A passada quinta-feira, 11 de Outubro, Dia da Galiza Combatente moças e moços do Centro Social Aguilhoar colárom por toda a vila de Ginzo o segundo Bando da Mocidade, após o sucesso do primeiro deles lá polo 6 de dezembro do ano passado. Nele a mocidade independentista da comarca pede ao concelho a cancelaçom do Dia da Hispanidade e a adesom aos actos do Dia da Galiza Combatente voltados para as luitas em defesa do monte em mao comum cujo acto central se desenvolveu em Maçaricos (Costa da Morte) o sábado 13.

Ao dia seguinte, na sexta-feira, teve lugar no próprio Centro Social Aguilhoar a projecçom do documentário “O monte é nosso” no qual se analisam umha série de agressons contra a propriedade comunal na Galiza que explicam em boa medida a situaçom actual de abandono do monte galego, o uso abusivo da reflorestaçom e as brutais vagas de fogos bem como o desapreço cada vez mais generalizado polo monte .À projecçom assistírom um nutrido grupo de moç@s que umha vez finalizada debatérom largamente por volta da questom, centrando as linhas de debate na defesa do nosso meio, ligando as luitas dos montes em mao comum com as actuais apropriações do monte com centos de eólicos por todo o País. Também se destacou a propRiedade comunal e a sua gestom como umha característica genuína do nosso povo e como umha verdadeira experiência de democracia directa através de assembleias populares.

Já pola noite várias moças e moços da comarca colocárom, ao igual que noutros pontos do país, WC's com a fotografia dos Bourbons e na qual se podia ler “mija por eles e di-lhes que chove”, na principal rua de Ginzo (na zona dos vinhos) para deixar bem claro que a mocidade mais ciente da nossa comarca também nom queremos a monarquia espanhola.