...E CHEGOU O APALPADOR

27-12-12

Escrito às 22:58:13 nas castegorias: Iniciativas
por agarimar Email , 3 palavras, 1385 leituras   Portuguese (PT)   Chuza!
ASSEMBLEIA NO DIA DA PÁTRIA PARA AVANÇAR NA AUTO-ORGANIZAÇOM POPULAR

14-07-12

Galizalivre/ Pessoas vinculadas a coletivos autogestionados de todo o país (centros sociais, educaçom popular, decrescimento, cooperativas...) venhem de realizar umha convocatória de assembleia para o vindouro Dia da Pátria, para porem experiências em comum e valorizarem a possibilidade de criar um projeto global para que "o povo, diretamente e desde baixo, tome o destino polas suas maos". Será no Centro Social O Pichel, às 17h30 do 25 de julho, numha assembleia aberta. Destacam a existência na Galiza de muitos projetos situados nesses parámetros, que pretendem viver desde já noutras coordenadas opostas às que impom o Estado e o Capital. Sinalam a Cooperativa Integral Catalá como experiência valiosa, mas recusam a cópia acrítica, assim, sinalam que "para nom condicionar a assembleia", preferem "nom definir nesta convocatória o que entendemos por cooperativa integral, pois é algo que deveria ser discutido e acordado de forma aberta e debatida". Reproduzimos a continuaçom a carta da convocatória enviada polo grupo promotor:

Cara/o companheira/o,

nos últimos anos surgírom na Galiza umha grande quantidade de iniciativas sociais que tenhem em comum a vontade de autogestom de muitas fasquias da vida, desde umha alimentaçom local e ecológica, até escolas populares, comedores, centros sociais, coletividades rurais, grupos de consumo, redes de troco e bancos de tempo, hortas comunitárias, redes de intercámbio de sementes, etc.

O colapso da economia capitalista, incapaz de soster-se em pé apesar de devorar os recursos naturais do planeta, impom também umha mudança de rumo que supere o consumismo e a guerra de todos contra todos e contra a natureza, construindo umha nova forma de vida baseada na ajuda mútua e no respeito ao entorno. Nom podemos contar com que o Estado nem o Capital ajudem nesta transformaçom social, e polo tanto apostamos porque seja o povo, diretamente e desde baixo, quem tome nas suas maos o seu destino.

Ao mesmo tempo, o projeto catalám da Cooperativa Integral atraíu a olhada de muitas/os de nós, porque parece ser umha ferramenta mui efetiva para impulsionar projetos deste tipo, englobando-os num movimento de transformaçom social de grande alcanço.

Os militantes que assinamos esta carta pensamos que seria mui interessante que umha assembleia aberta de pessoas envolvidas nestas iniciativas nos juntássemos para avaliarmos a possibilidade de impulsionar um espaço de encontro similar, umha cooperativa integral galega. Por isso decidimos convocar umha reuniom, que é aberta a qualquer pessoa que participe ou queira participar em projetos de autogestom (polo que podes convidar ti mesmo a quem se che ocorra e que a nós se nos tenha esquecido).

A assembleia terá lugar a quarta-feira 25 de julho, às 17:30 horas no centro social O Pichel, em Santiago de Compostela. As pessoas que a convocamos pensamos que nom deve ser umha assembleia de tomada de decisons, senom um simples diálogo para conversar, perguntar e compartilhar ideias entre nós. Em qualquer caso, a nossa ideia é que, se na assembleia se vê que existe vontade de apostar polo cooperativismo integral, poderiam criar-se grupos de trabalho que vaiam preparando umha juntança posterior na que se constitua realmente a cooperativa integral galega.

Seja como seja, nós nom pomos nengumha premissa nem ordem do dia à assembleia, que queremos plenamente aberta e livre.

Esperamos que a cita che pareça tam importante como a nós.

Um abraço irmandinho,

Carlos Taibo, professor e ativista social

Ugio Caamanho, do Centro Social A Revolta de Vigo

Olalha Couso, do Sindicato Labrego Galego

Paulo Tobio, da Associaçom Galega de Maes e Pais Agarimar

Paz Romai, de Acolá S. Coop. Galega

Xosé Doldán, professor e ativista social

Antón Gómez-Reino Varela, de Hábitat Social Coop. Galega

Júlio Saiáns, da Agrupaçom de Montanha Augas Limpas

Olga Romasanta, do Centro Social Mádia Leva! de Lugo

Marcos Abalde, de Estaleiro Editora

Miguel Garcia, do Centro Social Sem um Cam de Ourense

Carlos C. Varela, do jornal digital galizalivre.org

Manuel Casal Lodeiro, de Véspera de Nada

Brais Zas, da Revoldaina Cultural da Beira de Bergantinhos

Júlio Teixeiro, da Escola Popular Galega

P.S. Para nom condicionar a assembleia preferimos nom definir nesta convocatória o que entendemos por cooperativa integral, pois é algo que deveria ser discutido e acordado de forma aberta e debatida. De todas as maneiras, a experiência catalá é umha fonte de inspiraçom para nós, e quem queira pode consultá-la na rede (cooperativa.cat).

