Sob a "ressaca" da manifestaçom nacional do 17 presente no ambiente, decorreu este pasado sábado 23, a primeira jornada da língua impulsionada pola Aguilhoar, lembremos, no entanto que tanto Covelo quanto Já participaram de duas jornadas precedentes.

A jornada, decorreu com duas partes bem diferenciadas, pola tarde a visualizaçom do ilustrativo documentário "Línguas Cruzadas", cujo labor pedagógico tem impactado mais do que anos e anos de pseudonormalizaçom linguística, à volta do documentário, convergem isolacionistas e reintegracionistas, galegofalantes de toda a vida e neofalantes, castelhanofalantes cientes da problemátuca linguística e passivos, galegofalantes tamém passivos e estrangeiros naturalizados e comprometidos com o idioma, porfim, um vasto leque de opiniões por volta do que lhe acontece à nossa língua, deixando-se ver os complexos que ainda enfrenta o idioma.

A parte festiva, correu da mao dos estradenses, Os Esquios, punk galaico-festivo com intenções de fazer dançar o pessoal à volta das suas músicas, precedido de um lanche colectivo com salada de pasta e carnes ao forno.

Da Aguilhoar agradecemos a generosidade da banda d'A Estrada e o pessoal que se achegou ao nosso local

Vídeo da actuaçom
http://www.youtube.com/watch?v=ymme9VAoNZM

Embora os ataques que por parte da nova Junta e organizações extremistas e residuais se estám a perpetrar contra a nossa língua, a cidadania galega respondeu em chave de grande mobilizaçom contra a galegofobia

30 mil, 40 mil, 50 mil, mais de 50 mil?? Tanto fai, a ideia era só umha, passar à defesa do idioma sem qualquer hesitaçom. A Alameda superlotava por volta das 11:30 da manhá deste domingo e porém, ainda restava gente e gente por vir, a manifestaçom ainda demoraria até às 12:30, sendo que quando já a Quintá ateigava, ainda nom saira parte da comitiva entre elas "Galego Sempre Mais", que reune vari@s centros sociais e colectivos do país, além da AGAL e o MDL.

Na Quintá A MESA e diversos colectivos expunham por partida dobre o seu manifesto(duas vezes se encheu a praza compostelá) a mao-cheia de gente explicitava a juíço de Avelino Pousa Antelo que o galego tinha o futuro ganho.

Num Toral a rebentar chegava a comitiva de Galego Sempre Mais, cujas palavras-de-ordem giravam por volta do necessário monolinguísmo social e o combate directo da espanholizaçom.

Da Aguilhoar parabenizamo-nos pola digna demonstraçom de apoio à nossa língua numha Compostela onde nem a chuva quixo faltar à cita.

O próximo sábado día 23 de Maio decorrerá no Centro Social da Aguilhaoar unha xornada da língua coa colaboración dos alunos do I.E.S Lagoa de Antela de Xinzo de Limia, na cal se analisará coas raparigas e rapazes que acodan a situación do galego entre a mocidade, cais son as expectativas de futuro e como enfrentar un proceso mesmo de regaleguización. Tamén haberá tempo para a comida e para a festa coa actuación do grupo os Esquios.

18H30 Proxección do documentario:
‘LINGUAS CRUZADAS’

19H30 Charla-coloquio:
“A situacion do galego na mocidade”

20H00 Acto a carrego da mocidade
estudantil da Limia

21H00 Cea para os asistentes

22H30 Concerto:
‘ESQUIOS’

http://www.myspace.com/esquios

Dizemo-lo o passado ano e dizemo-lo este, cumpre é deixar cerimoniais de um só dia em que hipócritas intenções se revelem ermas. Da Aguilhoar apostamos no nosso idioma, 365 dias ao ano, mil primaveras e mais se as houver

Contodo, este 17 de Maio, reune-nos a tod@s (juntos e nom misturados) para enfrentar o maior ataque ao galego já perpetrado em décadas, acovilhado como tem estado o movimento normalizador sob as receitas públicas, defensivo até a mornura petulante durante os tempos do bipartido, cumpre é ganhar a batalha da rua, para que o extremismo exterminador de grupos aos que lhes omitimos a publicidade de nomeá-los, fiquem sem qualquer hipótese de sucesso.

Partimos de umha realidade, pessoeiros da nova Junta, como o conselheiro da Presidência participárom (a título pessoal, advertem grosseiramente) da manifestaçom contra o galego do 8 de Fevereiro, portanto, a desvergonha é manifesta, mostra-se-nos, já se nom escuda no âmbito familiar, esse arrebato de sinceridade leva a vermos como parte dos novos conselheiros, nom se importam em empregar a língua alheia, recusando-se de empregarem a língua que nos define como povo. Sim que nos define, e que sobreviveu quantos ataques lhe fôrom encaminhados, mas que está a ponto de abafar pois até na etapa educativa parece estorvar a língua rosaliana.

