A equipa de atletas da Aguilhoar também participou na segunda ediçom das Olimpíadas Populares Galegas que se celebraram os passados dias 16 e 17 de junho na vila de Ponte Vea, no concelho de Teu, com um meritório sétimo posto e dous diplomas olímpicos.

Com perto de douscentos participantes e dezasete equipas este evento confirma o sucesso atingindo na sua primeira ediçom em Riva d´Ávia. Assim, num ambiente fraternal e de convívio as e os participantes dos centros socais e outras associaçons culturais do País desfrutamos de umha jornada de desporto e cultura popular.

Da Aguilhoar parabenizamos aos organizadores e encorajamos ao comité olímpico a continuar com este evento e seguir melhorando a cada dia que pasa a participaçom e organizaçom.

Com o começo das competiçons desportivas, como a Eurocopa ou próximamente os Jogos Olímpicos, o Reino de Espanha, com o seu frente mediático à cabeça, pom em marcha a sua campanha de “espanholizaçom”.

Procurando, através dos desportos, umha identificaçom com o seu chauvinismo espanhol excluinte, que nega sistemáticamente a condiçom nacional da nossa Terra e do seu direito, reconhecido internacionalmente, a decidir livremente o seu futuro e, neste senso, participar como naçom, em pé de igualdade, nas diferentes competiçons desportivas internacionais.

Legendas como “el equipo de todos” ou “todos con la Roja” buscam adesons identitárias a um Reino Espanhol que a cada dia que passa se esfarela mais, um regime político apodrecido completamente, baseado num imperialismo barato que unicamente se refugia nos desportos como única expressom de umha inexistente unidade.

Mas lembremos, um regime herdeiro de umha ditadura fascista que usa a mesma bandeira e o mesmo hino, que nom renega do seu holocausto totalitário e que nos obriga, às galegas e os galegos, através dos seus organismos institucionais, neste caso a Federaçom espanhola de futebol a somar-nos à Espanha, e impedendo a participaçom da Galiza, e outras naçons, nas competiçons internacionais.

Assim, as e os galegos orgulhosos da nossa Terra, nom queremos nem umha bandeira fascista, nem um hino franquista, nem umha Espanha que nom nos representa: Galiza é a nossa naçom.

UMHA NAÇOM, UMHA SELEÇOM!
OFICIALIDADE SELEÇONS GALEGAS!!
ESPANHA NOM NOS REPRESENTA!!

Reproduzimos publicaçom tirada do galizalivre.org na que nos apresentamos parte do trabalho etnológico realizado por Vicente Risco entre os anos 1920 e 1925 na paróquia de Sam Pedro de Sabariz, em Rairiz de Veiga, comarca da Límia,na que nos fala da autogestom assembleária da vida comum através do "concelho paroquial", e os relacionados com a juventude: adversom ao serviço militar espanhol, mas cultura da violência; e também os rituais da vida amorosa.

Extratos de Umha paróquia galega nos anos 1920-1925
Vicente Risco

O concelho paroquial era, e suponho que continuará a ser, umha instituiçom viva e de grande sentido comunal. Constitue-no todos os vizinhos cabeças de família, convocados e presididos polo pedáneo, e entendia na conservaçom, reparaçom e quenta do forno do comum, as suas tandas, limpeza e utilizaçom dos regos, arranjo de caminhos, nomeamento e pago do sacristám, irmandade da cera para as ánimas e a igreja, pastoreio das cabras e ovelhas e demais assuntos de interesse vizinhal. Para convocá-lo e circular as ordens e acordos havia um "zelador", às ordens do pedáneo; mas, aparte do aviso, à hora marcada, chamava-se aos vizinhos por médio do sino da igreja. Quando o sino soava umhas bateladas especiais, dizia a gente: Tocam a concelho. Adoitavam assistir pontualmente todos os cabeças de família, sem faltar um, e mesmo o que se encontrava impedido ou ausente adoitava mandar umha pessoa da família fazer ato de presença, ainda que nom pudesse votar.

As reunions celebravam-se no forno do concelho, na Pereira, ainda que havia outro forno em Sabariz. Havia adoito grandes disputas; ali -diziam- saia todo a reluzir. Mas, mália que alguns se incomodassem às vezes, os acordos eram acatados.

Censuravam-se os costumes dos moços, especialmente o de andar armados; agachavam as armas nas paredes ou escondiam-lhas as noivas. Antes havia muitas pelejas, mas eram a paus, e agora som com armas de fogo, diziam os velhos. Claro que isto de levar armas, muitas vezes é por fachenda nada mais. Saem muitos juntos dum lugar a outro e, ao sairem de candansua casa, esgutiam (é dizer, lançam o berro conhecido com o nome corrente de aturujo) para chamar-se, ou disparavam tiros. Os tiros vam em som de desafio e ameaça.

Estas manifestaçons de instinto bélico e de afetada bravura, tam próprias da juventude, tenhem o seu reverso nas trampas que se lhes aponhem polos nossos informantes, empregadas para eludir o serviço militar: botar tabaco nos olhos para fingir umha conjuntivite granulosa, dormir na corte para nom dar a talha, etc. Esta repugnáncia ao serviço é mui geral, e nela soem colaborar as famílias. Sentem o instinto bélico, mas temem a disciplina. Sentimos nom possuir informaçom acerca das associaçons de moços nesta comarca; sabido é que nelas é onde se pretende ter-se incubado a disciplina militar primitivamente, ao aparecer um chefe arredor do qual se forma um séquito de jovens guerreiros que lhe juram fidelidade. Disto ficam supervivências nos costumes rurais de toda Europa, mais ou menos pseudomórficas. Na Galiza existe ainda o instinto de solidariedade entre os moços e a tendência a aceitar a chefatura dum deles, que aparece como o gallito em todas as ocasions. Isto manifestava-se em forma agressiva, há uns sessenta anos, nas verdadeiras batalhas entre paróquia e paróquia, que se armavam nas festas. A gente de idade desculpava e mesmo chegava aprovar a luita a paus, mas condenava, escandalizada, o emprego de navalhas e pistolas mui frequente em certa época.