Escrito às 10:38:47 nas castegorias: Iniciativas
por agarimar Email , 704 palavras, 2065 leituras   Portuguese (PT)   Chuza!
VÍDEO DO APALPADOR EM VIGO

31-12-11

Escrito às 01:55:07 nas castegorias: Iniciativas
por agarimar Email , 0 palavras, 931 leituras   Portuguese (PT)   Chuza!
O APALPADOR RECEBE 150 CRIANÇAS EM VIGO

23-12-11

Após realizar um obradoiro preparatório do recebimento no Espaço para a criança Folhas Novas na tardinha de ontem, as crianças esperavam ansiosas a chegada do carvoeiro hoje, 23 de dezembro, na praça da vila da zona velha viguessa.

Por volta das 18h15 fazia entrada o barbudo na praça acompanhado dum grupo de música tradicional e umha acompanhante que ajudou no transporte dos presentes que o Apalpador distribuiu entre os mais pequenos.

No decorrer da tarde, o Apalpador recebeu a todas as crianças que por lá se achegárom presenteando a cada umha com castanhas e um conto.

Mais um ano, o nosso barbudo amigo despediu-se da zona velha viguessa fazendo votos por voltar no próximo ano e deixando nas crianças a ilusom e os nervos que acompanham estas datas.

Escrito às 23:58:05 nas castegorias: Iniciativas
por agarimar Email , 127 palavras, 527 leituras   Portuguese (PT)   Chuza!
O APALPADOR EM VIGO

12-12-11

MAIS UM ANO...BEM-VINDO APALPADOR!!

Como todos os anos no mês do natal, desde Agarimar interessamo-nos no plano de trabalho do carvoeiro, e foi assim que hoje nos comprazemos com esta boa nova...

O NOSSO BARBUDO AMIGO VEM DE CONFIRMAR PRESENÇA NO BERÇO DE VIGO PARA O DIA 23 DE DEZEMBRO

Em conversa com os trasnos do bosque, por estar o Apalpador muito atarefado já nestas datas, foi que soubemos da intençom do velhote de visitar Vigo na data referenciada fazendo parada na zona velha da cidade.
Será, porém, a viguessa praça da Vila a que acolherá os atos programados pola nossa associaçom para o recebimento do carvoeiro a partir das 18h00 do dia 23: um magusto, chocolate quente, biscoito, música ao vivo e um presente para cada criança que o próprio Apalpador entregará.

OBRADOIRO PREPARATÓRIO EM 22 DE DEZEMBRO

Para termos o recebimento do dia 23 bem preparado, o dia 22 realizaremos um obradoiro no local da rua real, 12 ao que vos animamos a assistir e no que as crianças farám os seus próprios desenhos de boas-vindas ao Apalpador.

Escrito às 12:58:10 nas castegorias: Iniciativas
por agarimar Email , 174 palavras, 768 leituras   Portuguese (PT)   Chuza!
MAGOSTO EM VIGO

10-11-11

A partir das 18h00 da sexta-feira dia 11 poderemos desfrutar da festa do outono no Espaço para a criança Folhas Novas (Rua Real, 12) da zona velha de Vigo. Crianças e adultos partilharemos castanhas e brinquedos com o outono já em todo o seu esplendor.
Esperamos-vos!

Escrito às 16:35:57 nas castegorias: Iniciativas
por agarimar Email , 44 palavras, 535 leituras   Portuguese (PT)   Chuza!
APRESENTAÇOM COMARCAL EM OURENSE

25-10-11

A apresentaçom decorrerá no bar Grândola, na praça de sam Marcial, às 18h00 da próxima sexta-feira dia 28:

Escrito às 11:04:56 nas castegorias: Iniciativas
por agarimar Email , 17 palavras, 597 leituras   Portuguese (PT)   Chuza!
ESPAÇO PARA A CRIANÇA FOLHAS NOVAS RETOMA ATIVIDADE APÓS DESCANSO ESTIVAL

20-10-11

E para começarmos o ano, nesta sexta-feira a partir das 18h00 no Espaço para a criança Folhas Novas (Rua Real, 12) de Vigo, brincaremos com todo tipo de jogos e brinquedos populares e tradicionais que as e os assistentes tenham a bem trazer para desfrute de crianças, mães e pais.
Esperamos-vos lá!

