Vários membros da associaçom Aguilhoar da Límia estiverom presentes no I Festival da Língua "Em Movimento" em Oleiros , projecto criado e lançado polo Movimento Defesa da Língua, Associaçom Galega da Língua ,o jornal Novas da Galiza e a Coordenadora Galega de Centros Sociais.

Concertos , conferências ,teatro, poesia e actividades para crianças derom-se lugar neste festival de defesa da língua no que os responsáveis pola associaçom Aguilhoar participarom activamente, colaborando inclusso no encontro de rádios livres no que fôrom entrevistados sobre as actividades que estavam a decorrer , da situaçom da comarca limiá , do funcionamento da associaçom e dos projectos de futuro.

Aliás, o festival serviu como encontro das diferentes associaçons e colectivos reintegracionistas do país , no que se intercambiarom experiências e se estabelecerom colaboraçons de âmbito nacional, rompendo o permanente localismo que caracteriza alguns destes colectivos , que como no nosso caso , tanto por desconhecimento como por desinterese, estávamos isolados e , porém, partilhamos umha mesma visson do país.

Aguilhoar solidariza-se com o Centro Social d'A Esmorga (Ourense) que vem de ser precintado pola polícia local a sexta-feira 12 de Maio, por ordem de Aurelio Gómez Villar, vereador de Comércio da câmara municipal de Ourense.

A razom alegada por esta é o incumplimento das normativas municipais relativas ao espaço físico do local, normativa que nom se aplica a outros locais de ámbito associativo, mas que neste caso é um pretexto para acabar com umha iniciativa sócio-cultural que lhes resulta molesta demais.

As actividades convocadas pol'A Esmorga mantenhem os seus horários, mas vam ser realizadas noutros espaços, mesmo na rua se for preciso.

Assim, desde a Límia todo o nosso apoio para luitar contra o fascismo.
Avante a Esmorga!!

Nom nos calarám!!

aesmorga@agal-gz.org