nom de criticar.

=> A Delegaçom da Conselharia de Cultura da Junta da Galiza ofereceu apoio financeiro. A Esmorga desde o início fez saber na Coordenadora que nom se nega a trabalhar com ajudas das instituiçons e decidiu ceder o importe económico do que dispunha para incrementar a viabilidade do Festival. Assumiam-se a um tempo os possíveis êxitos, mas também, os fracassos.

Lamentamos profundamente o desencanto das Rádios Galegas convidadas a participar no evento. Nom foi intençom da organizaçom ocultar informaçom nem houve ma vontade por parte da Esmorga. Pensamos que o que sim houve foi um erro de coordenaçom na comunicaçom que trouxe como resultado o incomodo dalgumas pessoas. As nossas desculpas pola parte que puder tocar, mas nom se podia prever que os convidados e convidadas ao Festival se desmarcassem caso houver subsídios. Respeitamo-lo e recolhemo-lo para o futuro.

Finalmente, apelar a que as diferenças, que sempre som positivas, se tenten encauzar nos locais apropriados e, se calhar, nos momentos mais propícios. Agradecer também a aquelas pessoas que contribuíram a fazer real o Festival a sua implicaçom, boa vontade e esforço voluntário. Sem isso, mesmo havendo dinheiro, nom há dinamizaçom sociocultural possível.

=> Fazer Download do Comunicado em PDF
[Tamanho 38 Kb.]

Escrito ?s 11:06:12 nas castegorias: Associaçom, Notícias
por csesmorga   , 531 palavras, 535 visualizaçons     Chuza!

1 comentário

Comentário de: aturuxo local social [Membro]  
CS Aturujo

Desde Aturuxo expresa-mos todo o nosso apoio e concordamos no 100% coa organizaçom do festival e coa decissom de aproveitar os subsídios, sempre respeitando as possicions contrarias.
Avante com o galego!
Avante con festival EM MOVIMENTO!
Avante coa Esmorga!

05-06-2007 @ 15:41
    A Esmorga somos cada vez mais pessoas que apostamos pelo activismo social e cultural comprometido com a realidade em que vivemos.

    Trabalhamos para promover a língua e a cultura galegas, a sensibilidade para com o meio ambiente e a solidariedade entre as pessoas e os povos.

    Torna-te esmorgan@

    O entusiasmo, o espírito positivo, o empenho e a diversão são as nossas ferramentas de trabalho para construir tijolo a tijolo um mundo mais justo e agradável para tod@s.

    A porta da Esmorga está aberta para qualquer pessoa que queira conhecer-nos ou mergulhar neste projecto.

    ASSOCIA-TE!Torna-te esmorgan@
    Inscrição on-line



    http://aesmorga.agal-gz.org

    aesmorga[arroba]agal-gz.org

    Facebook esmorgano Flickr esmorgano Calendário esmorgano
      Abril 2021
      Seg Ter Qua Qui Sex Sab Dom
       << <   > >>
            1 2 3 4
      5 6 7 8 9 10 11
      12 13 14 15 16 17 18
      19 20 21 22 23 24 25
      26 27 28 29 30    

      Busca

      multiblog