Nom esqueçam!!!

Aqueles que quigerem fugir do barulho e da multidom nas festas de ano novo na nossa vila, venham polo Centro Social Aguilhoar celebarar a passagem de ano apartir das 01h00, haverá boa música, galeoke, queimada e muita diversom.

BOM ANO NOVO!!
A FESTA CONTINUA!!

O Forum Social Limiao continua com as suas actividades, após a apresentaçom pública na Casa da Cultura de Ginzo de Límia no passado 26 de novembro, na que as e os presentes acordaram por em andamento um ciclo de colóquios, projeçons e palestras fazendo fincapé naqueles eixos que substentam o capitalismo, focando, portanto, o seu trabalho na formaçom e no debate ideológico nesta primeira fase de acçom.

Assim, na sexta-feira 16 de dezembro às 20h30, novamente na Casa da Cultura decorrerá a projeçom do documentário "Consume hasta morir", e a seguir haverá um colóquio, segundo manifestaram seus organizadores no blogue http://forumlimiao.blogspot.com/.

Desde o Organismo Anti-represivo Ceivar fam um chamamento a fazer chegar as vossas cartas e postais aos presos e à presa independentistas galeg@s, co fim de rechar o isolamento e achegar-lhes o abraço solidário do nosso povo.

Roberto Rodriguez Fialhega
(Preso independentista galego)
C. Penitenciário de Madrid VII
Crtra. M-241, km. 5,750
2859 Estremera (Madrid)
Espanha

Eduardo Vigo Dominguez
(Preso independentista galego)
C. Penitenciário de Madrid IV
Crtra. N-V, km. 27,7
28600 Navalcarnero (Madrid)
Espanha

Maria Osório Lopes
(Presa independentista galega)
C. Penitenciário de Madrid V
Crtra. Comarcal 611, km. 37,6
28770 Soto del real (Madrid)
Espanha

Antom Santos Peres
(Preso independentista galego)
C. Penitenciário de Madrid VI
Crtra. Nacional 400, km. 28
28300 Aranjuez (Madrid)
Espanha

Reproduzimos chamamento do organismo anti-repressivo CEIVAR para este domingo dia 11, e respondermos a esta operaçom de criminalizaçom do movimento independentista, dos centros sociais deste país e de pessoas boas e generosas como as detidas nos passados dias.

CEIVAR.- Em resposta ao último operativo repressivo desenvolvido polo Estado Espanhol na nossa terra, em solidariedade cos e coas detidas, em apoio aos presos eàs presas, para expressar de forma colectiva o nosso carinho e a nossa raiva...

O organismo popular anti-repressivo CEIVAR fai um chamamento a todas aquelas pessoas e colectivos solidários a se mobilizar no próximo Domingo dia 11 de Dezembro, às 12:00 na compostelana Praça do Toural. Para expressar a nossa vontade firme de continuar a trabalhar dia a dia por essa Galiza livre e rebelde que Espanha quer encarcerar; para dizer-lhes a Eduardo, a Maria, a Teto e a Antom que nom estám sós.

Tod@s a Compostela!
Liberdade independentistas!!

A Aguilhoar volta em plena forma após o parom do verao, e com um leque de actividades lúdicas e culturais que ateigam o local social nos últimos actos, eis umha breve crônica dos mesmos:

Campionato de matraquilho

A celebraçom de mais um campionato de matraquilhos, o 22 de outubro, serviu para deixar às claras que este jogo segue vivo, e a gente mais nova com um nível muito alto. Perto de quarenta perticpantes, um prémio de 100 euros e umha botelha da nossa bebida nacional, o Licor-Café, fixeram umha noite de sá competitividade e companheirismo.

Samain

A festa das cabaças recupera a cada dia que passar mais prestígio e presença, desde os colégios, associaçons culturrais, festas em bares e outros locais, e também no Centro Social da Aguilhoar quigemos celebrar, no 29 de outubro, esta data com umha preparaçom de cabaças para o efeito, umha ceia com ementa outonal, e umha pequena festa de mortos viventes.

Magosto

Por último, no passado 11 de novembro, chegou o nosso magosto que nesta ocasiom, além dos chouriços, castanhas e vinho, contava com umha presença musicial especial, a actuaçom de "Mini e Mero" que fixerom deleitar-nos com umha palestra-concerto onde realizarom um percorrido pola música tradicional e pola múscia de autor que, nom só superlotou o local, senom que arrancou intermináveis ovaçons.

