O próximo dia 18 de Agosto celebrará-se a Iª Ediçom do Festival da Mocidade em Vilar de Santos, na comarca da Límia , como um projecto ideado pola associaçom Aguilhoar e que conta com a ajuda e colaboraçom da Associaçom Galega da Língua.
Partindo da nova etapa aberta com o encontro de Mourilhe do ano passado no que participarom galegos e portugueses e que foi qualificado como umha data histórica na que “o reintegracionismo está a passar da virtualidade à realidade”, em palavras do Presidente da AGAL e seguindo esse espítito, este festival é considerado polos organizadores como um novo ponto de encontro da mocidade tanto galega quanto portuguesa, pola situaçom estratégica da comarca, que permita reforçar o compromisso e estabelecer relacionamentos estáveis entre a juventude das duas beiras do Minho.

O programa de actos compreende jogos populares, teatro em rua, um recital de poesia, como acto na comarca de 25 Aniversário da AGAL, umha ceia popular com churrasco, foliada, concertos e muito mais. Conta também com umha zona de campismo com duches para aqueles que quigerem passar a noite.

FESTIVAL DA MOCIDADE

18 de Agosto 2006, Vilar de Santos

PROGRAMA DE ACTOS

17h00 - JOGOS POPULARES .

19h00 - TEATRO EM RUA “As Esmorganas”

20h30 - ACTO 25 ANIVERSÁRIO DA AGAL. Recital de Poesia

22h00 - CEIA POPULAR

23h30 - CONCERTOS

* GHRESKA (Punk )
* A VAGA BANDA (Reaggae)
* ZUMBIDO (Punk experimental)