ENCONTRO DE OUTONO NO COUREL EM 29 E 30 DE OUTUBRO

24-10-11

Nos próximos dias 29 e 30 de outubro celebraremos o Encontro de outono da nossa associaçom no Courel.
O albergue Folgoso do Courel será o lugar onde transcorra quase toda a programaçom prevista para a ocasiom:

SÁBADO DIA 29

12h00 Chegada ao albergue.

14h00 Jantar comunitário.

17h00 Assembleia de Agarimar. No transcurso da assembleia as crianças começarám a preparar os cabaços do samhain e haverá chocolate quente.

21h00 Ceia e queimada.

DOMINGO DIA 30

11h00 Almoço.

12h00 Roteiro-visita pola zona.

14h00 Jantar comunitário.

Escrito às 17:46:45 nas castegorias: Encontros
por agarimar Email , 79 palavras, 1342 leituras   Portuguese (PT)   Chuza!
ENCONTRO DE VERÃO NO MINHOREGGAE

05-07-11

O encontro de verão de Agarimar terá lugar este ano em Vila Nova de Cerveira com o pano de fundo do II Festival Internacional Minho Reggae Splash.

O festival conta com um acampamento respeitoso com o meio na Praia da Lenta onde nos instalaremos e uma completa pogramação que podedes consultar no seu blogue.

Escrito às 11:14:48 nas castegorias: Encontros
por agarimar Email , 54 palavras, 753 leituras   Portuguese (PT)   Chuza!
TRANSCORREU ENCONTRO DE OUTONO NA TERRA CHÁ

24-11-10

Como acostumamos nos encontros da associaçom, a partir das 12h00 do sábado dia 20 fôrom chegando as sócias e sócios de Agarimar aos poucos. E ainda que faltavam algumhas e alguns assíduos, continua a medrar a assistência aos mesmos.

Já com a mesa arrumada e o local aquecido...

Só restava aquecer o jantar feito com agarimo desde Lugo para saborear o resultado na melhor companhia e com o melhor dos sorrisos.

Com o bandulho cheio já depois do jantar começou a assembleia da associaçom onde houvo debate, iniciativas e organizaçom interna. Cumprida assembleia que nos levou quase até a hora da ceia mália a ausência de última hora do representante de Galiza co Galego.

Já na noite, com a ceia, algumhas ainda se deixárom ver!!

O domingo, com a saída do sol, as crianças dérom-lhe a bem-vida...

... e o Servando nom podia faltar.

Todas e todos nos despedimos do encontro...

...com o melhor...

...que sabemos fazer:

Escrito às 02:04:35 nas castegorias: Encontros
por agarimar Email , 155 palavras, 602 leituras   Portuguese (PT)   Chuza!
ENCONTRO DE OUTONO NA TERRA CHÁ

13-11-10

Este ano o Encontro de outono da nossa associaçom transcorrerá os próximos dias 20 e 21 de novembro na Casa do Pacio (Cospeito), no coraçom da Terra Chá.
Achegamos a continuaçom o programa previsto:

SÁBADO DIA 20

12h00 Chegada à Casa do Pacio.
14h00 Jantar ( lentilhas, lacom, omeletes, empadas de verdura e bonito)
17h00 Assembleia de Agarimar. Durante o transcurso da assembleia organizaremos obradoiros para as crianças.
19h00 Palestra com um representante de Galiza co Galego.
21h00 Ceia (Caldo e mais o que sobrar do jantar)

DOMINGO DIA 21

11h00 Almoço.
12h00 Roteiro pola zona.
14h00 Jantar na casa para a gente que fique.

Escrito às 16:42:37 nas castegorias: Encontros
por agarimar Email , 100 palavras, 391 leituras   Portuguese (PT)   Chuza!
ÁGUA E SOL EM MONTE ROSO

13-07-10

Água para as crianças e sol para as/os adultas/os. A chegada progressiva das/os participantes no encontro o sábado de manhám fijo que o jantar nom tardara em chegar dando a bem-vinda a um novo encontro de verao da nossa associaçom.

Sem ainda conhecer bem a distribuiçom da casa as crianças nom perdérom tempo a pegar na mangueira para começar umha tarde plena a brincar com a água. Piscinas insufláveis e balons de água figérom de acompanhantes.

Mentras isto acontecia, as maes e pais aproveitamos a ocasiom para conhecer a experiência de Pumarinhos no acompanhamento de crianças em Bembrive (Vigo) ouvindo e debatendo com umha representante do colectivo. Ao mesmo tempo, um roteiro de algumhas das crianças ao cuidado de três adultas/os procurava um rio nos arredores e mergulhavam-se entre as vacas dumha exploraçom gadeira vizinha.