Titular do Julgado nº 6 de Vigo impom o ingresso em prisom do militante do Espaço Irmandinho. Salva Gomes é um veterano militante com anos de activismo em diversas iniciativas e organizaçons políticas e sociais como Causa Galiza ou a rede Galiza Nom Se Vende.

Os factos remontam-se ao 6 de Dezembro de 2007. Naquela altura dezenas de pessoas concentraram-se às portas da esquadra da polícia espanhola em Vigo em protesto pola detençom de quatro militantes independentistas após a manifestaçom autodeterminista convocada por Causa Galiza, acusados de ofensas à coroa pola queima dum boneco coa efígie do monarca espanhol. Do protesto daquele dia derivou um processo judicial por desordens e desobediência à autoridade contra sete militantes independentistas. O atestado policial claramente sobredimensionado falava de lessons a um polícia, tentativa de assalto à esquadra,.. Finalmente, e apesar da fiscalia nom solicitar condenaçons por falta de provas, a juíza, depois de escuitar o alegato político dos militantes julgados, condenava-os a umha multa de noventa euros por pessoa. Salva Gomes interessou-se no julgado polas conseqüências de os condenados rejeitarem o pagamento da multa ou a sua medida substitutiva de localizaçom permanente. Sendo a resposta do secretário judicial que era o ingresso em prisom. Após vários anos, umha suspeitosa falta de localizaçom do militante por parte do julgado e a teima e ruindade do secretário judicial que afirmou em todo momento que o condenado optou polo ingresso no cárcere, incluso dizindo-lhe ao próprio Salva "eu nom sonhei o que me dixeche ", comunicavam-lhe, desta volta si que o localizavam, a orde de ingresso em prisom. Depois do advogado do militante ter apresentado os recursos pertinentes, que foram desestimados, fazia-se firme a orde de ingresso, tendo de prazo até sábado 4 de junho para se apresentar na prisom d'A Lama.

Desde o CS Aguilhoar queremos mostrar todo o nosso apoio ao companheiro Salva denunciando esta nova medida represssiva, este novo ataque encadrado na progressiva fascistizaçom institucional e a constante ofensiva do poder contra os direitos políticos, civis e sociais, e particularmente na acossa e combate que padece o independentismo galego

STOP REPRESSOM!!
SOLIDARIEDADE COM SALVA!

15 anos de resistência, parabéns à umha das organizaçons mais coerentes e combatentes do independentismo galego.

Programaçom do Aniversário:

14.00: Jantar de confraternizaçom
Celebrara-se no L.S. Faísca, Rua Toledo nº 9, Calvário.

17.00: Projeçom do documentário: "A nossa luita é imparável. Quinze anos de Mocidade Independentista"

18.30: Quinze anos da militância, quinze anos de resistência. Falaram antigas militantes da organizaçom, divididas em funçom a época na que militaram (1993-1996/ 1996-2001/ 2001-2005/ 2005-2010)

19.30: Video homenagem a Martinho

20.00: Intervençom política dumha repressentante da AMI

21.00: Petiscos e sorteio de cadros de cartazes históricos da AMI.
Seram no bar irmandinhos, sito na Rua Irmandinhos.

22.30: Concerto: Marxe Esquerda e Skárnio.
Celebraram-se na Sala inferno, sita na Rua Colón, nº 37.

Na comarca da Límia o espanhol Partido Popular mantém resultados eleitorais sem grandes câmbios apesar das espetativas de mudança na câmara municipal de Ginzo de Límia. Totaliza o PP os 10.000 votos na nossa comarca e aufere 9 das 19 alcaldias, mesmo reforçando as suas maiorias, os social-democratas do PSOE fream a queda geralizada e obtêm perto de 3500 votos segurando aliás a alcaldia de Calvos de Randím, o nacionalismo representado polo BNG fica aquém dos 3000 votos, perdendo Rairiz de Veiga e mantendo Vilar de Santos. Por último, a cisom do PP sob a legenda APGA empata a votos com o PP dos Brancos e entra com força em Ginzo, com um total de 1400 votos.