Perante os factos demostrados, queremos da Aguilhoar, nom dar nengum passo atrás na defesa do galego, polo monolinguísmo social, sem portagens o 17 de Maio e todos os dias.

Gerardo Conde Roa (PP) assi se chama o político extremista que bufa contra as alternativas populares e galegas exprimidas na sociedade compostelá, leia-se a Gentalha, ou a sala NASA.

A Aguilhoar quer amosar a sua total solidariedade com a Gentalha, estudamos na medida das nossas possibilidades achegar a ajuda económica que precisarem @s companheir@s da Gentalha; a seguir reproduzimos na íntegra o comunicado d@s companheiros:

Muitos de vós conhecedes a campanha que político radical santiaguês Gerardo Conde Roa empredeo desde há tempo contra o Centro Social A Gentalha do Pichel, o C.S. Henriqueta Outeiro e a Sala . o Nasa. A gente da sua caste nom suporta a existência de espaços de liberdade onde promocionar a cultura do nosso páis, onde organizar movimentos activos na sua defessa, espaços de comunicaçom e debate entre ideias e projectos de contruçom nacional. Nom suportam em geral os projectos que nom estám sob o seu controle.

As suas pressons, apoiados polos grupos mediáticos do extremismo espanhol na Galiza (COPE, ABC, El Correo Gallego, El Mundo...) e enfrontados com um nada reticente governo municipal do PSOE e o BNG acadarom um novo ponto de tensom: umha orde de encerramento cautelar do local da Gentalha do Pichelque conta desde há anos com licença, pendente duns arreglos no local que ano tras anos pagamos os sócios com as nossas achegas. Qualquer outro local da cidade (centos deles, inclusive a própria sede do Partido Popular na cidade) seguiria aberto, a vista da realizaçom dessas obras, mas a convivência dos três partidos (uns por acçom outros por inacçom) na cámara municipal por destruirem todos os projectos que lhe som molestos precipitarom os feitos até o ponto que num mês o Centro Social terá que fechar as suas portas. Isso nom rematará com nós, mais porá novas dificultades no caminho do nosso projecto, que durante 5 anos ofereceu aos vizinhos de Santiago e de toda a Galiza actividades, cursos de formaçom, festas e foliadas e sobretodo um lugar onde criar e desenvolver ideias e trabalhos para umha Galiza livre e universal.

Mas temos um praço para soluciarmos este derradeiro problema, e que este encerramento seja só temporal e nom se converta numha briga eterna nos tribunais espanhois. O único que por instalar é um salva-escadas para pessoas com problemas de movilidade. De feito o projecto já está encarregado e os instaladores venhem de caminho, numha semana começaram o seu trabalho. Por desgraça nós nom temos jeito de salvar esse último chanço económico: 10.000 € de obra, e a metade como adiante em menos de três dias.

Por isso esta campanha apresurada. . Ainda que resulte molesto e vergonhento, precisamos da colaboraçom económica de todas as pessoas possíveis para acadar essa cifra num praço tam pequeno. Já estám à venda os bonos de ajuda na Gentalha e existe um número de conta de Caixa Galicia para quem prefira esse método: 2091 0316 92 3000223595. Toda ajuda é importante, e teredes o nosso agredecimento.

Lembrade. manter aberta a Gentalha custa 10.000 €, calar a boca a Conde Roa nom tem preço.

Logo após da manifestaçom contra o galego que o colectivo extremista Galicia Bilingüe veio a protagonizar, junto a partidos como a Falange Auténtica ou UPyD e pessoeiros como o novo conselheiro da Presidência, Alfonso Rueda, a polícia espanhola continua a ter no ponto de mira o movimento normalizador do nosso idioma

Conforme informa Ceivar aliás dos 11 detidos imediato à jornada de 8 de Fevereiro - lembremos a data em que se encenou a primeira manifestaçom contra o galego que já tivo lugar no nosso país - 6 pessoas mais teriam sido chamadas a prestar declaraçom em 17 de Junho.

Para isso, as forças policiais, nom duvidarom em chequear informações relativamente a páginas webs, demonstrando que espionagem pode mesmo ser mais umha perigosa arma para acusar pessoas sem qualquer base.

Entretanto, os ataques ao galego continuam desde o novo governo, Feijóo, vem de "garantir" a liberdade de os conselheiros à hora de empregarem as "dúas línguas" do nosso país.

Com efeito, a questom idiomática vai muito além da simples derogaçom do Decreto, esperam tempos escuros, mas estamos a tempo de atalhar os ataques à língua e ao movimento normalizador.