“Vozes Livres”, é mais um nome que se junta às diversas publicações informativas do movimento associativo galego. O objectivo fundamental do vozeiro é «ser a voz crítica numha comarca acostumada ao passivismo, tender laços com o resto do tecido associativo da Galiza e acabar com o permanente localismo que caracteriza estes colectivos», salientam de Aguilhoar, a associaçom impulsora desta publicaçom.

Nas sua páginas o «Vozes Livres» informa das actividades realizadas por Aguilhoar nestes primeiros meses de andaina na comarca limiá: o lançamento do Novas da Galiza, o torneio de futebol galego, a constutuiçom de Siareir@s Galeg@s-Límia ou mesmo o Curso de Língua celebrado em Vilar de Santos na passada quadra natalícia.

O vozeiro «tenta dar a visom da associçom sobre temas de actualidade como o ressugimento associativo no País ou a necessidade de auto-organizaçom», conforme afirmam de Aguilhoar.

Finalmente, nele também se inclui umha entrevista feita polo jornal Novas da Galiza em Setembro do passado ano aos responsáveis na altura, Borja Colmenero e André Taboada; e um pequeno, mas interessante trabalho, sobre as semelhenças das falas do limião e do barrosão assinado por David Casteleiro.

Descarga: http://www.agal-gz.org/modules.php?name=News&file=article&sid=2559

A plataforma juvenil da Límia Aguilhoar apoia a manifestaçom nacional em defesa das libertades e contra repressom para fazer frente à vaga repressiva do Estado espanhol contra o conjunto do movimento popular, e particularmente contra a juventude da esquerda independentista. A iniciativa impulsiona-se perante a evidente regressom a que estám submetidas durante os últimos anos as liberdades fundamentais mas também à vista do importante salto qualitativo que na dinámica da repressom supujo a detençom de dez independentistas, o assalto policial a domicílios e centros sociais e o encerramento de duas páginas web.

O vindouro domingo 18 de Dezembro, às 12.30 horas, partirá da Alameda compostelana umha manifestaçom nacional sob a legenda Em defesa dos nossos direitos. Paremos a repressom!!.
A mobilizaçom está convocada pola Plataforma Galega contra a repressom e respalda por mais de umha vintena de organizaçons e colectivos.

A plataforma juvenil limiá Aguilhoar vai realizar umha campanha de subscriçom na comarca da Límia ao jornal Novas da Galiza. O objectivo desta companha é dar a conhecer o projecto que representa este meio de comunicaçom alternativo e tentar assentar a sua presença no panorama mediático galego.
Iniciará-se este mês de Dezembro e finalizará quando se atingirem o número de subscriçons previstas pola organizaçom. Constará de vários pontos básicos que vam desde a subscriçons dos membros da associaçom aos locais de lazer de referência da Límia , sem esquecer as diferentes câmaras municipais , bibliotecas , Liceus e a Casa da Cultura de Ginzo.

Para maior informaçom contactar com a organizaçom ou Novas da Galiza www.novasgz.com

A associaçom Aguilhoar e o grupo local da Límia da AGAL , em colaboraçom com a Universidade de Vigo , organizam Curso de Língua Galego-Portuguesa de 30 horas no concelho de Vilar de Santos, para as férias do Natal , de 26 de Dezembro até 5 de Janeiro .
Ao remate do curso os alunos receberam um Crédito de livre configuraçom e um Diploma acreditativo legal para demostrar o conhecimento de iniciaçom ao umha língua comunitária (português).
As aulas som ministradas por Valentim R. Fagim de manhá (10.30-13.30) na Biblioteca municipal do concelho e inclui várias palestras.
Os interessados podem contactar com Aguilhoar (telf. 699428686) ou inscrever-se na Casa do Concelho de Vilar de Santos desde o 1 de Dezembro.

ACABA COM SUCESO I CURSO DE LÍNGUA EM VILAR DE SANTOS

Mais de umha dúzia de moças e moços acudirom com grande interesse ao Curso de Língua organizado pola associaçom Aguilhoar e o grupo local da AGAL na Límia em Vilar de Santos ministrado polos profesores J.M Barbosa e Valentim R. Fagim .

Estas moças e moços descobrirom e noutro caso assegurárom o seu pensamento de unidade galego-portuguesa comprendendo que as diferenças entre as duas línguas tinhem mais a ver com a castelhanizaçom do galego que com supostas “evoluçons de línguas irmás” como amiúde se nos diz.

Reconhecendo ao reintegracionismo como o razoável reingresso na comunidade lingüística à que realmente pertence o galego e mostrando o seu compromisso com o projecto que representa a AGAL.

A seguir reproduzimos a entrevista feita a tres das alunas do Curso , Aroa e Beatriz (esquerda e centro) de 15 anos estudantes no Liceu de Ginzo e Lara (direita) de 23 anos estudante de Relaçons Laborais na Universidade de Vigo.

