Saiu o Manual Galego de Língua e Estilo

Saiu o Manual Galego de Língua e Estilo

26-11-2007



A Esmorga participa na ediçom do volume

A Esmorga Blogue.- A seguir reproduzimos o magnífico texto colocado no blogue da Fundaçom Artábria relativo ao lançamento da primeira ediçom do «Manual Galego de Língua e Estilo» (que vem com CD incluído), da autoria de Maurício Castro Lopes, Beatriz Peres Bieites e Eduardo Sanches Maragoto, em cuja ediçom participa a nossa associaçom.

Lembramos que o manual poderá ser conseguido no nosso local da rua Telheira, 9, sendo os benefícios obtidos nas vendas no nosso centro social para A Esmorga. Sugerimos reservares para já, antes de se esgotar e ficares sem este imprescindível trabalho para melhorarmos a nossa língua.

Por fim está na rua umha nova obra editorial importante para todos e todas as que escrevemos conforme as normas do galego histórico ou reintegracionista: o Manual Galego de Língua e Estilo, da autoria de Maurício Castro, Beatriz Peres e Eduardo Maragoto. Um volume de 495 páginas acompanhado de um CD com o processador de texto Open Office e o verificador ortográfico para galego-português.

O livro é mais do que um completo método para aprendermos a escrever correctamente na nossa língua. Inclui, além disso, aspectos relativos aos usos dos diferentes sinais tipográficos, extensos vocabulários trilíngües galego-espanhol-inglês, umha completa lista de falsas semelhanças entre galego e espanhol, conselhos para evitar um uso sexista da linguagem, topónimos e gentílicos de todos os concelhos e comarcas da Galiza e de numerosos países, acidentes geográficos, erros freqüentes no galego escrito, etc.

Também há paradigmas gramaticais, usos sintácticos, ortográficos e muito mais. Além disso, a versom em galego-português do verificador ortográfico permite aplicar umha correcçom automática coincidente com a proposta no Manual aos nossos textos no processador de textos de software livre Open Office.

A tiragem desta primeira ediçom nom é mui grande. Por isso che recomendamos que o adquiras no nosso Centro Social ou nas livrarias em que será distribuído o antes possível, para nom ficares sem umha obra referencial para quem quer melhorar o seu galego escrito.

Ah!, e nom esqueças que o dinheiro arrecadado polas vendas desta obra é integralmente dedicado às entidades sociais e editoriais normalizadoras que participamos na ediçom, nom existindo objectivo lucrativo. Portanto, comprando um exemplar, contribuis para o fortalecimento do trabalho normalizador. As entidades co-editoras som, além da Fundaçom Artábria:

Abrente Editora, A Esmorga Centro Social, A Fenda Editora, Aguilhoar (Centro Social da Límia), Associação Sócio-Pedagógica Galaico Portuguesa, Associaçom Cultural Roi Soga de Lobeira, Associaçom Galega da Língua (AGAL), Associaçom Cultural A Gentalha do Pichel, Centro Social Henriqueta Outeiro, Centro Social Revolta, Local Social Baiuca Vermelha, Local Social Revira e Terra Livre Ediçons.

A seguir, e para teres umha ideia mais completa da obra, reproduzimos o texto explicativo que figura na contracapa:

«O livro que tés nas maos pretende preencher um espaço que o ensino e as redes culturais oficiais deixárom vazio. Trata-se de um instrumento de grande utilidade para as pessoas que usam o galego escrito coerentemente com a sua história e as outras variantes do mesmo oficial em oito países do mundo.

Os autores e a autora do Manual Galego de Língua e Estilo utilizárom a sua experiência no ensino da língua portuguesa e na correcçom de textos galegos para propor um modelo de língua estável e coerente com os usos maioritários do reintegracionismo na Galiza. Mas este trabalho vai muito mais além, solucionando problemas que tenhem a ver com a correcçom estilística, como a pontuaçom, a tipografia, as maiúsculas, a linguagem nom discriminatória e um longo et cetera. Inclui ainda extensas listas de vocabulário relacionado com a política, a judicatura, o ambiente, a geografia galega e internacional ou as falsas semelhanças. Finalmente, o Manual dá soluçom aos erros lingüísticos mais freqüentes que se podem encontrar nos textos escritos em galego, sejam da normativa que forem.»

Características:

# Manual Galego de Língua e Estilo (livro+CD)

# 1ª ediçom (Setembro de 2007)

# Autores e autora: Maurício Castro Lopes, Beatriz Peres Bieites e Eduardo Sanches Maragoto.

# Número de páginas: 495.

# Tamanho das páginas: 24x17 cm.

# Preço de Venda ao Público: 25 euros.

Escrito ?s 21:03:52 nas castegorias: Associaçom, Notícias
por csesmorga   , 753 palavras, 751 visualizaçons     Chuza!

1 comentário

Comentário de: Claudionor Camilo da Costa [Visitante]
Claudionor Camilo da Costa

Olá,

sou brasileiro e gostaria de adquirir o livro “Manual Galego de Língua e Estilo". Como devo proceder para adquiri-lo?
Procurei em vários sites e não encontrei.
Vocês podem me ajudar?
Desde já agradeço.

Abraços!

08-09-2012 @ 04:05
    A Esmorga somos cada vez mais pessoas que apostamos pelo activismo social e cultural comprometido com a realidade em que vivemos.

    Trabalhamos para promover a língua e a cultura galegas, a sensibilidade para com o meio ambiente e a solidariedade entre as pessoas e os povos.

    Torna-te esmorgan@

    O entusiasmo, o espírito positivo, o empenho e a diversão são as nossas ferramentas de trabalho para construir tijolo a tijolo um mundo mais justo e agradável para tod@s.

    A porta da Esmorga está aberta para qualquer pessoa que queira conhecer-nos ou mergulhar neste projecto.

    ASSOCIA-TE!Torna-te esmorgan@
    Inscrição on-line



    http://aesmorga.agal-gz.org

    aesmorga[arroba]agal-gz.org

    Facebook esmorgano Flickr esmorgano Calendário esmorgano
      Novembro 2018
      Seg Ter Qua Qui Sex Sab Dom
       << <   > >>
            1 2 3 4
      5 6 7 8 9 10 11
      12 13 14 15 16 17 18
      19 20 21 22 23 24 25
      26 27 28 29 30    

      Busca

      free blog tool