Finalizou o VII Festival da Mocidade que da Aguilhoar levamos organizando, ano após ano, mas nesta ediçom as dificultosas circunstáncias económicas também estiverom e estam presentes nos movimentos sociais. Assim, nesta ocasiom nom pudemos desfrutar dos concertos ao ar livre que desde os começos era umha senha de identidade. Porém, seguindo o sucesso da ediçom anterior, da Aguilhoar decidimos centrar os nossos esforços na programaçom de umha boa jornada desportiva, popular e galega, que puxesse acima da mesa, nestes tempos de actualidade com o mundial de futebol e os jogos olímpicos, um desporto de base, nom profissional e baseado na camaradagem e, aliás, colocando a necessidade de umhas seleçons galegas poderem competir internacionalmente em pé de igualdade com o todos os povos do mundo.

Neste contexto, o sábado 28 de julho, sete equipas representativas de povos da nossa comarca, - A Sainza, Poligono, Casas da Veiga, Boado, Vilar de Santos, Lama de Paio, e As Pegas-, participaram das Olimpíadas Inter-Povos nas instalaçons desportivas da Moreira em Ginzo de Límia.

Mais de meio cento de participantes e alguns curiosos achegarom-se já pola manha cedo para correrem os 4000 m, que partiam da Praça Maior da vila, e que foi para a Sainza, os 100m e o lançamento de sacho, também forom para o combinado mouro-cristiao. Porém, o salto de longitude levou-no a equipa de Boado, e o lançamento de pedrolo foi para os das Casas de Veiga. O tiro com fisga que puxo fim à manhá, nesta ocasiom, levou-no a equipa das Pegas.

Já pola tarde, tinhamos as provas por grupos, onde arrassou novamente a Sainza, tanto no volei, como no espectacular tiro de corda. A continuaçom, também outras das provas estrela, foi a carreira popular por relevos, com carreira de sacos, ao chico, carretilha e carreira com a pataca numha culher na boca. E para terminar a luita galega, onde os e as participantes quigerom medir a suas forças. A classificaçom final levou o xamom para a Sainza, como campeom, o lacom para o Polígono como segundo classificado, e a rastra de chouriços para as Casa da Veiga como terceiros da maratona desportiva.

Para por-lhe o fim à jornada, foi o Centro Social Aguilhoar o que acolheu num concerto superlotado, ao grupo viguês de ska Liska! que fixo dançar e troulear a todos aqueles que participaram na jornada. A seguir foi a entrega de trofeus a carrego de um representante da Aguilhoar que nom defraudou na sua intervençom. E ainda, umha improvissada foliada que continuou a festa desta ediçom, um tanto sui generis, do Festival da Mocidade.

Obrigadinhos/as a todos/as por tudo!

Mais info: http://festivaldamocidade.blogspot.com

Nota: Nos próximos dias publicaremos umha extensa reportagem gráfica da jornada.

A seguir publicamos o cartaz e a programaçom definitiva da sétima ediçom do Festival da Mocidade, que mais um ano se centra no ámbito desportivo e festivo. Assim, as actividades das olimpíadas inter-povos decorreram nas instalaçons desportivas da Moreira, onde haverá todo tipo de serviços, desde vestiários, zona de descanso, um bar com bebida e comida para os participantes,etc.

Finalmente, o encerramento da jornada será no Centro Social Aguilhoar, e nom na tradicional Praça de Oriente de Ginzo como en anteriores ediçons, nele realizara-se a entrega de trofeus e contaremos com a actuaçom do grupo viguês LISKA! para por fim a este evento.

Sem mais, encorajamos a participarem nas actividades a todas e todos, podendo anotar-se através do correio aguilhoar@hotmail.com, no local social ou em último caso no próprio Campo da Moreira.

Mais info. http://festivaldamocidade.blogspot.com

Próxima ediçom do Festival da Mocidadade repite a organizaçom das Olimpiadas Inter-Povos, assim da Aguilhoar começamos a trabalhar para prepararmos, mais um ano, este evento desportivo e festivo.

