A associaçom Aguilhoar promoveu o primeiro BANDO DA MOCIDADE DA LÍMIA coincidindo com as férias da “Ponte da Constituiçom”. Nele, sob a legenda “Constituiçom Nom, Autodeterminaçom”, os moços e moças organizados em Aguilhoar manifestam a sua oposiçom à Constituiçom espanhola constatando a negativa a reconhecer o direito democrático de autodeterminaçom ao povo galego, e comprovada a inutilidade do Estatuto de Autonomia, reclamam à Câmara Municipal de Ginzo de Límia que debata e aprove umha moçom municipal em defesa da autodeterminaçom que implique a abertura do respectivo processo constituinte galego.