Da Aguilhoar continuamos com a campanha de solidariedade iniciada a começos de ano, nesta ocasiom com umha palestra sob o mote "Pres@s Polític@s Galeg@s" nas que tentaremos com o máximo rigor por em debate a actual legislaçom de excepçom penal, a extensom do Estado de emergência na luita contra quem questionar o status quo, e como se aplica a lei contra aquelas pessoas dispostar a tentar mudar este estado de cousas, para isto contaremos com um advogado, penalista e membro do observatório de advogados Esculca-Xustiza e da organizaçom European Democraty Lawyers de dereitos humanos. Contaremos com a presença de um responsável, ainda por determinar, do Organismo Popular Anti-Repressivo CEIVAR que da apoio aos militantes independentistas represaliados pola sua actividade política bem como cobertura aos presos independentistas galegos, e que nos falará da sua história e situaçom actual. E por último, teremos a Marcos Regueiro, ex-preso político comunista e membro do Comité de Solidariedade, que presta cubertura as e os militantes comunistas e antifascistas galegos, que nos exporá a situaçom repressivo contra este colectivo de presoss ao que o Estado impom elevadíssimas condenas de prisom e gravíssimas situaçons penitencárias.

SÁBADO DIA 9, ÀS 19H00
NO CENTRO SOCIAL AGUILHOAR

Com motivo da comemoraçom do Dia das Letras Galegas, sócias e sócios do Centro Social Aguilhoar levarám a cabo as seguintes actividades:

1.-Conferência sobre o Galego, sábado 17, às 18h00 no Centro Social:

"Eficácia comunicativa e sobrevivência do Galego (a propósito da regeneraçom lexical da língua)" . A carrego de Carlos Garrido , Professor da Universidade de Vigo e membro da Comissom lingüística da Associaçom Galega da Língua.

2.-Leitura de textos galegos, sábado 17, às 19h00 na Praça Maior de Ginzo.

Acto organizado por Galiza Nova-A Límia, no qual se lerám textos galegos a carrego de militantes e simpatizantes desta organizaçom e todos aqueles que quigerem participar.

3.-Realizaçom de um mural em Ginzo de Límia na defesa do Galego.

Convidamos a tod@s @s interessd@s a participarem nos diferentes actos.

100% EM GALEGO!!
100€ GALIZA!!

A Assembleia da Mocidade Independentista (AMI) tem agendada no Centro Social Aguilhoar a projecçom do documentário "O monte é nosso" o próximo 12 de outubro às 20h00, no contexto da comemoração do Dia da Galiza Combatente, que neste ano essa organização tem voltada para homenagear as lutas em defesa do monte comunal galego.

Para já, colocamos aqui um par de parágrafos através dos quais essa organização independentista pretende explicar as razões pelas quais este ano recorda o monte comunal e todas as lutas que se têm realizado na sua defesa:

«Desde o primeiro terço do século XIX, o evoluir capitalista do reino da Espanha trai a constituiçom do moderno estado espanhol (centralizaçom e afortalamento do estado a costa do velho sistema feudal, apariçom da divissom territorial actual, baseada nos concelhos e comarcas,…)

Aqui começa umha série de agressões contra a propriedade comunal na Galiza, de origem germánica, que explicam em boa medida a situaçom actual de abandono do monte galego, o uso abusivo na reforestaçom, as brutais vagas de fogos e o despreço cada vez mais geralizado polo monte, como mais umha mostra de auto-odio produto de décadas de repressom e colonialismo.»

Fonte: A terra é nossa. Dia da Galiza Combatente

Dossiê: «A Luita em Defensa do Monte Comunal»

É uma das frases proferidas pelo historiador Ugio-Breogám Diegues-Cequiel ontem à noite no CS. Aguilhoar ao sabor da conferência que levava por título: "Alexandre Bóveda e Moncho Reboiras: Dous homens, a mesma causa. A libertaçom nacional."

A sobranceria da vida militante do Alexandre Bóveda, fez com que numa densa e muito agradável conferência-colóquio; fosse impossível tratar a figura incontornável de Moncho Reboiras.

Contudo Ugio-Breogám, entre outras responsabilidades, director da revista galega de História "Murguia"; delineou muitos paralelismos entre o ourensano e o moço de Imo, além de ambos terem sido assassinados mão-de-ferro pelos fascistas, embora com diferentes casacas; ainda destacou o facto de ambos serem os "grandes produtores-organizadores" da nação galega. Ambos norteavam a ideia de uma Galiza soberana.

Respeitante a Bóveda, Ugio-Breogám, falou na sua disponibilidade a atender quaisquer requerimento, a se deslocar pola Galiza toda...a liderar junto Castelão, os primeiros comícios multitudinares do nacionalismo organizado. A sua inteligência que o levou a desconfiar de quem achava estarem a distorcer (ex. Álvaro de las Casas) o respeito que teve face ele a Sociedade Nazonalista Pondal, uma vez ultrapassadas as diferenças do começo...etc

Porfim, foi uma elucidativa conferência perante um público animoso e que redescobriu o Alexandre graças ao companheiro Ugio-Breogám