Da Aguilhoar fazemo-nos eco do manifesto que se está difundir entre os limiaos e limiás a respeito das actuaçons da Guarda Civil nos últimos messes. Encorajamos a todas e todos a assinar e difundir este manifesto e a berrar bem forte GUARDA CIVIL FORA DA GALIZA!!!!

MANIFESTO CONTRA O ABUSO POLICIAL

A vizinhança da comarca da Límia e nomeadamente de Ginzo, vimos sofrendo continuados abusos contra a liberdade de expressom, de reuniom e circulaçom, atingindo mesmo ao direito a um devido processo por parte da Guarda Civil.

Violência verbal, pressões, identificações arbitrárias, aplicaçom selectiva da lei, procedimentos policiais indevidos e por via de regra, todo o tipo de actos abusivos cometidos polos agentes do instituto armado exercendo as “suas” funções contra a povoaçom limiá, enquadrados numha campanha intimidatória que ultrapassa os límites da liberdade de expresión.

Continuas sanções contra a hostalaria local, eixo básico da maltreita economia limiá, que vam do feche de locais, presença avultada de membros do corpo, registos, cacheios desnecessários, chamadas à ordem a sanções por alteración da orden pública, eis a metodologia empregue pola Guarda Civil nos últimos meses.

Ante esta situaçom, os abaixo-assinantes achamos:

• Grosseiras e desproporcionadas estas actuacións.

• Que após reiteradas tentativas de soluom ante a cámara municipal e o próprio responsável da Guarda Civil. Sentimo-nos ultrajados e marginados polas distintas administrações.

• O silêncio administrativo parece legitimar o abuso sistemático.

• Que TOD@S visamos viver num mundo onde as regras do civismo e a tolerância, imperem por cima de qualquer umha outra consideraçom, mas isso inclui saber interpretar a proporcionalidade entre o imperio da lei e a defensa dos intereses particulares.

• Que havida conta da surdeira institucional, entendemos o protesto social como mecanismo fundamental para o exercício dos nossos direitos em democracia.

É por isso que pedimos o apoio de toda a cidadania da comarca da Límia de modo a pararmos esta insuportável situaçom que nem só está a provocar importantes perdas económicas aos estabelecimentos e locais de lecer, mas tamém umha limitaçom dos mais elementais dereitos individuais.

Basta já de abusos policiais!!!

Assina no correio manifestocontraoabusopolicial@hotmail.es

Sob a ressaca do Fareleiro, festejo que inicia o ciclo do entroido na capital comarcal limiá, tivemos conhecimento de mais umha falcatruada perpetrada pola guarda civil, multa a dous cidadaos e apercebimento a um dos locais hosteleiros da vila.

A tensom é latente; conforme pudemos comprovar da Aguilhoar as conversas sucedem-se entorno ao protagonismo arrogante da guarda civil que colhe novos fôlegos com a chegada do Entroido.

Os apelos protagonizados mesmo desde a Câmara, até agora comprazente com as actuações policias, para que amainassem as actuações do corpo armado espanhol, estám pendentes de revisom pola conselharia da presidência da Junta, a qual é responsável pola regulaçom dos horários de feche em locais públicos. Entretanto, discorrem pola vila informações várias (a guarda civil nom se caracteriza pola sua transparência informativa) sobre a disposiçom a retaliar qualquer descontrolo mesmo com a presença de antidistúrbios. .

Por seu lado, parece confirmado o feche de locais (pubs) para as 3:00 horas e cafetarias para as 0:00 na cada vez mais concorrida data da sexta (venres) de Entroido. Nesta altura ainda se negocia a flexibilidade horária.

Polícias locais sancionados

Precisamente a cumplicidade de dous polícias locais com os estabelecimentos nocturnos ao darem o "chivatazo" da presença da guarda civil, foi motivo de sançom pola câmara municipal, o que fixo com que mais um colectivo se visse ultrajado e molesto com a actual situaçom, que inclui esperpênticas indicações como a obriga de as carroças do entroido levarem cinto em todo o momento.

Colantes e cartazes repudiando o abuso policial.

Umha amostra da rejeiçom cara os "jeitos" do corpo armado espanhol foi manifesto através do aprecimento de colantes e cartazes nas principais ruas da vila, sob a legenda "stop abuso policial".

À espera de maiores desenvolvimentos, da Aguilhoar queremos amostrar a nossa solidariedade com os afectados e denunciar firmemente a atitude reacionária e despótica dos uniformados espanhóis.

Notícia da Televisom de Galiza na que fai eco do mal-estar no começo do entroido em Ginzo.- http://agalegainfo.crtvg.es/videos/?emi=9406&corte=2010-01-24&hora=21:08:32&canle=tvg1

NA GALIZA EM GALEGO!!
POR UM ENSINO GALEGO!!

A seguir reproduzimos na íntegra a notícia recolhida polo jornal digital Vieiros:

O sindicato asegura que se están a ocultar prazas ocupadas por interinos nun proceso que terá lugar este xoves 21.