Qual é o motivo polo que acudistes ao Curso , e como valorizades o mesmo?

-Aroa: O motivo fundamental polo que acudim ao Curso foi para melhorar o meu galego que até agora nom era mais do que castrapo e espero que vaia algo melhor ,he,he , e além disso, tentar recuperar a nossa língua como símbolo de identidade que é. Na verdade gostei imensa e espero voltar no próximo que se organize.

-Beatriz: Vim ao Curso de Língua de Vilar de Santos porque acho que é umha boa maneira de recuperar a nossa língua e evitar assim a sua despariçom entre aquelas pessoas que acreditamos no galego como língua nacional. Aliás, o Curso foi muito ameno com exercícios práticos e mesmo com música portuguesa.

-Lara: Conhecer a nossa língua como realmente é , o português da Galiza. Mas também acho que este tipo de cursos servem para recuperar o nosso idioma. Valorizo muito positivamente e penso que se deveriam fazer mais cursos como este ao longo do ano na comarca.

Tendes agora a mesma opiniom do galego que antes? Achades interessante o conhecimento da norma reintegrada?

-A: Na verdade tenho a mesma opiniom porque já era consciente de galego e português serem a mesma língua nom há mais que ir a Portugal e falar , embora na teórica tinha grande desconhecimento.

-B: Eu nom tenho a mesma opiniom que antes , já que achava que o galego era umha língua independete tanto do espanhol como do português e durante estes dias dim-me de conta da unidade lingüística galego-portugesa.
Vejo a norma reintegrada como a única capaz de garantir a supervivência do idioma e ogalha todos os galegos a seguissem.

-L: Na medida em que vas sabendo mais das raizes do galego és mais consciente da unidade com o português, e é evidente que a norma reintegrada insire-nos nele , portanto , o conhecimento dela nom só é interessante senom quase impresdincível para quem respeitar o nosso idioma.

Credes que ides usar a partir de agora a norma AGAL com nornalidade na vossa vida quotidiana?

-A: Isso é o que tentarei ,mas acho que vai ser difícil já que no Liceu de Ginzo nom som muito permisivos com a normativa, mas falar correctamente sim que o vou fazer apartir de agora.

-B: Tentarei mas tenho que conhecer melhor a norma para poder usá-la com normalidade ,assim que vou começar a estudar pola minha conta e apontar-me a outros cursos que haja por aqui.

-L: Na verdade sim que gostaria poder usá-la sempre mas creio que há muitos obstáculos e além disso ainda nom me encontro preparada.

No passado 5 de Dezembro decorreu em Vilar de Santos a juntança da Coordendora da plataforma juvenil limiá Aguilhoar . Às 17h00 os coordenadotes da associaçom marcaram as linhas de trabalho essenciais para o curso 2006 que seram apresentadas no Natal em assembleia sob a legenda “seguimos construindo o activismo limiao” a todos os associados e colaboradores , por volta de 25 moças e moços, com o objectivo fundamental de coesionar aos mesmos desde a sua pluralidade .Entre as actividades a realizarem nos próximos meses acordadas polos membros da Coordenadora , da que formam parte entre outros David Casteleiro e Ana Vila na Comissom de Língua e Cultura , o Coordenador Geral Borja Colmenero e o Vice-coodendor Rubém Colmenero ,todos eles sócios da AGAL-Límia , destaca a organizaçom das III Jornadas da Língua na Temporda das Letras, apresentaçom de um catálogo de reivindicaçons (autodeterministas e reintegracionistas) às diferentes câmaras municipais da Límia , a organizaçom de umhas Jornadas sobre a Repressom Franquista na comarca em homengem ao republicano limiao “Camilo Vila Camino” e mesmo o lançamento de umha página web .Além de reforçar a colaboraçom com a Associaçom Galega da Língua, com as associaçons reintegracionistas e locais sociais do País , nomeadamente a Esmorga de Ourense , assim como a colaboraçom com as diversas entidades patrióticas.

Sob a legenda “Umha naçom umha selecçom” a asscociaçom Aguilhoar em colaboraçom com os Siareir@s Gales@s organiza o I Torneio de Futebol Galego no campo da Moreira o passado 6 de Dezembro.
Ao Torneio acudirom por volta de umhas 40 pessoas o que foi umha autêntica festa patriótica de um novo desporto que visa assentar-se entra a mocidade com o objetivo de fomentar os desportos nacionais.

O torneio consistiu num triangular entre duas equipas da Límia, os moços de Vilar de Santos e os moços de Boado , e umha equipa de Ourense .

AVANTE O FUTEBOL GALEGO!!!
UMHA NAÇOM, UMHA SELECÇOM!!