O costume de reunir-se para sair de noite continua. Na época a que se refire esta informaçom, no inverno, visitavam os fiadeiros. Sabido é que estes som reunions de mulheres moças, casadas e velhas, que se juntam para fiar, numha corte, de noite, pagando a escote o óleo para o candil. O tempos dos fiadeiros, nesta comarca, é desde mediados do inverno até terça feira de Carnaval; desde esse dia nom os volve haver. A metade da sessom chegam os moços (também soem ir homens casados) e bailam ao som do pandeiro ou de instrumentos improvisados: umha lata, umha caçola, e divirtem-se com representaçons de comédias rudimentárias: Jogos dos casados, Arrinca-te nabo, Pincha sapo (que é o jogo dos nenos chamado "à umha anda a mula" -pinchar significa saltar-), a Mula, formada por dous moços que correm detrás das moças ou as fam montar nela, e jogos de prendas, como o de Perdim o pano - pano de seda - perdim o pano - e eiqui me queda... As prendas, afinal, rifam-se ou pojam-se por elas. Os curas combatem constantemente o costume dos fiadeiros polos abusos a que dam lugar, mas sem êxito.

Em questom de amores é costume pedir à pretendida a palavra de amor e, umha vez obtida, umha prenda, que soi ser um pano. Às vezes começa o noivado roubando-lhe o pano à moça. Para aprender a falar com as rapaças, usam os Libros de cortejar. A palavra autoriza para acompanhar a moça.

As raparigas adoitam dar a palavra a vários moços, e todos eles vam falar com ela à sua casa, na porta ou dentro, no sobrado, sem que estejam presentes os pais. Em ocasions vam entrando por vezes, e enquanto um está dentro, os outros ficam fora aguardando. Outras vezes, a moça deixa dentro a dous ou três e sai à porta falar com o preferido.

O próximo sábado, dia 2 de junho, será apresentado no Centro Social Aguilhoar o último livro de Artur Alonso, com o título "Adelaida", por volta das 19h00.

Relato íntimo e coral no que se narra a vida da protagonista, Adelaida, desde a perspectiva de um amplo leque e personagens. Artur Alonso achega-nos, no seu primeiro romance, umha realidade que mostra a incomunicação das pessoas, as suas esperanças, os seus temores, em definitiva os seus sentimentos e sensações. Cada capítulo do livro centra-se numa personagem concreta, reproduzindo os seus pensamentos calados. O autor construí umha prosa com um profundo sabor poético, uma característica que liga, de jeito natural, com a sua obra anterior.

Está disponível na loja da AGAL-Imperdível http://www.imperdivel.net/306-adelaida.html

Aguilhoar somamo-nos, junto com dúzias de colectivos de todo o país, na defesa do galego o próximo 17 de maio en Compostela na manifestaçom convocada por Queremos galego.

Num momento de acosa absoluta por parte de Espanha, representada fielmente no Partido Popular, contra a nossa cultura, contra a nossa língua, contra a nossa idiosincrasia, em definitivo, contra o nosso país, devemos juntar-nos todos e todas e berrar-lhe bem forte:

Galiza nom é Espanha!!
Na Galiza em galego!!

O Forum Social Limiao adere às convocatórias que ao redor do movimento 15M se tenhem feito por todo o mundo para o dia 12 de Maio. Neste senso, também na Galiza tiveram eco os protrestos cidadanistas, nos quais a iniciativa social do Forum Social Limiao se soma chamando a se concentrar, sob a legenda "Por un outro mundo posíbel, toma a rúa", o 12 de Maio às 19h na Praça Maior de Ginzo de Límia.

Da Aguilhoar dizemos, é o tempo de passarmos da indigaçom à luta!!
Forum Social Limiao: http://forumlimiao.blogspot.com

Próximo sábado, dia 5 de maio, celebrara-se no Centro Social Aguilhoar, mais um campeonato de matraquilhos. O preço da inscriçom som 5 euros por parelha, e o prémio para o campeom é de 100 euros, e o segundo umha botelha de licor café.

Às 22h30 terá começo o evento e podedes-vos apontar previamente no localo social nestes dias, no correio da Aguilhoar ou no próprio sábado antes do começo do campeonato.

Com motivo do próximo 1º de Maio, Dia internacional dos trabalhadores e trabalhadoras, da Aguilhoar realizaremos com a colaboraçom da Escola Popular Galega umha palestra intitutalda “O movimento obreiro galego. Situaçom actual e perspectivas de futuro ante a crise”.

Sábado 28, às 18h00.

Nesta palestra o militante obreiro Vitor Batlhans fará um repasso sobre a actualidade da luita sindical na Galiza, e as hipóteses de organizaçom face um futuro claramente marcado pola crise capitalista, e quais seram os reptos e dasafios que os galegos e galegas como trabalhadores devemos afrontar.

Ceia solidária no local social.

Ainda, após a palestra haverá umha ceia solidária com as pessoas galegas represaliadas. A ementa correrá a carrego da Aguilhoar e o dinheiro que se tire será integramente dedicado à defesa jurídica e social das mesmas.

Viva o 1º de Maio!!
A luita continua!!

Por fim no youtube o Lip dub da Aguilhoar!!
7 ANOS CONSTRUINDO POVO!!
Nos próximos dias serám publicados o making off e o lip dub surpresa.

Ligaçom: http://www.youtube.com/watch?v=4ajtApy2sM8&feature=youtu.be