Perante a denuncia apresentada polo colectivo “Galicia Bilingüe” e as intoxicacións vertidas por diferentes medios de comunicación (ABC, El Mundo, Libertad digital, etc) sobre as actividades da Aguilhoar, queremos manifestar;

-A Aguilhoar é unha asociación legal, constituida conforme á lei de asociacións 1/2002, e que desenvolve as suas actividades de forma pública dentro do cadro da legalidade vixente.

-Os fins da asociación son a defensa da lingua e cultura galegas, os direitos nacionais da Galiza e os valores solidarios, no camiño da independencia nacional e o socialismo, nun escenario de pleno respeito polos dereitos e liberdades democráticas.

- A campaña de solidariedade con os e as galegas presas, por motivacións políticas, que deu comezo a esta denuncia, baséase nun escrupuloso respeito polos máis elementares direitos das persoas presas, recollidos na propia Constitución española, na Lei Xeral Penitenciaria e no Convenio Europeo de Dereitos Humanos; denunciando as arbitrariedades que sofren como a aplicación da dispersión, a tortura, o isolamento ou as sobrecondenas ás que son sometidos os seus familiares. Sendo a súa finalidade dar a coñecer, desde a nosa modesta posición, a existencia desta situación propia dun Estado pre-democrático, que ten recebido condenas da Comisión de Dereitos Humamos da ONU, do Comité Internacional Contra a Torturta, de Amnistía Internacional e do propio Tribunal Europeo de Dereitos Humanos, nada sospeitosos de “radicais”.

- Queremos esclarecer que a nosa relación co IES Lagoa de Antela reduciuse ao apoio dunha xornada pola lingua en 2009, consistente nun recitado poético e un concerto.

- Por último, valoraremos ante esta situación a posibilidade de emprender accións legais contra "Galicia Bilingue" por un delito de inxurias e calumnias ante as graves acusacións vertidas.

Sen mais, e sen querer entrar nunha dinámica de comunicados ou de desmentidos, damos por fechado o asunto, do cal ningunha consecuencia legal se pode desprender ante a multitude de mentiras e terxiversacións interesadas desta denuncia. Por último, dirixímonos á aqueles asociados/as, simpatizantes e amigos/as que nos coneñecen de primeira mao, que saben que actividades e traballo facemos, e que mundo - mais xusto e mais libre- queremos, para que sigan mostrando o seu apoio o noso proxecto.

CENTRO SOCIAL AGUILHOAR

Próximo sábado dia 30 de abril decorrerá no centro social da Aguilhoar projecçom do documentário editado pola “Fundaçom para o estudo da questom social e sindical na Galiza” (FESGA) sobre a História do Movimento Obreiro Galego. Esta projecçom e posterior colóquio realizara-se no marco dos actos do 1 de Maio, Dia do Internacionalismo Proletário, organizado pola Pikanha de Vilar de Santos que também tirará o seguinte número da sua folha de agitaçom.

Nele tratara-se a história e actualidade do sindicalismo galego, em base a tres entrevistas, a primeira sobre o Proletariado e luita de classes na Galiza de anteguerra com Dionísio Pereira, a segunda intitulada O mundo do trabalho e a organizaçom de classe na postguerra e o primeiro franquismo com Uxio-Breográn Diéguez, por última, De sindicalismo e naçom galega com Bernardo Maiz Vázquez.

A projecçom será por volta das 17h30 no local social, apresentaçom do seguinte número da folha de agitaçom da Pikanha e ao rematar haverá colóquio.

Recuperamos documentário sobre a história, geografia e sociedade da comarca da Límia elaborado no ano 1994 em Vilar de Santos e ajudar a conhecer um bocado mais a nossa comarca.

Da Aguilhoar continuamos com a campanha de solidariedade iniciada a começos de ano, nesta ocasiom com umha palestra sob o mote "Pres@s Polític@s Galeg@s" nas que tentaremos com o máximo rigor por em debate a actual legislaçom de excepçom penal, a extensom do Estado de emergência na luita contra quem questionar o status quo, e como se aplica a lei contra aquelas pessoas dispostar a tentar mudar este estado de cousas, para isto contaremos com um advogado, penalista e membro do observatório de advogados Esculca-Xustiza e da organizaçom European Democraty Lawyers de dereitos humanos. Contaremos com a presença de um responsável, ainda por determinar, do Organismo Popular Anti-Repressivo CEIVAR que da apoio aos militantes independentistas represaliados pola sua actividade política bem como cobertura aos presos independentistas galegos, e que nos falará da sua história e situaçom actual. E por último, teremos a Marcos Regueiro, ex-preso político comunista e membro do Comité de Solidariedade, que presta cubertura as e os militantes comunistas e antifascistas galegos, que nos exporá a situaçom repressivo contra este colectivo de presoss ao que o Estado impom elevadíssimas condenas de prisom e gravíssimas situaçons penitencárias.