28 DE JULHO NO CAMPO DA MOREIRA

O sábado 28, na capital da Límia, nas instalaçons da Moreira, desde a pimeira hora da manhá decorreram todas as provas. Desde disciplinas profisionais como 5000 m., 100 m. ou salto de longitude, até jogos tradicionais como o brilé, lançamento de sacho, tiro com corda ou carreira por relevos.

A participaçom será por equipas, preferentemente de cada um dos povos, aldeias ou bairros da comarca, e com a obrigatoriedade de contar com umha mulher quando menos em cada equipa.

O Trofeu para o povo ganhador será um xamom, para o segundo classificado será um lacom e para o terceiro uns chouriços. Aliás, haverá um diploma para os campeons individuais de cada umha das provas.

CONCERTOS NA PRAÇA DE ORIENTE

Para finalizar a jornada, na Praça de Oriente haverá umha cerimónia de entrega de Trofeus e os já habituais concertos até o corpo aguantar para lhe por fim a este dia.

FAI A TUA EQUIPA NO TEU POVO, ALDEIA OU BAIRRO!! PARTICIPA!!

Mais informaçom proximamente
Blogue: http://festivaldamocidade.blogspot.com
Correio: aguilhoar@hotmail.com

Próximo sábado, dia 7 de xullo (non xuño como indica o cartaz por erro), celebrara-se no Centro Social Aguilhoar, mais um campeonato de matraquilhos. O preço da inscriçom som 5 euros por parelha, e o prémio para o campeom é de 100 euros, e o segundo umha botelha de licor café.

Às 22h30 terá começo o evento e podedes-vos apontar previamente no localo social nestes dias, no correio da Aguilhoar ou no próprio sábado antes do começo do campeonato.

UMHA NAÇOM, UMHA SELEÇOM!!
OFICIALIDADE SELEÇOM GALEGA!!

O pasado sábado, 30 de xullo, decorreu a sexta edición do Festival da Mocidade, este ano adicando a temática do mesmo aos deportes populares e galegos, sob a organización dun campionato que enfrontaba aos pobos, aldeas e barrios da comarca en probas como os 4000m, 100m, brilé, lanzamento de sacho ou o tiro con fisga, continuando a idea lanzada nas Olimpiadas Populares Galegas.

O resultado foi un rotundo éxito, non só na participacióm, contando con dez equipas, con un número de participantes que ia dos 6 aos 10 por cada unha, mais polo ambiente vivido, o convivio e a sana competitividade, pondo en valor unha outra forma de lecer, sempre de unha óptica 100% galega e popular.

Olimpiadas Inter-Pobos. Casa Baratas-Pombal saiu como a equipa gañadora.

A xornada comezou por volta das 11h da mañá até 14h nas instalacións deportivas do campo da Moreira, desputándose os 4000m resultando gañador Javi do Poligono 2 na categoria masculina e Lorena Portela da Veiga na feminina. Logo virían os 100m. que iría para Hector da Sainza, e mais para Noelia do Barrio de Abaixo. A continuación a lonxitude gañando o Javi do Poligono 2 e novamente Noelia do Barrio de Abaixo. E por último, en peso maculino faríase co trunfo Javi das Casas Baratas – Pombal e no feminino Raquel de Reboreda, e o Tiro con Fisga que foi para a equipa das Casas Baratas – Pombal.

Na concurrida e calurosa tarde, foron as probas de lanzamento de sacho, que gañou Adrian da Sainza, e mais unha vez, Noelia do Barrio de Abaixo. O brilé foi gaño novamente pola equipa das Casas Baratas – Pombal, e a seguir no Volei foi para A Sainza quen se levou a vitoria. E para rematar a xornada deportiva, a igualada carreira popular foi para equipa de Reboreda. Portanto, a clasificación por equipas resultou o primeiro posto para as Casas Baratas – Pombal, o segundo para Sainza e o terceiro para o Barrio de Abaixo.

