O Apalpador vistou Ginzo de Límia apesares do vento, chuva e mais o frio que nestas datas nos está deixando o inverno. Foi no local da Ludoteca de Ginzo, e nom na praça Maior por causa do tempo, onde o Apalpador vistou a um grupo de nenos e nenas que muito contentes desfrutarom da companhia do Apalpador quem, aliás, agasalhou às e aos meninhos com castanhas,caramelos e outros presentes.

UMHA NAÇOM, UMHA SELEÇOM!!

A próxima segunda feira dia 28, chega o Apalpador, o mágico carvoeiro vindo desde as montanhas do Courel, à praça Maior de Ginzo de Límia, sob o patrocínio do Centro Social Aguilhoar e a Ludoteca de Ginzo em colaboraçom con os colégios “Rosalia de Castro” e “Sergio Mascareñas”.

O acto decorrerá a partir das 18h00 e animamos a todas e todos nenos da comarca a esperar o Apalpador, que repartirá a todas e todos os presentes castanhas e outros presentes, acompanhado de música de gaitas. Haverá também jogos populares e mais um passaruas polo bairro velho da vila.

QUE NENGUM MIÚDO FIQUE SEM APALPADOR!!

Relacionada
http://agal-gz.org/blogues/index.php/aguilhoar/2008/12/11/o-apalpador-chega-a-limia-abramos-lhe-as

Do C.S. Aguilhoar estamos preparando umha intensa campanha de publicitaçom dos actos organizados por Siareir@s Galeg@s, bem como umha viagem em AUTOCARRO para todos e todas aquelas que quigerem acudir o sábado 26 de dezembro às ruas de Compostela.

Programa, Sábado, 26 de Dezembro
“Selecçons nacionais. Direito popular”

- 17h00 sairá do passeio da Alameda umha manifestaçom sob a legenda “Selecçons nacionais. Direito popular” que percorrerá as diferentes ruas da cidade de Compostela com final no campo de Santa Isabel.

- 19h00 Jogo da Galiza.

- 21h30, e com máxima pontualidade, concerto na Sala Capitol:

MACHINA
MENCER VERMELHO
HABEAS CORPUS

Rogamos a todos e todas as interessadas em acodir no AUTOCARRO que disponibilizará a Aguilhoar, com saída às 15h00 de Ginzo e volta ao remate dos concertos, 04h00, a avisar no centro social ou no correio aguilhoar@hotmail.com.

Aliás, pomos à disposiçom no centro social os cartons oficiais do 2010 para associar-se a Siareir@s Galeg@s por umha única quota anual de 5 € e assim colaborar com as actividades, bem como os bilhetes dos concertos que terám lugar na Sala Capitol a um custe de 8 €.

Da Aguilhoar fazemos um chamamento aos e às galegas a passar umha jornada reivindicativa e festiva, participando das diferentes actividades.

UMHA NAÇOM, UMHA SELEÇOM!!

O passado sábado, 5 de dezembro, no marco das actividades organizadas por CAUSA GALIZA, celebrava-se na capital limiá um acto reivindicativo pola autodeterminaçom, que devido a intensa chuva caida na tarde-noite tivo que suspender o passa-ruas anunciado, mas aínda, contra vento e maré, perto de umha vintena de jovens concentrarom-se frente à praça Maior e a Estrada Geral de Ginzo de Límia, por volta das 20h30, reivindicando o direito de livre determinaçom e a nom participaçom da farsa que supom a Constituiçom Espanhola, até que se apresentou a Guardia Civil, que sob o pretexto de “alteraçom do ordem público”, identificou a todos e todas as participantes e mesmo intimidando a alguns dos alí concentrados, mais umha vez o instituto armado espanhol demonstra-nos como se garante a ordem vigente e a Constituiçom, mesmo por cima de direitos humanos tam básicos como a liberdade de expresom ou manifestaçom, que teóricamente reconhece a “carta magna”.

Assím, de termos algo que celebrar no 6 de Dezembro será o Día das Matanças do porco, que nestas datas, nomeadamente na “ponte de dezembro” muitos vizinhos e vizinhas da comarca aproveitam para encher as dispensas e ter comida para todo o ano, pois o porco era, e é ainda em boa medida, sustento fundamental na alimentaçom no rural galego.

6 DE DEZEMBRO: DIA DA MATANÇA!!
AUTODETERMINAÇOM!!!
STOP REPRESSOM!!