Eis os ingredientes do magosto popular celebrado na Aguilhoar o passado sábado 14 de Novembro, cuja celebraçom juntou a um nutrido grupo de moças e moços.

Por volta das 19h00 começava a cegar o pessoal ao centro social para assistir à palestra ministrada por Xiana Gomes, militante independentista e ex – presa política, que falou sobre a sua experiência no cárcere, tanto como pessoa humana privada de liberdade quanto militante política, respondendo a cada umha das perguntas do pessoal assistente.

Ao remate da palestra, começarom a assarem-se os chouriços, que acompanhados do pam e o vinho, e de sobremesa castanhas, gostarom e muito. Enquanto, entre bocado e bocado o pessoal falava, de língua, história, independentismo… e mesmo alguns repetiram, no chouriço,é claro. O local da Aguilhoar ia-se lotando para o aguardado recitado, com a actuaçom de José Manuel Barbosa e Artur Alonso do Clube dos Poetas Vivos, e mais a actuaçom de dous limaos, o já conhecido e reconhecido jovem poeta Xabier Xil e Ana BanAna, que debutava na Aguilhoar com umha emotiva actuaçom com acompanhamento musical.

Após o recitado, com intercâmbio de temas como a situaçom da língua, caída do muro de Berlim, o machismo ou o amor, com um público entregado umha queimada com interpretaçom do Conjuro puxo-lhe fim à segunda ediçom do magosto popular organizado pola Aguilhoar. Obrigad@ a tod@s por assistir.