No passado sábado, dia 23 de outubro, projectou-se no Centro Social o video-documentário elaborado pola Assembleia da Mocidade Independentista com motivo do dia da Galiza Combatente, 11 de outubro, intitulado "Guerrilheiras, esperança dumha nova vida".

Assim um nutrido grupo de jovens assistirom ao vídeo baseado nas entrevistas com algumhas das mulheres que luitarom no projecto político de APU, no militar do EGPGC e no antirepressivo e solidário das JUGA na década de 80-90 com o intuito de conhecermos as experiências militantes de diferentes mulheres que desde a sua perspectiva afrontarom a época de maior combate com o Estado na Galiza. Após o video houvo umha ceia entre os e as assistentes no próprio local da Aguilhoar.

Aguilhoar colabora com o projecto "Antes & Despois", longametragem que nasce de proxectocurta com o intuito de levar a cabo umha experiência cinematográfica realizada e filmada integramente na vila limiá de Ginzo e comarca.

Casting no Centro Social
O próximo dia 15 de outubro ás 16h30 no Centro Social da Aguilhoar decorrerá o casting aberto ao público e ao que animam a participar a todas aquelas pessoas que desejem botar umha mao para tirar avante com este projecto

Mais info. proxectocurta.es.tl

Da Aguilhoar fazemo-nos eco da campanha iniciada polo Sindicato Labrego Galego, junto com a UUAA e XXAA, contra das empresas lácteas que estam enganando às consumidoras/es com a qualidade do seu leite e com os seus preços e que estam "malpagando" às productoras/es de leite.

Assim, o Sindicato Labrego Galego com os outros dous sindicatos representantes do sector levam adiante umha campanha de BOICOTE contra dessas empresas através de diversas mobilizaçons.

Por isso da Aguilhoar somamo-nos à petiçom do SLG e solicitamos o apoio para NOM MERCAR a estas empresas. Pola defesa dumha alimentaçom sá e para todas e todos. Pola defesa dum mundo rural galego vivo. Pola defesa da soberania alimentária para Galiza.

NOM LHES MERQUES:
+ Celta + Río
+ Présidente + Lauki
+ Leyma + Cremosita
+ Solar + Societé

Mais info.- http://www.sindicatolabrego.com

Da Aguilhoar queremos fazer um chamamento a todos os limiaos e limiás para solictarmos o rejeitamento desta orquestra que recentemente tem sido objecto de múltiplas polémicas a causa das suas actuaçons discriminatórias racistas, homófobas e anti-galegas.

Todo começou o passado 15 de Agosto no concelho de Ordes com motivo das suas festas paroquiais, quando o grupo protagonizou um número de alto conteúdo racista, publicado por diferentes meios tanto empresariais, -Galiciaé ou La Voz de Galicia, e alternativos, - Galizalivre.org. Desde essa data diferentes colectivos anti-racistas e de defesa dos direitos dos Gai, Lesbinas e Transexuais denunciarom estes factos sendo contestados polos responsáveis da orquestra com mais racismo, homofobia e anti-galeguismo:

Reproduzimos um dos diferentes comunicados da Olympus, neste caso respondendo ao escrito do colectivo contra a fóbia às lesbianas, gais, bisexuais e transexuais Panteras Rosas;

"ATENCION:
Empiezo a estar cansado y empiezo a estar hasta los mismísimos cojones, de tanto subnormal, de tanto sinvergüenza y de tanto paleto asqueroso que va de entendido por la vida intentando joderme. De mi no se rie nadie y a partir de hoy a mi no me jode más ningún baboso asqueroso.

Dicen que el que calla otorga... Pues señores, yo no puedo callarme. Por orgullo, por todo lo que yo sudo por esta orquesta y sobre todo porque me toca defender con uñas y dientes a todos mis compañeros.

Resulta que ahora cualquier persona puede escribir o publicar en cualquier revista o periódico digital lo que le vanga en gana de esta orquesta o incluso sobre nosotros. Pues si cualquier persona puede hacer eso, yo también lo voy hacer aquí. A la persona que ha escrito ese comunicado diciendo que somos racistas y que hacemos gran exaltación españolista, solo le pido que se presente en persona porfavor. Quiero darle el número de teléfono de un centro de deficientes mentales que yo conozco para que se matricule en el próximo curso, y sobre todo quiero saber si es un chico o una chica. Porque si es un tio, quiero y deseo que le den por el culo, y si es una chica me gustaría darle una patada en la cona. Porque estoy hasta los cojones de aguantar a tanto asqueroso y tanto cabrón de mierda.