Escrito às 17:19:18 nas castegorias: Iniciativas
por agarimar Email , 51 palavras, 526 leituras   Portuguese (PT)   Chuza!
AGARIMAR NO DIA DA PÁTRIA

26-07-11

Mais um ano, Agarimar estivo presente nos atos celebrados em Compostela com motivo da festividade nacional. Desde primeira hora da manhám umha banca com material da associaçom estivo na alameda onde se instalam as bancas de diferentes coletivos e associaçons, aliás, este ano um painel explicativo informava às/aos presentes sobre a nossa associaçom.

Depois das mobilizaçons, e como vem sendo costume, instalamo-nos na romaria popular que a plataforma soberanista Causa Galiza realizou no Burgo das naçons após a proibiçom espanholista de celebrar a romaria onde estava inicialmente fixada:

Escrito às 12:37:06 nas castegorias: Iniciativas
por agarimar Email , 88 palavras, 523 leituras   Portuguese (PT)   Chuza!
AGARIMAR NO ÉMUNDIAL

05-07-11

A nossa associaçom colabora na programaçom do evento comemorativo dos 30 anos da Associaçom Galega da Língua. Será no próximo sábado dia 9 de julho às 17h00 no parque de Sam Domingos de Bonaval acompanhados de Anxo Moure e Servando Barreiro.
A programaçom completa do evento é esta:

Atividades diárias de 4 a 9 de julho

•Roteiro de petiscos
•Exposiçom de fotografia de Maria Oliveira (Portugal), na Casa das Crechas
•Exposiçom sobre o Movimento dos Sem Terra (Brasil), na Biblioteca Ánxel Casal, com fotografias de Sebastião Salgado (BR)

Também há atividades específicas para cada dia:

Segunda-feira, 4 de julho

•20:30h, no Café Bar As Duas (Praça da Oliveira nº 3). Lançamento de dous livros do Paulo Soriano (Brasil), Contos Galegos e Histórias Nefastas. Apresenta Carlos Campoi, do Clube de Leituras de Português da EOI de Santiago de Compostela. Também estará presente um membro da editora Edizer Livros.
•23:00h, na Borriquita de Belém (r/Sam Paio de Antealtares nº 22). Jam Brasil, com o guitarrista Sérgio Tannus como mestre de cerimónias.

Terça-feira, 5 de julho

•11:00 a 12:30h, na Biblioteca ‘Ánxel Casal’ (r/Joám XXIII s/n). Ateliê de leitura em português para crianças, com Carlos Valcárcel (Galiza).
•20:30h, no Café Bar As Duas (Praça da Oliveira nº 3). Mesa redonda «Lusofonias a morarem na Galiza». Diferentes pessoas de outros pontos da Lusofonia vam relatar a sua integraçom social na Galiza, por sinal, matriz da língua portuguesa. Apresenta Xurxo Troncoso.

Quarta-feira, 6 de julho

•20:30h, no Centro Social ‘A Gentalha do Pichel’ (r/Santa Clara nº 21, rés-do-chão). Lançamento da Breve Antologia Poética de Guerra da Cal, ediçom a cargo de Carlos Durão, e do website dedicado ao centenário do escritor. Intervenções de Concha Rousia (poesia) e Joám Evans (site). Organiza a Associação Pró-Academia Galega da Língua Portuguesa.
•23h. Esplanada da Casa das Crechas (Via Sacra nº 3). Estreia do vídeo-clipe do disco Acrobata, de Ugia Pedreira e Fred Martins. Projeçom do concerto de bolso “Depressa a vida passa”, de Xurxo Ponce e Sabela Vázquez. Fragmentos do documentário A Música Portuguesa a Gostar dela Própria, de Tiago Pereira.

Quinta-feira, 7 de julho

•20:00h, no Café Bar As Duas (Praça da Oliveira nº 3). «Angola Acorda?»: bate-papo sobre a mobilizaçom juvenil em Angola. Apresenta Pablo Blanco, coordena Aline Frazão.
•21:30h. A Casa das Crechas (Via Sacra nº 3). Festivais da Lusofonia: Andanças (Diana Mira, Portugal), Festival de Poesia do Condado (Manolo Soto), Cantos na Maré (Uxía). Organiza a Associação Pró-Academia Galega da Língua Portuguesa, apresenta Maria Xosé Castelo Lestom.

