A associaçom cultural Traslasxás de Boado, pertencente ao concelho de Ginzo de Límia, formada nomeadamente pola mocidade da aldeia, organiza para o 30 de maio a II Andaina pola comarca da Límia.

O roteiro proposto tem umha longitude de aproximada 20 quilómetros com umha dificuldade meia-baixa e desenvovera-se polas aldeias de Boado, Pena, Solveira e Pidre. A data de inscriçom som do 10 ao 27 de maio, com umha quota de 9 euros por participante.

Da Aguilhoar encorajamos ao pessoal a participar neste roteiro polas planícies da comarca limiá. Para mais informaçom na web da AC Traslasxás.

Relacionada: Mocidade de Boado (Ginzo de Límia) cria nova associação

Moças e moços do C.S.Aguilhoar participaram activamente no roteiro reivindicativo pola Serra da Grova organizado por SOS a Grova e a Agrupaçom de Montanha Augas Limpas (AMAL)os próximos dias 1 e 2 de Dezembro com o objectivo de denunciar as principais agressons da implantaçom de um parque eólico que de se construir estragará boa parte da riqueza arqueológica e meio-ambiental da serra.

A Aguilhoar também se bota ao monte na defesa da Terra para exigir a paralisaçom de tantos parques eólicos, dos quais infelizmente também sabemos na nossa comarca, denunciar a mercantilizaçom dos nossos montes e as consequências que acarreta, todo isso quando Galiza exporta o 40% da electricidade que produz e que como neste caso todo fica em maus de empresas multinacionais de capital estrangeiro.

Para quem esteja interessado em participar

A saída será às 9h30 de carro da estaçom marítima de Vigo, e em Baiona combinará-se às 10h30 na “estaçom de gás oil” da entrada à vila. Há que levar comida, bebida e roupa de abrigo. Trata-se de um roteiro de dificuldade meia-baixa e com um percurso por volta de 8 km.

As pessoas que o desejarem podem ficar a durmir no monte, sendo imprescindível o saco-cama e mais a tenda. TELEFONE DE CONTACTO: 649 536 270.

Um nutrido grupo de moças e moços acudirom a passada quinta-feira, 19 de Julho, ao Centro Social Aguilhoar ao Vídeo-Forum contra a destruiçom da costa galega, organizado em colaboraçom com a AMI. Os documentários tratarom a especulaçom na Costa da Morte, "A Casa de Lola de Andrés", e no Morraço, "Cangas 2007or um novo plam". O acto começou por volta das 20h30 com umha pequena apresentaçom por parte de um representate da Assembleia da Mocidade Indepedentista que analisou a destruiçom da nossa costa e o grave processo de turistificaçom que vive Galiza e o impacto que isto acarreta nom só no meio ambiente, mas também que na forma de vida social, cultural e até linguística. Após a projecçom dos documentários decorreu um colóquio no que os presentes debaterom e analisarom a turistificaçom como a mais selvagem forma de consumismo do modo de vida capitalista e a necessidade de reverter a situaçom, nomeadamente nas nossas costas.