Ao igual que outros centros sociais do país, bares e todo tipo de lojas comerciais sensibilizadas com a situaçom da nossa língua, o Centro Social Aguilhoar conta para o desfrute de sócios/as e simpatizantes com a Galicola, projecto posto em andamento pola Associaçom Cultural Fontaira, que destinará o 5% dos benefícios para a promoçom do galego através do Concurso Ângelo Casal.

Mais informaçom www.galicola.org

SABOR PARA A TUA LÍNGUA!!
NA GALIZA EM GALEGO!!

Aguilhoar congratula-se da confluência da plataforma reintegracionista Galego Sempre Mais e o colectivo que nasce sob o manifesto dos Três Pontos, num mesmo bloco crítico e alternativo ao formado por Queremos Galego.

Assim, da Aguilhoar aderimos ao Manifesto dos Três Pontos por entendermos que resume a nossa posiçom na defesa do idioma, além da nossa prática normativa:

MANIFESTO DOS TRÊS PONTOS

Os cidadáns e as cidadás da Galiza saímos à rua para defendermos a
Língua Galega dum processo histórico de substituiçom que colhe folgos
da mao das políticas institucionais dos inimigos do galego. Ante os
ataques que pretendem consumar o extermínio da Língua unimos forças
por volta de três reivindicaçons:

Um país socialmente monolíngüe em Galego em que cidadáns e cidadás escolham livremente o domínio e uso de outros idiomas. Recusamos o bilingüísmo harmónico por ser a farsa que permite com aparências democráticas a substituiçom do Galego polo espanhol, à vez que oculta um conflito como o lingüístico na retórica das liberdades individuais, quando este só pode ter soluçons sociais e colectivas.

A reactivaçom da acçom normalizadora de base em todas as
frentes sociais. Se a supervivência da língua é fruto da vontade política do povo que a fala, esta máxima tem ainda mais vigência sob instituiçons indiferentes ou contrárias à normalizaçom que tolerárom a sua minorizaçom social nestes 30 anos de Autonomia.

Um novo quadro legal superador da desigualdade jurídica existente entre Galego e espanhol que garanta a hegemonia social da língua do País num futuro nom lonjano. A defesa dos elementos de discriminaçom positiva existentes na legislaçom actual nom é o teito das nossas reivindicaçons.

Na Galiza, em 18 de Outubro de 2009

Manifestaçom nacional, convocada por diferentes colectivos, em defesa da língua galega em Compostela o próximo dia 18 de outubro, às 12 horas, na Alameda.

A Plataforma Queremos Galego, integrada por diversas entidades como a Mesa pola Normalización Lingüística, chama a se participar a «essa imensa maioria de galegas e galegos que querem o seu idioma, que o consideram um dos nossos mais valiosos patrimónios e sinais colectivos, por cima de afiliaçons ou mesmo da língua que empreguem para comunicar-se no dia a dia».

À protesta somam-se também dous sectores crítcos, como a plataforma reintegracionista "Galego, Sempre Mais" sob a legenda "Contra o bilingüismo. Pola hegemonia social do galego" cujo objectivo é que a língua da Galiza se torne no referente lingüístico por excelência da sociedade galega.

Para além deste bloco, e à espera de se concretar a sua possível unificaçom com este bloco reintegracionista, está a se gestar um segundo bloco alternativo cujas chaves giram arredor da defesa do monolingüísmo como alternativa de futuro, a oposiçom ao marco jurídico e legal actual e a reivindicaçom do papel central que deve ter a sociedade auto-organizada na defesa e promoçom do nosso idioma nacional, deixando à margem o debate normativo.

Assim, da Aguilhoar encorajamos a todas e todos, nomeadamente às e aos limaos, a participarem o próximo domingo na manifestaçom para defermos o futuro do nosso idioma.

NA GALIZA EM GALEGO!!
BILINGUISMO É ESPANHOLISMO!!

Conforme comunicou no dia de ontem o organismo popular anti-repressivo Ceivar, os independentistas Santiago Vigo e Jose M. Sanches sairom em liberdade após quase dous anos de prisom.

Da Aguilhoar nom podemos mais que dar-lhe as Boas-Vindas aos patriotas galegos Santi e Jose, e seguir luitando por umha Galiza ceive e socialista.

DEFENDER A TERRA NOM É DELITO!!!