Associaçom juvenil AGUILHOAR da comarca da Límia solidariza-se com os detidos

A Plataforma Juvenil Limiã AGUILHOAR quer manifestar:

Perante as detençons dos companheiros independentistas, os locais sociais assaltados , os domicílios registrados e páginas webs desactivadas,

Perante a montagem policial contra o independentismo galego, a vulneraçom das liberdades fundamentais de expressom e reuniom e o assalto a centros sociais de toda Galiza com o objetivo de criminalizaçom de todas as pessoas, colectivos e organizaçons independentistas,

Manifestamos neste momento a nossa solidariedade com os companheiros detidos , com a AMI e também com os centros sociais assaltados pola Guarda Civil.

Stop à repressom!!!
Liberdade aos detidos!!!
Viva Galiza livrel!

Límia , 16 de Novembro de 2005

A associaçom juvenil Aguilhoar impulsa a constituiçom na comarca da Límia da criaçom de Siareir@s Galeg@s-Límia com o objectivo de colaborar com este esperenzador projecto que procura actuar como interlocutor e representante dos siareiros organizados perante as selecçons nacionais galegas.
A primeira grande actividade será a convocatória de umha manifestaçom antes do jogo entre Galiza e Uruguai o próximo dia 29 de Dezembro sob a legenda “Umha Naçom, Umha Selecçom”.
Na altura quase vinte moços fam parte do grupo local de Siareir@s Galeg@s na Límia que projectam realizar actividades na comarca a favor de verdadeiras selecçons nacionais.

Para contactar com Siareir@s Galeg@s –Límia limia@sireirosgalegos.org
Para mais informaçom www.siareirosgalegos.org

UMHA NAÇOM, UMHA SELECÇOM!!
VIVA GALIZA LIVRE!!

Sábado , dia 29 de Outubro teve lugar no Salom de Actos do Concelho de Vilar de Santos o lançamento do livro “O País na Janela.Três Anos de independência informativa”, juntamente com a apresentaçom pública na Límia do jornal Novas da Galiza.

O acto, organizado pola associaçom juvenil Aguilhoar e o jornal Novas da Galiza, contou com a assistência de Antom Santos do Conselho de Redacçom do jornal e foi apresentado por Borja Colmenero , Coordenador de Aguilhoar.

Um nutrido grupo de pessoas, maiormente moças e moços, assistírom à palestra , na conferência, o membro do conselho de redacçom do periódico Novas da Galiza, realizou um repasso sobre a breve história deste projecto de comunicaçom alternativo e expujo os reptos imediatos que Novas da Galiza se coloca para assentar a sua presença no panorama mediático galego. O encontro serviu aliás para promocionar o livro 'O país na janela. Três anos de independência informativa', recompilatório dos melhores conteúdos do Novas acompanhado com artigos de opiniom de penas colaboradoras.

A palestra, que foi seguida por um animado debate, demonstrou a vitalidade do activismo reintegracionista limião e serviu para afiançar laços entre este e o tecido auto-organizado que trabalha no ámbito nacional.

Aguilhoar é umha plataforma sócio-cultural, se bem que também comprometida politicamente na defesa do país; nascida em Março de 2005 e que aposta na colocaçom da nossa língua no local que lhe é próprio, a lusofonia. De realçar, o facto da nossa comarca confinar com Portugal, daí que para nós sejam fulcrais, os relacionamentos do aquém com o além-Minho.

Acreditamos no soberanismo político, como ferramenta para a descolonizaçom efectiva da nossa naçom, para isso tornasse muito necessário abalar as consciências clientelares que têm retardado o progresso do país. As contradições internas que inserem à Galiza na periferia europeia, só som ultrapassáveis sempre e quando assumamos, a insolidariedade intrínseca do capital.

Para avançarmos nesse caminho, trabalhamos nestes momentos para abrir um Centro Social na comarca que permita desenvolver e dinamizar o movimento social e cultural limião. Servindo como ponto de encontro de pessoas e organizações sociais com compromisso com a cultura, os valores solidários e os direitos históricos da Galiza, actuando como um grande guarda-chuvas contra a espanholizaçom da nossa cultura e o nosso lazer.

Este Centro Social tentará, portanto, ser um espaço de convívio e socializaçom do projecto que representa o reintegracionismo e o soberanismo no nosso país e somar-se-á a outros Centros Socias que nos últimos tempos tenhem aberto em diferentes cidades e vilas.

Um Centro Social que virá a contar com os seguintes serviços e instalações;

a.-Um café-bar , cujos benefícios irám destinados à reinversom na própria associaçom , financiando as actividades e infra-estrutura do local.

b.-Umha sala de actividades destinada à realizaçom das actividades ,tanto promovidas pola própria associaçom ,como realizadas por parte de outros colectivos ou associações que assim o solicitem.

c.-Umha mediateca , que contará com materiais galegos e do resto da lusofonia , bem sejam livros ,música , filmes,etc que estará à livre disposiçom dos sócios.

d.-Umha loja , onde se distribuirá diverso material (camisolas, livros, cd´s , jornais…) da associaçom e de outras organizações e colectivos , e simbologia nacional cujos benefícios serám também destinados à reinversom na associaçom.

Contacto: aguilhoar@hotmail.com