Ginzo, Rairiz e os Brancos. Tudo continua na mesma

Se nestas municipais ninguém aventurava grandes câmbios na Límia, como no resto da regiom de Ourense devido à rede clientelar assente durante décadas polo Partido Popular por volta da sequestrada Deputaçom de Ourense e da qual depende direta ou indiretamente o trabalho e sustentamento económico de milhares de ourensanos e ourensanas, que fai com que nem só seja difícil articular qualquer alternativa, mesmo dentro do sistema estabelecido, que rache com este status quo, mas supóm uma autêntica perversidade antidemocrática que tem chegado às ameaças, extorsões, despedimentos, etc por parte da pessoas à frente das canditaturas socialista, nacionalista e das próprias cisões do PP a causa das lutas de poder interno polo seu “pedaço do bolo”.

Porém, polo primeira vez em tempo a ponta de lança do caciquismo, Ginzo de Límia, estava em jogo, duas cisões do PP, o aumento no número de vereadores a causa do incremento populacional, tudo estava em causa em poucas dúzias de votos, mas a crua realidade do caciquismo fixo com que os de sempre ganhassem por maioria absoluta novamente, atingindo mais de 3000 votos, contudo o BNG apurava ao segundo posto e entra na câmara a APGA.

Outro dos concelho onde havia um duro confronto era Rairiz de Veiga, durante anos com a alcaldia do BNG com maioria absoluta, porém, o abandono do alcalde da formaçom nacionalista tras um apodrecemento ideológico e programático deste regedor limiao passa a se apresentar diretamente com o PP e obrigando o BNG para um relevo geracional e umha nova etapa que começa de zero, embora a ilusom levantada entre a mocidade só consegue um concelheiro, ganhando o PP com maioria absoluta após promesas de trabalho seguindo a linha do PP limiao numha das comarcas mais empobrecidas da Galiza.

Os Brancos tem sido um dos concelhos com mais mudanças nos governos e com representaçom de diferentes forças políticas como TEGA, independentes, etc, se bem, sempre de resultas de lutas de poder dos caciques de sempre num dos concelhos onde mais clientelismo há e que levou mesmo ao um dos seus históricos alcaldes à cadeia, e agora também APGA, quem consegue empatar a votos com o PP, sendo as únicas forças com representaçom na câmara.

Vilar de Santos, a excepçom.

Vilar de Santos é caso aparte, nesta ocasiom devido à perda de populaçom baixa de 9 para 7 o número de vereadores/as, mas nestas eleições foram todos para o BNG, sete concelheiros de sete, e passa a ter a honra de ser o único http://resultados.elpais.com/elecciones/2011/municipales/03/33/27.html concelho da Galiza onde o PP nom tem qualquer representaçom muninicipal apesar das manobras de caciquismo de última hora.

Clientelismo e crise centram as eleições na nossa naçom

Na Galiza o clientelismo continuam a ser um elemento diferenciador do nosso País, nomeadamente nas comarcas mais deprimidas onde o PP tem umha rede caciquil da qual depende o emprego direto e indireto de milhares de galegos e galegas, agravado mais ainda pola crise. Portanto, hoje como ontem, ser do PP parece ser para muitos umha alternativa laboral. Outros dos fatores a ter em conta para explicar os resultados destas eleições é o enfraquecemento do PSOE a causa da crise e das reformas liberais do presidente espanhol, porém na Galiza mais moderado que no Estado espanhol, o que permite ainda que no mundo urbano exista umha maioria social-democrata e nacionalista.

BNG segue sem fazer reflexom. Soberanismo digno resultado.

Devemos salientar que mais umha vez o BNG nom se apresenta como alternativa que canalize o descontentamento como fixera na década de 90, hoje o BNG vende-se como apéndice do PSOE e fica exposto aos seus resultados, como pode observar-se nom só no nom incremento dos votos – nas atuais circunstâncias do PSOE- mas mesmo na minoraçom dos mesmos nas cidades. Porém, consegue afiançar-se nas vilas e núcleos médios do País fazendo umha aceitável gestom que se viu acompanhada nos resultados de Teu, Carvalho, Tominho, etc com um total de 11 alcaldias com maiorias absolutas.

Por outra banda nestas municipais apresentava-se o soberanismo galego em onze localidades conseguindo mais de 5000 votos e 3 concelheiros. Se bem podem ser um ponto de partido para a construçom de umha alterntiva ao sistema, a dia de hoje o fraccionamento do independentismo e as diferentes estratégias nom permitem ser muito mais ambiciosos.