Concertos e entrega de trofeus

Porén, a xornada non terminaba aí, mais continuaba na Praza de Oriente de Xinzo de Limia ambiantada para o efeito, cos concertos dos ourensanos Markarpone e os de Ponte Areas, Skandalo GZ que animaron aos presentes. Así, decorreu a entrega de trofeus a carrego de membros da Aguilhoar fixo entrega dos premios anunciados, nunha irónica intervención na que aliás se entregaran os premios “Isaac Vila” e “Anxo Quintana”.

Só resta agradecermos a todos as e os presentes e as que colaboraran con este VI Festival da Mocidade a súa axuda e agardarmos mais un ano para unha nova edición.

Eis a programación definitiva deste VI Festival da Mocidade a decorrer o sábado dia 30 de xullo en Xinzo de Limia.

OLIMPIADAS INTER-POBOS
HORARIO DAS PROBAS: Campo da Moreira

Ás 11h00. 5000 m e 100 m

Ás 11h45. Lanzamento de peso e Salto de Lonxitude

Ás 12h30. Lanzamento de Sacho

Ás 13h00. Tiro con Fisga

Descanso para xantar

Ás 16h00. Brilé

Ás 17h.00. Volei

Ás 18h30. Carreira Popular de Relevos

Ás 19h15. Billarda

Ás 20h30. Loita Galega

CONCERTOS. Praza de Oriente
Entrega de Tofeus

Ás 23h00
SKANDALO GZ
MASKARPONE

Mais um ano as e os sócios da Aguilhoar acodimos ao partido anual da nossa seleçom nacional, que por segundo ano consecutivo organiza o colectivo Siareiros Galegos tras a negativa da Federaçom Galega de Futebol e a Xunta de Galicia de seguir convocando às e aos galegos a vermos as nossas seleçons galegas. O resultado foi o de menos (6-3) num partido de marcado carácter reivindcativo pola oficialidade da Galiza em competiçons internacionais e em apoio à causa palestiniana. UMHA NAÇOM, UMHA SELEÇOM!!

Mais um ano Aguilhoar adere as actividades organizadas polo colectivo Siareiros Galegos no Natal com objecto de reivindicarmos a oficialidade da nossa seleçom nacional. Este ano será o jogo em Ourense o próximo dia 26 de dezembro contra Palestina.

Assim de Siareiros Galegos manifestam que após o sucesso do ano passado, nesta ocasiom queremos melhorar as nossas actividades com um completo programa no que o "rival" de Galiza será Palestina. Temos escolhido e luitado por disputar este jogo com um duplo objectivo. Por um lado, que os nossos jogadores e jogadoras voltem a saltar ao terreno de jogo e, por outro, para denunciar a situaçom vivida dia a dia no território ocupado de Palestina, como os gravíssimos incidentes que acontecerom com a frota de ajuda a Gaza. Por isso, este ano colaboram com nós diversas organizaçons como BDS-Galiza e Comunitat Palestina de Catalunya para denunciar a ocupaçom cada vez mais sangrenta por parte de Israel.

De novo Siareir@s Galeg@s fai um chamamento ao povo galego para que se suba a este carro, no que todos e todas devemos de ir jun@s coma galeg@s com umha soa ideia, a de Galiza e a sua selecçom, a nossa selecçom. Participa nas nossas actividades, fala com @ vizinh@, amig@, que todo o mundo conheça o que o povo galego pode fazer.

O dia 26 voltaremos a ter umha jornada de festa e reivindicaçom em Ourense, na que berraremos bem forte que somos umha naçom e que temos direito a ter selecçons desportivas e que por isso reclamamos a oficialidade.

MANIFESTAÇOM:

Às 16:00 com o lema "Povos em luita, selecçons irmás" desde a Praça Maior até o Campo dos Remedios.


JOGO DE GALIZA:

A nossa selecçom nacional jogará contra Palestina. Por Galiza participaram jogadores e jogadoras de diversas categorias dirigidas, mais um ano, por Pilar Neira e Fernando Vazquez. Nos próximos dias confirmaremos os jogadores e jogadoras incluid@s nesta convocatória e que defenderam a nossa camisola.