SÁBADO DIA 9, ÀS 19H00
NO CENTRO SOCIAL AGUILHOAR

O passado sábado 26 de março decorreu umha assembleia informativa da iniciativa popular Causa Galiza no nosso centro social. Um responsável pola plaraforma autodeterminista deslocou-se até a Límia para informar de primeira mao aos sócios e sócias da Aguilhoar das resluçons acordadas após o Plenário Nacional que se celebou o 19 de março em Compostela e que fixou as linhas tácticas e estratégicas que seguirá Causa Galiza para abrir o novo ciclo que o nacionalismo galego necessita com a criaçom dum projecto soberanista forte.

Assim com o intiuito de fazer chegar os debates desenvolvidos a todas as comarcas onde há homenes e mulheres independentistas organizados foi exposta a análise da conjuntura e as linhas mestras que orientarám a intervençom da Causa Galiza para o futuro imediato.

Da Aguilhoar somamo-nos ao trabalho desta iniciativa pola autodeterminaçom e independência do nosso País.

Aguilhoar encaminha carta de solidariedade a todos os presos e presas políticos galegos, na qual resenha a companha lanaçada bem como denúncia a política penitenciária vulneradora do próprio marco legal espanhol e internacional, violando desde o direito de todo preso a umha cela individual até a direito a cumprir condena no centro penitenciário mais próximo ao domicílio, ou a aplicaçom de medidas excepcionais como cacheos aos familiares vistantes, intervençom e gravaçom de chamadas e visitas, restriçom de horas de pátio ou de actividades de lazer dentro do cárcere.

Mais umha vez fazemos um chamamento à solidariedade activa contra umha repressom que nom para e que pom no ponto de mira nom só a quem aposta na luita com todas as consequências mas também aos movimentos sociais, sindicatos,etc.

A passada sexta-feira entrou em prisom preventiva o sindicalista da CUT Telmo Varela enquanto o jovem militante Iussa Prado ficou em liberdade provisória, após passarem a disposiçom judicial tras a sua detençom o dia 9 no marco do processo aberto há perto de tres messes contra Miguel Nicolás, acusados de um delito danos e tenença ilícita de material incendiáriio.

Da Aguilhoar somamo-nos à solidariedade ativa contra a repressom que sofrem quem se enfronta contra Espanha e o Capital.

LIBERDADE TELMO VARELA!!
LIBERDADE PRESOS INDEPENDENTISTAS!!

Galizalivre.org/ Xosé Manuel Pérez Bouza, senador do BNG, continua a pelejar em Madrid porque a base militar da NATO para avions espias nom tripulados (UAV) se instale no concelho galego de Trasmiras. Ontem a minstra espanhola de Defesa, Carmen Chacón, dixo que as instalaçons que “melhor cumprem” com os requisitos som as de El Arenosillo (Huelva), face a proposta galega de Trasmiras. Recordou, aliás, que a decisom final é do consórcio europeu EADS, quem financia a base militar. Diante das perguntas do senador autonomista, a ministra explicou que esta é umha “decisom empresarial”, embora polas “importantes aplicaçons” que tem em relaçom a defesa, o seu ministério fará um “seguimento desta iniciativa privada”.

Pérez Bouza defendeu a ubicaçom da base militar, que será empregada polo exército espanhol, americano e a NATO, em território galego, já que Trasmiras “cumpre todos os requisito” -obviando o facto de se achar em zona protegida meioambientalmente- enquanto a de El Areonisllo “incumpre vários”. Assegurou que o projeto é “de suma importância” para a “província” que sofre “graves problemas demográficos, sociais e económicos”, e poderia contribuir a dar “um impulso mui grande à economia” da zona.

Perante esta notícia da inexplicável postura do BNG, que se diz anti-imperialista nos seus estatutos, da Aguilhoar reproduzimos de novo um artigo originariamente publicado na web matarpormatarnon.org a respeito do projecto de fábrica de avions e que nos explica de que se trata realmente.

