Sai do prelo o Manual de Galego de Língua e Estilo (que vem com CD incluido) da autoria de Maurício Castro Lopes, Beatriz Peres Bieites e Eduardo Sanches Maragoto, em cuja ediçom participa a nossa associaçom. Lembramos que o manual poderá ser conseguido no nosso Centro Social.

Trata-se de umha nova obra editorial importante para todos e todas as que escrevemos conforme as normas do galego histórico ou reintegracionista.Um volume de 495 páginas acompanhado de um CD com o processador de texto Open Office e o verificador ortográfico para galego-português.

O livro é mais do que um completo método para aprendermos a escrever correctamente na nossa língua. Inclui, além disso, aspectos relativos aos usos dos diferentes sinais tipográficos, extensos vocabulários trilíngües galego-espanhol-inglês, umha completa lista de falsas semelhanças entre galego e espanhol, conselhos para evitar um uso sexista da linguagem, topónimos e gentílicos de todos os concelhos e comarcas da Galiza e de numerosos países, acidentes geográficos, erros freqüentes no galego escrito, etc.