Yo siempre he sido el moderador de este libro intentando poner orden y serenidad aquí. Pero está claro que aquí si vas de educado de dan por el culo una y otra vez... Pues no señores, a partir de hoy no. Se acabó. Si la gente escribe lo que quiere para jodernos... pues yo también. Pero a esas personas de mierda voy a empezar a desearles lo peor de lo peor todos los días del año si hace falta.
Repito. Estoy hasta los cojones de tanto vandalismo en las fiestas, de tanto gilipollas suelto, de tanto borracho y de tanto hijo de puta intentando jodernos.
Y ahora que venga alguien a decirme que no tengo educación, porque me cago en todos sus muertos.
Que me dejen trabajar en paz ostia, y al que no le guste que no venga PORFAVOR"

Ainda na comarca de Ordes, lugar inicial dos factos, levarom-se a cabo diferentes acçons de protesto e rejeitamento contra esta orquestra bem como noutros pontos da Galiza, para denunciarmos as actitudes discriminatórias da Olympus, por isto da Aguilhoar queremos somar-nos a estes protestos e solicitarmos das e dos limiaos que em centos acodem às festa da Sainza para boicotarmos a actuaçom desta lamentável orquetra que nem tam sequer teve a dignidade de pedir desculpas polos factos acontecidos senom reintera-lo umha e outra vez.

Mas também solicitamos à organizaçom da festa da Sainza que se posicione ante a actuaçom da Olympus numhas festas tam populares, tam galegas e tam comunitárias como as da Sainza, onde nom devem ter cabida este tipo de comportamentos.

FORA RACISTA E HOMÓFOBOS!!
FORA DA SAINZA A ORQUESTRA OLYMPUS!!
BOICOTE!!

Crónica de Causa Galiza.- A manifestación unitaria do soberanismo galego no Día da Patria, convocada por cuarto ano consecutivo por Causa Galiza, mostrou o froito da intensa campaña divulgativa que realizou a iniciativa por todo o país, superando amplamente a asistencia a anteriores convocatorias. Case 3000 persoas acudiron á marcha unitaria, que saiu ás 13:30 horas da Alameda de Compostela baixo o lema “Para enfrontarmos o capital, aquí e agora soberanía nacional” e rematou na Praza do Toural, onde se deu lectura a un manifesto no que se destacou o papel do dereito de autodeterminación para solucionar os problemas socioeconómicos do país.

Contra as 13:30 horas saiu da Alameda de Compostela a manifestación da Causa Galiza, convocada por cuarto ano consecutivo, encabezada esta vez por unha faixa coa lenda “Para enfrontarmos o capital, aquí e agora soberanía nacional”, que portaban membros da portavocía e militantes da iniciativa. A marcha soberanista rematou ás 14:30 na Praza do Toural, tras percorrer sen incidentes varias rúas da capital galega cunha numerosa e intimidatoria presencia policial.

O acto político do Toural, que foi presentado polo cantautor punk Leonardo F. Campos, comenzou coa lectura dos apoios das organizacións internacionais e a actuación dos músicos galegos Mini e Mero. De seguido, o membro da portavocía Pedro Alonso leu o manifesto, no que se afirma que “conquistar para Galiza o dereito de autodeterminación é conquistarmos a ferramenta que nos permitirá construír no noso País o modelo socioeconómico que a maioría social precisa”. Por último, Charo Lopes, tamén integrante da portavocía, lanzou unha arenga denunciando, no tocante aos recurtes realizados coa excusa da crise económica, que “están a refundar o capitalismo a costa das nosas vidas”. Advertiu tamén, contra os recurtes de dereitos por parte do Estado Español, que “a nós non nos vale a legalidade do Estado, válenos a lexitimidade do pobo”. O acto político foi fechado co canto do himno nacional.

As case 3000 persoas que acudiron ao chamado de Causa Galiza demostran o éxito da ampla campaña divulgativa do dereito de autodeterminación que ao longo do pasado ano realizou a organización por todo o país, conseguindo a maior asistencia a unha manifestación soberanista nos últimos anos. Causa Galiza demostra así a forza crecente da defensa do dereito da cidadanía galega a decidir o seu propio futuro, unha reclamación irrenunciábel do noso pobo que entronca coas necesidades económicas, culturais, lingüísticas e sociais do país.