Umha vez mais o provincianismo e os interesses pessoais estám a se impor no anúncio de um suposto grande projecto para a comarca da Límia. A cacarexada fábrica de avions nom tripulados.

Como sempre a razom que justifica e exige apoio para qualquer falcatruada, som os “postos de trabalho”. Postos de trabalho que quem nos administra nom soubo (ou nom quixo) criar dentro da actividade tradicional da comarca e agora pretendem comprar aos vizinhos com a posibilidade de terem onde ganhar o sustento num emprego. Aínda que for envelenado [+]

NEM INCINERADORAS, NEM BASES DA NATO!!
TRABALHO DIGNO PARA UM RURAL VIVO E DIGNO!!

Neste próximo Dia da Classe Obreira Galega os sindicatos nacionalistas do nosso País sairám um ano mais reivindicar as figuras dos obreiros Amador Rei e Daniel Niebla assassinados pola polícia espanhola em 1972, e ainda por em questom o sistema capitalista que está a provocar esta grave crise, nom só económica ou financeira, mas também ambiental, sanitária, alimentária, e de valores.

Da Aguilhoar com um espíruto crítico e revolucionário necessário para realizarmos umha radical transformaçom democrática deste sistema económico-social que nos leva a um outro mundo numha Galiza livre, chamamos a se mobilizar neste 10 de Março Dia da Classe Obreira Galega.

CIG.- Manifestacións en Ferrol e Vigo o 10 de Marzo, Día da Clase Obreira Galega, contra o pacto económico e social. A CIG presentou este luns os actos que vai desenvolver con motivo da conmemoración o vindeiro xoves do “10 de Marzo, Día da Clase Obreira Galega”, data na que se lembra o asasinato a mans da policía de Amador Rei e Daniel Niebla, operarios da antiga Bazán, no ano 1972. As manifestacións desenvolveranse en Ferrol e Vigo, nesta ocasión nucleadas en contra do pacto económico e social asinado en Madrid polo goberno, a patronal e CCOO e UGT, e nomeadamente contra da reforma das pensións e a negociación colectiva. A Confederación outorgou carácter nacional á marcha de Ferrol, que sairá ás 20:00 horas dende a Avenida do Esteiro (diante dos locais do sindicato), mentres que a mobilización de Vigo partirá da Vía Norte á mesma hora.

CUT.- Achégase de novo o día da clase obreira galega, achégase o 10 de marzo, o día no que os galegos e as galegas facemos memoria significada da nosa conciencia de clase e da nosa conciencia de pobo asoballado, polo capital e polo estado español. Facemos memoria de Daniel e Amador.

A crise do sistema capitalista, a inmoralidade dos seus xestores disfrazados de políticos, o putrefacto sistema que chaman democracia, a nosa continuada explotación e criminalización obrigan a que saiamos a rúa demandando o noso dereito a existir como pobo e como clase; obrigan a que non poñamos escusas á hora de manifestarnos. A CUT convócavos ás concentracións que terán lugar o 10 de marzo nas comarcas de Vigo, no mercado do Calvario ás 20 horas, e tamén en Compostela, ás 20 horas na Praza de Galicia.

Convocatórias do feminismo galego para hoje, 8 de Março, Dia da Mulher Trabalhadora:

Rede Feminista Galega

Compostela:

Concentração lúdico reivindicativa na Praça do Pão às 20:30h: “Esfarela o patriarcado”

Para o preparatório: Cada umha virá com a sua bata/fato-macaco de trabalho (onde poderá trazer colado umha legenda antipatriarcal), a sua arma de destruiçom patriarcal e o seu saco de farinha.

Marcha Mundial das Mulheres:

Compostela

Obradoiro Dia Internacional das Mulheres com “Teatro da Oprimida”

Sexta-feira 11 de Março (16:30h. a 20:00h.)

Sábado 12 de Março (16:30h. a 14:00h. e de 16:30h. a 20:00h.)

Gentalha do Pichel. Compostela.

Confirma a tua assistência -limite de vagas em: marcha.compos@gmail.com

Ourense

18 Março, sexta-feira às 20:00h
Acto na praça Saco e Arce, Zona Histórica

Ponte Vedra

8 Março, terça-feira às 20:30h
Festa na praça 8 de Março

Vigo

8 de Março, terça-feira às 20:00h
Manifestação lúdico festiva desde o Largo de Portugal