Após a ceia, a noite foi caindo em distintos tempos para as/os participantes e já na manhám do domingo a visita à fermosa carvalheira que nos levou ao rio e mais arrumar os quartos fôrom deixando passo a um novo jantar de despedida, isso sim, com a correspondente assembleia de Agarimar na sobremesa.

Escrito às 17:16:25 nas castegorias: Encontros
por agarimar Email , 188 palavras, 483 leituras   Portuguese (PT)   Chuza!
ENCONTRO DE VERAO EM MONTE ROSO

29-06-10

Nos próximos dias 3 e 4 de julho decorrerá na casa rural de Monte Roso um novo Encontro de Verao da nossa associaçom.

Sábado dia 3

12h00 Chegada e arrumada.
14h00 Jantar.
16h30 Debate. Representante de Pumarinhos a partilhar connosco a experiência deste espaço para medrar.
18h30 Assembleia de Agarimar.
20h00 Ceia.

Domingo dia 4

10h00 Almoço e recolhida.
11h30 Passeio até o moinho ou praia fluvial.
14h00 Jantar e despedida.

Escrito às 12:25:03 nas castegorias: Encontros
por agarimar Email , 67 palavras, 526 leituras   Portuguese (PT)   Chuza!
CHUVA E MAIOS NO ENCONTRO DE PRIMAVERA

11-05-10

Embora a chuva fizesse a sua apariçom, nom fôrom poucas as pessoas que na manhám do domingo se deslocárom à zona velha de Vigo para participar na festa dos maios. Desde as primeiras horas do dia fôrom chegando também as e os participantes no Encontro de primavera de Agarimar.

Após passar pola Praça da Vila onde se rematava de confeccionar o maio central e aproveitar a conta-contos e os obradoiros de colares de flores e cestaria, crianças e adultas dirigimo-nos ao Espaço para a criança Folhas Novas -Agarimar- onde o sócio Servando Barreiro musicou o ambiente mentras rematávamos os preparativos do jantar que tivo lugar nas dependências da Escola Popular Galega do mesmo local.

Já de tarde, após falarmos em assembleia os temas pendentes, assistimos às cantigas e representaçom dramática da chegada do maio da que podedes olhar reportagem gráfica no blogue do grupo de apoio à lactaçom Deleite, grupo no que participam várias sócias de Agarimar.

Para as/os mais atrevidas/os ainda chegou o concerto de "Tanto Nos Ten"...

Escrito às 14:58:13 nas castegorias: Encontros
por agarimar Email , 169 palavras, 522 leituras   Portuguese (PT)   Chuza!
ENCONTRO DE PRIMAVERA EM VIGO

04-05-10

No próximo domingo dia 9 de Maio Agarimar celebramos em Vigo o Encontro de Primavera. Aproveitando a Festa dos Maios que se celebra na zona velha elaboramos o seguinte programa para o encontro:

DOMINGO 9:
10h30: Chegada ao Espaço para a criança Folhas Novas -Agarimar- (Rua Real, 12)
11h00: Conta-contos sobre a festa dos Maios, obradoiros de cestaria, colares e animaçom de rua na Praça da Vila.
13h00: Os Maios com Servando no Espaço para a criança Folhas Novas -Agarimar-.
14h00: Jantar na Escola Popular Galega.
15h30: Assembleia para a auto-organizaçom e debate.
17h30: Entrada dos Maios convidados na Praça da Vila.
18h00: Festa dramatizada dos Maios da zona velha.
19h00: Concerto de "Tanto nos Ten".

Esperamos-vos a todas e a todos, e lembramos a necessidade de vestir de branco dentro das possibilidades de cada quem.

Escrito às 12:02:34 nas castegorias: Encontros
por agarimar Email , 133 palavras, 364 leituras   Portuguese (PT)   Chuza!
SAMAIM E CASTANHAS NO ENCONTRO DE OUTONO

03-11-09

Assistentes ao Encontro de Outono

O lugar de Camporrairo foi afinal o destino que acolheu o Encontro de Outono da nossa associaçom. Com a progressiva chegada das/os assistentes o sábado de manhám começava a jornada instalando-nos no lugar e fazendo os preparativos para o primeiro jantar.

O jantar deu passo à preparaçom dos cabaços para a festa do Samaim mentras nos fazíamos com umhas castanhas mesmo sem sair da quinta onde se encontrava a casa.

Preparando os cabaços

Outra gente deslocou-se até Monforte de Lemos com a intençom de aprovisionar-nos para enfrentar a noite e até deu tempo para a auto-organizaçom e o debate.

Noite meiga

A ceia fechava o primeiro dia e o descanso da noite abria um domingo de incursom na Serra do Courel, onde após umha primeira parada em Folgoso chegamos a visitar o sequeiro do Pepe de Froxám quem amavelmente nos explicou o processo da seca da castanha.

À porta do sequeiro

No interior

Algum queria banhar-se em castanhas...