O manifesto lido na Praza do Toral advertiu ás persoas asistentes o inútil de esperar “atopar nunha ou noutra administración autonómica as solucións do noso pobo” xa que residen “en facerse soberano do seu propio destino liberándose día a día das cadeas que o asoballan”. Este é o traballo para o que “Causa Galiza veu desenvolvendo un humilde mais contante traballo de socialización do dereito de autodeterminación”.

Ao remate da manifestación, a iniciativa vai realizar tamén a xa tradicional romaría popular no parque de Belvís, onde van ter lugar debates políticos sobre os movementos autodeterministas no Estado Español, a relación da crise coa reivindicación soberanista ou a situación da lingua galega. O programa compleméntase ademais con presentacións de libros, competicións de billarda e fútbol e actividades para os nenos e nenas. A partir das 21:00, por último, vaise celebrar un concerto coas actuacións de Projecto [‘trepja], Labregos no tempo dos Sputniks e Fracasados de antemano.

Mais um ano a plataforma Causa Galiza convoca sob a legenda “Para enfrentarmos o capital, aqui e agora soberania nacional” umha marcha unitária para o 25 de Julho em Compstela.

Manifestaçom que vai sair às 13:00 da Alameda, e que por primeira vez vai incluir também um concerto. Ademais, a inciativa apresentou um manifesto de apoio, assinado por numerosos vultos da sociedade, a cultura e o mundo sindical galego.

A apresentaçom pública dos actos decorreu no adro de Sam Martinho Pinário, Compostela, o passado dia 10 de julho, a carrego de Leonardo F. Campos (O Leo), um dos assinantes do documento, que deu leitura o manifesto no que se afirma que “a superaçom do marco jurídico-político espanhol, baseado fundamentalmente na Constitución Española e no Estatuto de Autonomía, tem que vir do exercício inalienável do direito de Autodeterminaçom”. O cantautor punk quixo sinalar que se prestara a facer de voceiro dese manifesto porque “é a primeira vez que me sinto identificado e ilusionado cunha iniciativa”. Também Charo Lopes, membro da porta-vozia, destacou os esforços de Causa Galiza por “incidir nas relaçons entre a luita autodeterminista e a actual situaçom económica”, reflectida no lema deste 25 de Julho. Assim mesmo, avançou o programa de actos da organizaçom para este Dia da Pátria. Ao remate da manifestaçom, a iniciativa vai realizar o já tradicional jantar de convívio no parque de Belvis”.

Da Aguilhoar animamos a todas e todos, nomeadamente aos e às limiás, a participarem na reivindicaçom nacional do nosso país após a voragimem espanholista que inundou as nossas ruas e vilas na recente Taça do Mundo de futebol, na qual o espanholismo nom desaproveitou, mais umha vez, o desporto para reconquistar terreno da sua suposta "Espanha", negando os direitos das nossas seleçons nacionais.

Também no 24 de julho, dia por excelencia da mocidade independentista, nos somamos aos diferentes actos convocados polas organizaçons juvenis AMI e Briga.

25 de julho: Dia da Pátria Galega
25 de julho: Dia de Luita
Viva Galiza Ceive e Socialista!!

Ante a maré mediática espanholizadora que nos faz abraçar sem qualquer questionamento a bandeira espanhola nestes dias de "furor" de futebol, da Aguilhoar queremos monstrar o nosso rejeitemento ante esta autêntica camapanha política do espanholismo de convertar as nossas vilas e as nossas cidades em símbolos da Espanha mais rancia e fascista.

Fora a bandeira espanhola!!

Espanha nom nos representa,
seleçom galega oficialidade já!

Segundo informou o organismo anti-repressivo Ceivar o Tribunal Supremo decidiu elevar de um a quatro anos de cadea aos militantes independentistas Santi Vigo e Jose Manuel Sanches. Os magistrados do TS aceitavam assim o recurso de casaçom da fiscalia, que tipifica o delito como 'tença de explosivos', e nom como 'danos terroristas em grau de tentativa'.

Endurecimento contra o independentismo.

Esta nova, como informa o portal galizalivre.org, "encardina-se num tratamento sistematizado e político contra a militáncia galega, que se modula segundo os interesses em jogo. Assi há que entender o deterioramento até limites quase insoportáveis da situaçom carcerária de Ugio Caamanho, dispersado a Palência; agora, Sánchez e Vigo padecem umha volta de porca que, segundo a imprensa comercial e os seus contactos policiais, pretende ser exemplarizante".