CONCERTO:

Para pôr fim à jornada organizaremos um concerto, na Praça Magdalena, depois do jogo. Contaremos com a actuaçom de três grandes grupos galegos, KELTOI, ROYALTIES e SOM DO GALPOM.

Nesta jornada também contaremos com a participaçom da Liga Nacional de Bilharda que desputará o III Aberto da Bilharda da Auténtica , com a actuaçom de Palhaços em Rebeldia a partires e com um jantar popular a partires das 12:00 na Praça Magdalena.

Programa:

12:00 (Praça Magdalena), III Aberto de Bilharda da Auténtica; Actuaçom de Palhaços em Rebeldia e Jantar Popular.

16:00 (Praça Maior), Manifestaçom Nacional baixo o lema "POVOS EM LUITA, SELECÇONS IRMÁS".

17:30 (Campo dos Remedios), GALIZA - PALESTINA.

20:30 (Praça Magdalena), Concerto de KELTOI, ROYALTIES e SOM DO GALPOM.

Aguilhoar adere à campanha iniciada polo colectivo Siareir@s Galeg@s com motivo do mundial de futebol que se vai desputar na África do Sul, e no que mais um ano o nosso País nom pode jogar por carecer de oficialidade, negada por Espanha e pola maré uniformadora do espanholismo, que cansando-se de repetir que o desporto nom é política, inundaram de bandeiras, cánticos e bendiçons à "naçom" espanhola as nossas ruas. Pois da Aguilhoar queremos modestamente rachar esta festa do espanholismo e encorajar a todas as galegas e galegos que sentem o seu país, nom se deixem levar polo rancio espanholismo e reivindiquem a sua seleçom nacional: GALIZA!!

SSGG.-O vindeiro 11 de junho começa o mundial de África do Sul, mas a Galiza nom pode nem tam sequera optar a desputar esta ou outra competiçom internacional. Pola contra já estamos a ver e sofrer a ofensiva de toda a imprensa imperialista e reaccionária espanhola em favor da chamada “La roja”, a selecçom que pisoteia os nossos direitos.

Durante o proximo mês assistiremos a umha campanha espanholista lançada polo Mundial da África do Sul, quando a Galiza desputa os seus jogos é ocultada tanto previamente como poseteriormente, mesmo que sejan um sucesso desportivo e popular. Porém, se estamos a falar da selecçom espanhola, todo está justificado.

Nestes momentos de crise onde no nosso País há mas de 225.000 pessoas no desemprego, onde existem mais de 450.000 galegos e galegas que nom chegan aos 900 euros mensais e um em cada cinco vivem aquém do limiar de probreza (isso só por pôr uns quantos dados), pois nesta situaçom similar a de outros países e estados, os futebolistas espanhoós serám os que cobrem maiores dietas de todos os combinados se ganham o campeonato do mundo, ganhando cada um dos seus integrantes 550.000 euros de prima.

Isso sem incluir os gastos do complexo onde se concentram que inclue condiçons de grande confort e do que nom se conhece o gasto. Mas ainda podem ser somados todas as despesas dos políticos que assistirám de graça à África do Sul, os gastos de promoçom, etc, etc.

E mentres tanto Galiza nom pode participar neste Mundial, nom por umha rígida norma de Direito Internacional, nem sequer por umha norma estatutária da FIFA que organiza esta demonstraçom futebolística. Nom, singelamente, o que impede a participaçom da nossa selecçom é o veto da Federaçom Espanhola de Futebol. E nom é verdade que haja que ser independente para participar no Mundial, já que Gales, Irlanda do Norte, Escócia, Hong Kong ou as Ilhas Feroe participam nos torneios classificatórios... E também Andorra ou Sam Marinho. Há que ver cada cousa...!

De Siareir@s Galeg@s animamos a escapar de toda esta ofensiva espanholista, e a denunciar a injustiça de que os galegos nom podamos nem jogar um jogo. Por isso lançamos esta campanha para que a difundades nas ruas da nossas cidades, na rede e onde poidades.

GALIZA E A NOSSA SELECÇOM!
Espanha nom nos representa!

UMHA NAÇOM, UMHA SELEÇOM!!