A alternativa: INDEPENDÊNCIA E SOCIALISMO

Para finalizar queremos deixar bem claro que para a Aguilhoar dentro do sistema nengunha alternativa é possível, como sem tem monstrado após 30 anos de suposta democracia nos quais governarom desde os partidos espanhóis, dos mais caciques aos menos caciques, os partidos galegos, dos conservadores aos progresistas, independentes e formaçons vizinhais.

Hoje a alternativa passa pola organizaçom daqueles que acreditamos num outro mundo, numha outra Galiza, e a vertebraçom dum verdadeiro movimento de libertaçom nacional, que esteja na rua e no dia a dias da pessoas, um movimento de movimentos, em cada umha das frentes de luita pola INDEPENDÊNCIA e o SOCIALIMSO, única alternativa real de câmbio.

A LUITA É O ÚNICO CAMINHO!!!

Domingo 8 de maio, às 12h00 na Alameda de Santiago de Compostela, a rede Galiza Non Se Vende convídanos a participar na manifestación que se celebrará o próximo domingo. Os 60 colectivos que a forman continúan a diario a loitar, resistir, traballar, arelar, formular, construír, informar, concienciar a favor da nosa terra e na procura de dignidade e equidade. Vente expresar por unha Galiza mellor.

CONTRA O SAQUEO SOCIOAMBIENTAL DA NOSA TERRA!!!

- Por unha utilización racional dos recursos naturais
- Pola protección do patrimonio natural e histórico
- Por unhas rías limpas
- Por uns ríos vivos
- Pola defensa da nosa soberanía alimentaria
- Por un litoral público e natural
- Por un urbanismo integrado na natureza e na nosa cultura
- Por uns montes ben xestionados
- Pola participación da cidadanía na xestión do noso
- Por unha xustiza incorruptible
- Polo respecto ás outras especies e a protección real da natureza
- Por un transporte colectivo eficaz
- Por unhas alternativas enerxéticas públicas e conscientes
- Por unha xestión responsable dos residuos
- Polo fortalecemento do rural e a economía social na Galiza

Perante a denuncia apresentada polo colectivo “Galicia Bilingüe” e as intoxicacións vertidas por diferentes medios de comunicación (ABC, El Mundo, Libertad digital, etc) sobre as actividades da Aguilhoar, queremos manifestar;

-A Aguilhoar é unha asociación legal, constituida conforme á lei de asociacións 1/2002, e que desenvolve as suas actividades de forma pública dentro do cadro da legalidade vixente.

-Os fins da asociación son a defensa da lingua e cultura galegas, os direitos nacionais da Galiza e os valores solidarios, no camiño da independencia nacional e o socialismo, nun escenario de pleno respeito polos dereitos e liberdades democráticas.

- A campaña de solidariedade con os e as galegas presas, por motivacións políticas, que deu comezo a esta denuncia, baséase nun escrupuloso respeito polos máis elementares direitos das persoas presas, recollidos na propia Constitución española, na Lei Xeral Penitenciaria e no Convenio Europeo de Dereitos Humanos; denunciando as arbitrariedades que sofren como a aplicación da dispersión, a tortura, o isolamento ou as sobrecondenas ás que son sometidos os seus familiares. Sendo a súa finalidade dar a coñecer, desde a nosa modesta posición, a existencia desta situación propia dun Estado pre-democrático, que ten recebido condenas da Comisión de Dereitos Humamos da ONU, do Comité Internacional Contra a Torturta, de Amnistía Internacional e do propio Tribunal Europeo de Dereitos Humanos, nada sospeitosos de “radicais”.

- Queremos esclarecer que a nosa relación co IES Lagoa de Antela reduciuse ao apoio dunha xornada pola lingua en 2009, consistente nun recitado poético e un concerto.

- Por último, valoraremos ante esta situación a posibilidade de emprender accións legais contra "Galicia Bilingue" por un delito de inxurias e calumnias ante as graves acusacións vertidas.

Sen mais, e sen querer entrar nunha dinámica de comunicados ou de desmentidos, damos por fechado o asunto, do cal ningunha consecuencia legal se pode desprender ante a multitude de mentiras e terxiversacións interesadas desta denuncia. Por último, dirixímonos á aqueles asociados/as, simpatizantes e amigos/as que nos coneñecen de primeira mao, que saben que actividades e traballo facemos, e que mundo - mais xusto e mais libre- queremos, para que sigan mostrando o seu apoio o noso proxecto.

CENTRO SOCIAL AGUILHOAR