As afirmacións do presidente da Xunta de que as prácticas caciquís quedaron desterradas parecen non seren certas. Unha praza de enxeñeiro técnico agrícola en Xinzo de Limia está a ser ocupada por un concelleiro do PPdeG en Barbadás, roubándolle a posibilidade de acceder a esta praza a persoas opositoras, segundo denunciou a CIG.

O sindicato afirma que estes feitos indican que o Goberno segue a beneficiar os seus cargos públicos en detrimento da xente que gañou o seu posto de traballo nunha oposición, nun exercicio "inaceptábel do nepotismo máis rancio" e considera grave que se premie unha persoa interina por riba dos dereitos das persoas funcionarias de carreira.

É máis, a CIG asegura que o 21 de xaneiro se van producir máis irregularidades, pois non se ofertarán todas as prazas ocupadas por interinos, no que considera "un intento burdo de ocultar prazas e beneficiar a persoas non sabemos en base a que criterios". CIG Autonómica exíxelle á Dirección Xeral da Función Pública que anule a elección de destino desta quinta feira e que oferte todas as prazas vacantes sen ocultalas de xeito espurio co obxectivo de beneficiar, como neste caso, un concelleiro do PPdeG.

Segundo informou o organismo anti-repressivo Ceivar, na passada quinta-feira fôrom detidos dous independentistas galegos quando circulavam pola paróquia de Salcedo em direcçom Ponte Vedra. Asseguram os agentes da polícia espanhola que no interior do veículo no que viajavam se encontrou “um artefacto explosivo de características similares aos utilizados em anteriores atentados por independentistas galegos”.

Os dous independentistas fôrom conduzidos a Madrid e postos a disposiçom judiciária perante a "Audiencia Nacional" e posteriormente fôrom encarcerados no Centro Penitenciário de Soto del Real e mais no Centro de Menores Los Rosales de Carabanchel.

Da Aguilhoar solidarizamo-nos com os dous moços galegos e com os seus familiares e amigos e exigimos a sua volta a Terra.

DEFENDER A TERRA NOM É DELITO!!
OSCAR, XURXO, UGIO LIBERDADE!!

que o triunvirato (PP, PSdG, BNG) do parlamentinho venhem parecendo-se cada vez mais, já o sabemos, mas por vezes nom deixam de nos surpreender e se nom, leiam o que hoje resgatamos do panfleto de Fernández Latorre:

http://www.lavozdegalicia.es/galicia/2010/01/13/0003_8223859.htm

O Instituto Armado espanhol que vem de ser presenteado com um novo prédio com todos os equipamentos está a levar a termo umha campanha intimidatória que ultrapassa os lindes da liberdade de expressão

Logo após a mudanças na chefia da casa-quartel a presença do corpo armado espanhol tem sido multiplicado sob a conivência da subdelegação do governo espanhol e o concelho de Ginzo, ao mal-estar exprimido pola Hostalaria local, devido às contínuas sanções, acrescenta-se a indignação pola metodologia empregue da Guarda Civil, cacheios desnecessários e continuados adentro dos locais, presença avultada de membros do corpo em ditos registos, chamadas à ordem e feche dos locais mesmo antes da hora estabelecida. Sanções grosseiras e desproporcionadas relativamente aos protestos que o pessoal tem levantado. Algumas fontes têm-nos achegado a presença de até 16 guardas civis, 2 "paisanos" e cães em dous estabelecimentos distintos de Ginzo em apenas uma hora.

Manifestacções e contra-acções desmesuradas

No passado Dezembro uma pequena manifestação contra ditas arbitrariedades foi levada a termo na Praça Maior de Ginzo, uma carrinha com antidistúrbios!! esperava ordens entretanto na entrada da localidade. No dia 6 desse mesmo mês, sob outro cenário, o protesto contra a Constituição espanhola, acarrejava a identificação de tod@s @s assistentes ao acto, sem mediar qualquer altercado prévio.

Acoso peculiar

Mas nem só os horários de feche e os cacheios intimadatórios fazem parte dos "jeitos" da guarda civil despregue na Límia: Temos tido conhecimento de sanções tão "necessárias" como a aplicada a um veículo agrícola que arava a sua leira a deshora!! ou uma multa a um estabelecimento hosteleiro que tinha demasiado atenuadas as suas luzes para o tipo de negócio que era.

Verdegaia denuncia a celebración dunha batida de caza de porco bravo (Sus scrofa) nas areeiras de Sandiás, nunha zona declarada Refuxio de Fauna segundo contempla a orde anual pola que se determinan as épocas hábiles de caza durante a tempada 2009-2010, amais de estar incluída na Zona Periférica de Protección (ZPP) da ZEPA "A Limia", declarada o pasado outono pola Consellaría de Medio Rural segundo o Decreto 411/2009, do 12 de novembro, polo que se declara zona de especial protección para as aves. A batida é a primeira medida que a administración vén de tomar no espazo protexido.

Mais info: http://www.verdegaia.org/content/view/1003/82/