A Esmorga Blogue.- Coincidindo com o início das Festas de Ourense, A Esmorga duplica os esforços, as ganas e a vontade para denunciar que na nossa cidade a cultura está a ser perseguida, censurada e clausurada polo governo municipal do PP. Por isso, para mostrar na rua o nosso apoio ao projecto dos Centros Sociais, e concretamente para exigir a re-abertura imediata d'A Esmorga, convocamos-vos a todas e a todos à Manifestaçom que terá lugar no próximo Sábado dia 10, às 19:00 desde a porta do Centro Social, na Rua Cabeça de Maceda de Ourense. Todas e todos estades convidad@s!!!
E depois da manifestaçom, a partir das 22:30......CONCERTO!!! Na sala LOOPS (Rua Carriarico), com as actuaçons de Xigante Verde, Guezos, Greska e Skárnio, e um bilhete de 5 euros, que nom é nada...
Escrito ?s 21:03:52 nas castegorias: Velha Esmorga, Actividades
|
|
A Esmorga Blogue.- Na tarde de hoje, dia 1 de Junho, vári@s activistas d'A Esmorga procedemos a "precintar" a porta principal da Casa do Concelho de Ourense, em resposta ao feche do nosso Centro Social por parte do Governo de Manuel Cabezas.
Nom temos muito claro se A Esmorga cumple ou nom a normativa exigida para ter aberto um local ao público, mas nom temos dúvida de que o Concelho nom cumpre os mínimos necessários para poder gerir os interesses e os desejos da cidadania de Ourense: perseguindo a cultura, institucionalizando a corrupçom e o caciquismo, proibindo a iniciativa cidadá, precintando as alternativas para a mocidade, fazendo da política um negócio privado... o governo de Manuel Cabeças nom merece ocupar o edifício da Praça Maior.
Escrito ?s 01:53:11 nas castegorias: Velha Esmorga, Informaçons
|
|
A Esmorga Blogue.- Nestas datas de casamentos, primeiras comunhons e outros eventos vários (que ai estám as Festas de Ourense), até os seus protagonistas se mostram sorprendidos pola falta de sentidinho do Concelho.
Escrito ?s 00:21:54 nas castegorias: Velha Esmorga, Informaçons
|
|
A Esmorga Blogue.- Desde que o Governo Municipal de Ourense precintou o Centro Social A Esmorga, a Associaçom resolveu continuar com as suas actividades habituais, realizando-as, a falta de local, na própria rua. Desta maneira, os distintos cursos que semanalmente se realizavam no Centro (actualmente um de galego, um de pandeireta e um de dança) passam a se realizar em diferentes praças da nossa cidade, sobre umha teia verde e tras umha faixa que, baixo o epígrafe de «A Esmorga Itinerante», explica a necessidade de fazer essa actividade na rua a causa do precinto do nosso local por parte do Governo do PP.
Escrito ?s 22:48:22 nas castegorias: Velha Esmorga, Informaçons
|
|
A Esmorga Blogue.- Para difundir ao máximo a situaçom do nosso centro social deixamos aqui duas imagens para colocar nos vossos blogues, páginas, etc. Um vem como arquivo jpg e o outro é animado.
Deixamos-vos também um modelo de cartaz (vam dous por folha) para colocar nos vossos locais, carros, ruas, casas, pastas... enfim, onde quiserdes:
=> Fazer Download do Cartaz em PDF
[Tamanho 124 Kb.]
Escrito ?s 15:38:43 nas castegorias: Velha Esmorga, Informaçons
|
|
A Esmorga Blogue.- O Centro Social d'A Esmorga (Ourense) vem de ser precintado pola polícia local na tarde de hoje, sexta-feira 12 de Maio, por ordem de Aurelio Gómez Villar, concelhal de Comércio da cámara municipal. A razom alegada por esta é o incumplimento das normativas municipais relativas ao espaço físico do local, normativa que nom se aplica a outros locais de ámbito associativo, mas que neste caso é um pretexto para acabar com umha iniciativa sócio-cultural que lhes resulta molesta demais.
Escrito ?s 22:19:21 nas castegorias: Velha Esmorga, Informaçons
|
|
A Esmorga Blogue.- Desde 17 de Maio (Dia das Letras na Galiza) até 10 de Junho (Dia de Camões)a Comissom de Língua do Centro Social A Esmorga organiza diversos actos voltados para a língua: conferências, debates, jogos e música.
Escrito ?s 14:41:50 nas castegorias: Velha Esmorga, Actividades
|
|
A Esmorga Blogue.- Genreira, a Assembleia de Jovens d'A Esmorga, organiza o próximo sábado, 13 de Maio, de 18:00 a 20:00, um obradoiro de sexualidade com o intuito de responder às vossas dúvidas, mas também passar umha boa tarde de lezer. Será no centro social da Rua Cabeça de Maceda, 20, em Ourense.
Escrito ?s 14:28:01 nas castegorias: Velha Esmorga, Actividades
|
|
A Esmorga Blogue.- Neste mês de Maio volvem os debates organizados pola Assembleia de Mulheres d'A Esmorga. Todos os encontros decorrerám no Centro Social A Esmorga, na Rua Cabeça de Maceda, 20. Como sempre, podes pedir e acrescentar o material no balcom.
Calendário -12 de Maio: "Auto-organizaçom das Mulheres".
-19 de Maio: "Mulheres e Anti-militarismo"; nesta sessom prepararemos as actividades para o 24 de Maio, dia da Mulher Anti-Militarista.
Escrito ?s 14:19:50 nas castegorias: Velha Esmorga, Actividades
|
|
A Esmorga Blogue.- A Associaçom Cultural A Esmorga som 70 pessoas que dedicam o seu tempo de lazer à dinamizaçom cultural na comarca de Ourense e que possuem o Centro Social, de dous andares, na rua Cabeça de Maceda n~20, desde finais do ano 2004.
Realizamos cursos de formaçom (pandeireta, dança, massagens, língua...), palestras (de memória histórica, incêndios, Suso Vaamonde e diferentes problemáticas da Galiza), participamos em festas tradicionais (entrudo, magustos, Maios, Sam Joám...), fazemos projecçom de filmes em língua galega, exposições de fotografia, pintura.
Escrito ?s 06:00:00 nas castegorias: Velha Esmorga, Informaçons
|
|