Sexta-feira 8 de julho

•20:30h, no Café Bar As Duas (Praça da Oliveira nº 3). Mesa redonda «Empresas e a oportunidade da língua». Apresenta Ângelo Lodeiro, de Projeto U-lo. Intervenções das empresas imaxin|software, Sacauntos e GlobalNovaTrade.

Sábado 9 de julho

No parque de Sam Domingos de Bonaval

•Todo o dia. Zona de coletivos, balcom e mesa com livros e música.
•11:30 a 13:30h. Passeata de Trópico de Grelos
•14:00 a 17:00h. Jantar (almoço) lusófono.
•17:00 a 18:00h. Associaçom de Pais e Mães Agarimar, Anxo Moure e Servando Barreiro.
•18:00h a 19:00h. Sessom de conta-contos, com Paula Carballeira.
•19:00h a 20:00h. Ateliê de dança com Mercedes Prieto (Galiza).
•20:00h a 21:00h. Roda de capoeira com o Grupo de Capoeira ‘Angola Zimba’ (Brasil).

Na Sala Nasa (r/ da Carvalheira de Sam Lourenço, 51-53)

•22:30h. Apresentaçom.
•23:00h. Atuaçom de Kana Kaiana (música brasileira).
•00:00h. Malandrómeda (espetáculo showcase de hip-hop).

Escrito às 10:23:33 nas castegorias: Iniciativas
por agarimar Email , 540 palavras, 432 leituras   Portuguese (PT)   Chuza!
I JORNADAS DE CRIANÇA NATURAL EM COMPOSTELA

27-06-11

Agarimar organiza I Jornadas de criança natural em Compostela nos próximos dias 29 e 30 de junho, e 1 de julho. As jornadas decorrerám no C.S. A Gentalha do Pichel a partir das 18h30 com a seguinte programaçom:

QUARTA FEIRA 29 DE JUNHO: PARTO RESPEITADO com as intervençons de Maria Dolores Martínez Romero (matrona do hospital do Salnês), Sarai Fernandez (doula), e Patrícia Vasques (mãe e membro de Agarimar)

QUINTA FEIRA 30 DE JUNHO: LACTAÇOM MATERNA A MELHOR OPÇOM com a projecçom dum vídeo sobre lactaçom de FEDEGALMA e a intervençom de Marinha Cavaleiro (membro de Mámoa)

SEXTA FEIRA 1 DE JULHO: HOMEOPATIA PARA CRIANÇAS com a intervençom de Miguel Ángel Justo Fernández (médico homeópata)

Escrito às 11:11:01 nas castegorias: Iniciativas
por agarimar Email , 109 palavras, 987 leituras   Portuguese (PT)   Chuza!
VAMOS PROCURAR AS ERVAS DO SAM-JOÁM!!

18-06-11

Num roteiro que percorrerá as margens do rio Sarela e acompanhadas polo biólogo Tino Quintela tentaremos encontrar todas as flores e ervinhas e descobrir as suas propriedades para cumprir como cada ano com o ritual de lavar a carinha na manhá do sam-joám.
Será nesta próxima terça-feira, dia 21 e sairemos da carvalheira de sam Lourenço ás 17h30. Na metade do roteiro faremos umha paradinha para merendar.

Escrito às 05:12:37 nas castegorias: Iniciativas
por agarimar Email , 66 palavras, 416 leituras   Portuguese (PT)   Chuza!

1 2 3 4 5 6 7 >>

      AGARIMAR

      Agarimar é umha associaçom de maes e pais cientes da necessidade dumha criança alternativa que permita um melhor desenvolvimento integral das/os nenas/os. Podes contactar connosco em: agarimar.gz@gmail.com
      Novembro 2014
      Seg Ter Qua Qui Sex Sab Dom
       << <   > >>
                1 2
      3 4 5 6 7 8 9
      10 11 12 13 14 15 16
      17 18 19 20 21 22 23
      24 25 26 27 28 29 30

      INICIATIVAS

          LIGAÇONS

          Gravidez e Parto:

          Lactaçom:

          Espaços educativos:

          Ensino doméstico:

        • EDUCAR NA CASA

          Recursos:


          Busca

        powered by free blog software