Da Aguilhoar nom podemos mais que solidarizar-nos com Santiago Vigo e José Manuel Sánches ante esta nova medida repressiva que Espanha toma contra as e os que mais dam por este País, exemplos de luita e dignidade.

LIBERDADE INDEPENDENTISTAS!!
DEFENDER A TERRA NOM É DELITO!!

O grupo local do BNG em Ginzo e a sua organizaçom juvenil, Galiza Nova, organizam um Festival das Letras na capital limiá. Decorrerá na céntrica praça de Sam Roque, a próxima setxa-feira 14, às 22h00 com a actuaçom da de "Roberto Sobrado Band" e o sábado, apartir das 20h00, com a actuaçom de Vichelocrego e um sorteio de um lote de obras de Uxio Novoneyra.

Sob a convocatória do CS Sem um Cam, o CS Aguilhoar e o colectivo Galiza em Punk, partirá do pavilhom dos Remédios de Ourense, por volta das 12h00, um BLOCO ANTI-CAPITALISTA na manifestaçom da CIG o vindouro 1º de Maio, Dia Internacional dos Trabalhadores e Trabalhadoras, ao que animamos a todas e todos a participar com o intuito de levarmos à rua a voz dos mais críticos e rebeldes com a situaçom actual de crise permanente à que nos submete o capitalismo.

VIVA O 1º DE MAIO!!

PERGUNTAS PARA ESTE 1º DE MAIO

1. O 1º de Maio comemoramos a Greve Geral de Chicago, em 1886, pola reduçom da jornada laboral. Há mais de um século, as trabalhadoras e os trabalhadores pediam trabalhar menos. Se a produtividade desde aquela medrou e continua a medrar exponencialmente (cada vez se necessita menos trabalho para produzir o mesmo), por que nós seguimos choiando tanto como os nossos bisavós?

2. Se a felicidade humana sempre se baseou no tempo livre, nas relaçons sociais e pessoais, na tranquilidade, na saúde, na cultura, nas artes, na natureza... como conseguirom atar-nos a esta cadeia de trabalho e consumo infinitos? Por que a publicidade, essa indústria que existe para fazer-nos sentir que para ser felizes necessitamos comprar, é um dos negócios que mais medra e mais espaços ganha no mundo capitalista. Como caimos nesta armadilha?

3. Se acreditamos no internacionalismo proletário, por que permitimos que a nossa sociedade viva sobre o trabalho escravo de milhons de companheir@s? A roupa que vestimos, os alimentos que comemos, a maquinária que utilizamos... som produzidos e distribuidos no mercado internacional baixo condiçons laborais escravistas que ninguém de nós aceitaria. Como conseguiu a burguesia que a nossa sede de consumo acabe devorando os princípios éticos fundamentias da nossa classe?

4. A automoçom, a construçom, ou o turismo som sectores económicos mui nocivos, que baseam o seu negócio na destruiçom ambiental e na venda de produtos inecessários. Ademais, som sectores mui tocados por duas crises que terám efeitos a longo praço: a crise de consumo, e a crise energética. Em cámbio, tal como está montado isto, a nossa subsistência depende em boa medida deles: necessitamos o dinheiro que nos proporciona a venda de carros, a urbanizaçom selvagem ou o sector turístico, para comprar os alimentos que necessitamos, e que cada vez se produzem mais longe. Por que ninguém -nem muitos que se dim a favor da Soberania Alimentar- questiona de raiz este modelo económico? Por que ninguém propom sair da crise voltando ao rural e ao sector primário, e nom destruindo e dilapidando em cemento a terra que nos deu de comer durante séculos?

5. Se em meio desta grave crise económica os grandes empresários nom deixam de ganhar milhons, enquanto muitas trabalhadoras e trabalhadores estamos a passá-lo mal, por que nom se estám a celebrar assembleias nas empresas? Qual é o momento a partir do qual estám justificadas as greves, as mobilizaçons, os piquetes, as expropriaçons? Por que temos que seguir pagando aos capitalistas polos alimentos, pola vivenda ou pola luz? Até quando a raiva, a frustraçom e a desesperaçom provocadas por este sistema vai seguir estourando nas nossas próprias casas, em forma de de depressons, de estress, de ansiedade, de drogadiçom, de violência entre nós próprios? Quando começarám a arder os seus bancos?

Vídeo da manife em galizacontrainfo.

TRABALHAR MENOS, CONSUMIR MENOS, VIVER MELHOR.
ORGANIZAÇOM E LUITA ANTI-CAPITALISTA!