Compre dizer que foi neste lugar de Froxám onde apartada de todas as casas e confundindo-se com a serra, muitas maes, pais e crianças dixérom ter visto a morada do Apalpador. Nom sabemos se seria ou nom, mas o que si é certo é que muito longe nom devia andar o barbudo apalpa barrigas pois todos os ouriços dos arredores atopavam-se no chao sem castanhas no seu interior. Com essa incerteza voltamos para Camporrairo onde o jantar foi a melhor das despedidas possíveis.

Ligaçom de interesse: O Sequeiro da Portela

Escrito às 11:29:03 nas castegorias: Encontros
por agarimar Email , 250 palavras, 659 leituras   Portuguese (PT)   Chuza!
ENCONTRO DE OUTONO NA SERRA DO COUREL

20-10-09

Os próximos 31 de Outubro e 1 de Novembro decorrerá na serra do Courel o segundo Encontro da associaçom Agarimar. O preço por pessoa adulta é de 20 € e inclui o alojamento, merenda, ceia e almoço. Como ocorrera no anterior Encontro constitutivo em terras do Couto Misto, o jantar dos dous dias será comunitário polo que tod@s @s participantes deverám aportar algo.


PROGRAMA:

SÁBADO 31:

12:00. Chegada ao Acampamanto O Courel.
14:00. Jantar comunitário.
16:00. Passeio. Recolhida de casatanhas para levar no dia seguinte ao sequeiro.
17:00. Merenda e fabricaçom de cabaças do Samaim.
18:00. Debate: A criança e a aventura da natureza. A pedagogia do ar livre.
20:00. Festa do Samaim e ceia.

DOMINGO 1:
09:30: Almoço
11:00. Saida cara Froxám.
12:00. Visitaremos o sequeiro do Pepe, velho secador de castanhas para o Apalpador, e procuraremos a casa onde mora o barbudo apalpa barrigas.
14:00. Jantar comunitário e despedida.

Confirmar assistência antes do 26 de Outubro em agarimar.gz@gmail.com

Escrito às 18:02:17 nas castegorias: Encontros
por agarimar Email , 144 palavras, 581 leituras   Portuguese (PT)   Chuza!
CONSTITUI-SE ASSOCIAÇOM AGARIMAR

07-07-09

O 13 e 14 de Junho de 2009 constitui-se no concelho de Baltar Agarimar - Associaçom galega de maes e pais. O convívio organizado na casa rural Couto Misto começou na jornada do sábado 13 com a chegada das/os paticipantes de manhám.

Assistentes ao Encontro do Couto Mixto


Umha vez instaladas/os, e após o jantar, decorreu um debate sobre os modelos educativos onde se fizo umha compilaçom das principais correntes pedagógicas do século passado que pode ser consultada na categoria de formaçom deste blogue.

No jantar


Entre os jogos das crianças foi pondo-se o sol para rematar o dia com um roteiro pola zona antes da ceia e as cantigas e contos do amigo Servando.

roteiro
Um momento de descanso no roteiro

Um outro momento do roteiro


O domingo 14 de manhám celebramos a assembleia constitutiva da Associaçom Agarimar sob os seguintes objectivos:

• Necessidade de procurar e construir um novo modelo educativo nacional.
• Coordenar recursos válidos para a educaçom das nossas crianças em galego, em valores anti-capitalistas, nom patriarcais, comunitários e ambientais.
• Promover e facilitar actuaçons e iniciativas no país que aportem espaços alternativos de crescimento colectivo, onde relacionar-se livremente.
• Aportar informaçom, recursos e apoio a pessoas, iniciativas, entidades,... que promovam projectos ou actividades educativas alternativas em galego e nos valores promovidos desde esta associaçom.

Ainda nos restou tempo para acudir às festas dumha vila vizinha (ainda que estiveram todas/os na missa) e mesmo desfrutar de novo com a música e os contos do Servando.

Servando fizo desfrutar a todas/os
Escrito às 15:02:46 nas castegorias: Encontros
por agarimar Email , 247 palavras, 529 leituras   Portuguese (PT)   Chuza!

      AGARIMAR

      Agarimar é umha associaçom de maes e pais cientes da necessidade dumha criança alternativa que permita um melhor desenvolvimento integral das/os nenas/os. Podes contactar connosco em: agarimar.gz@gmail.com
      Outubro 2014
      Seg Ter Qua Qui Sex Sab Dom
       << <   > >>
          1 2 3 4 5
      6 7 8 9 10 11 12
      13 14 15 16 17 18 19
      20 21 22 23 24 25 26
      27 28 29 30 31    

      INICIATIVAS

          LIGAÇONS

          Gravidez e Parto:

          Lactaçom:

          Espaços educativos:

          Ensino doméstico:

        • EDUCAR NA CASA

          Recursos:


          Busca

        multiblog