No passado sábado 20 de Março de 2010 celebrou-se o 5º aniversário do nascimento da associaçom Aguilhoar lá na primavera de 2005, e desde entom foi pouco a pouco medrando, transformando-se e assentando-se na comarca. Criando assim um projecto sem precedentes na história da Límia, um projecto que aposta pola soberania plena para Galiza, polo monolinguísmo social, pola transformaçom social, pola defesa da Terra, contra a repressom …um projecto que está em construçom, que dia a dia se vai formando, somando forças, desde a humildade e o realismo.

Sob esta premissa decorreu umha formosa jornada que começou por volta das 18h30 com umha interessante palestra dedicada aos centros sociais e que levava como legenda “Centros Sociais: Do urbano ao rural” na que participarom os centros sociais da Esmorga, Revolta, Revira, Almuinha, Arrincadeira e mais a Aguilhoar. Num local superlotado cada centro social expus as suas linhas de intervençom, a sua configuraçom, acertos e eivas, com um posterior debate sobre a necessidade de umha coordenaçom e a criaçom de um banco de recursos comum.

Posteriormente, o encontro continuou acompanhado com as pandeiretas a carrego dos companheiros de Marim, tomando os primeiros copos e as primeiras conversas, até que foi chegando todo o pessoal convidado à ceia de confraternizaçom na que se juntarom por volta de 70 pessoas, entre sócios e sócias, amigas e amigos que tenhem acompanhado o percurso da Aguilhoar e os convidados dos centros sociais.

Após a mesma, um responsável da Aguilhoar entregou a Santi Vigo e José Manuel Sanches um pequeno presente trás o seu passo polas cadeias espanholas por defender esta Terra, a seguir projectou-se umha emotiva reportagem dos 5 anos da Aguilhoar e as múltiplas actividades realizar e a cuja conclusom sob umha grande ovaçom leu-se um discurso de agredecimento a todas as pessoas que fixerom possível este projecto e as linhas marcadas para seguirmos a construir espaços de libertaçom onde as e os galegos podamos viver à margem de Espanha e o Capital.

O evento nom se cingiu à ceia mas continuou no Centro Social com umha noite festeira que começava com um espectáculo poético-musical a carrego de Xabier Xil, Rafael, Anxo Angueira e o Leo Arremecaghona que como já é habitual fixo desfrutar a todas e todos os presentes numha larga noite de aniversário.

Agradecemos todos e todas polos seus contributos à Aguilhoar durante estes cinco anos, as e os sócios, presentes e passados, amigos e amigas, companheiras e companheiros da AGAL, A Esmorga, AMI, AMAL, A Revolta, Adiante, Redes Escarlata...enfim agradecemos todos os que acreditam nesta forma de entender o nosso País.

VIDEOS
http://blip.tv/file/3392129
http://blip.tv/file/3392002

AVANTE A AGUILHOAR!!
5 ANOS LUITANDO!!